ഗതാഗത സ്തംഭനം: പടിഞ്ഞാറങ്ങാടിയില്‍ യാത്രക്കാര്‍ വലയുന്നു

കുമരനെല്ലൂര്‍: റോഡ് പ്രവൃത്തി പൂര്‍ത്തിയാക്കാത്തതിനാല്‍ പടിഞ്ഞാറങ്ങാടി - എടപ്പാള്‍ റോഡില്‍ ഗതാഗതപ്രശ്നം അതിരൂക്ഷം. കഴിഞ്ഞമാസമാണ് റോഡ് ഉയര്‍ത്തി കട്ടവിരിക്കാൻ അടച്ചുകെട്ടിയത്. കട്ടവിരിക്കൽ ഏറെ പൂര്‍ത്തിയായെങ്കിലും അരിക് ഉയർത്തൽ പ്രവൃത്തി ബാക്കിയാണ്.

കാര്‍ ഉൾപ്പെടെ ചെറുവാഹനങ്ങള്‍ തിക്കിതിരക്കി പോകുന്നതിനാൽ വലിയ കുരുക്കാണ് അനുഭവപ്പെടുന്നത്. ബസുകള്‍ക്ക് ഇതുവഴി പ്രവേശനം അനുവദിക്കാത്തതിനെതിരെ പ്രതിഷേധമുണ്ട്. ബസുകള്‍ ഈ ഭാഗത്തേക്കുള്ള യാത്രികരെ പെരുവഴിയിലിറക്കുകയാണ്.