പ​റ​മ്പി​ക്കു​ളം പൂ​പ്പാ​റ​യി​ൽ ഇ​ത്ത​വ​ണ പോ​ളി​ങ് ബൂ​ത്തി​ല്ല

പ​റ​മ്പി​ക്കു​ളം: ഇ​ത്ത​വ​ണ പൂ​പ്പാ​റ​യി​ൽ പോ​ളി​ങ് ബൂ​ത്തി​ല്ലാ​ത്ത​തി​നാ​ൽ 14 കി​ലോ​മീ​റ്റ​ർ ന​ട​ന്ന് ആ​ദി​വാ​സി​ക​ൾ വോ​ട്ട് ചെ​യ്യാ​നെ​ത്ത​ണം. 1526 വോ​ട്ട​ർ​മാ​രു​ള്ള പ​റ​മ്പി​ക്കു​ളം മേ​ഖ​ല​യി​ൽ പൂ​പ്പാ​റ കോ​ള​നി​യി​ൽ മാ​ത്രം 127 വോ​ട്ട​ർ​മാ​രാ​ണു​ള്ള​ത്.

പ​തി​റ്റാ​ണ്ടു​ക​ളു​ടെ ആ​വ​ശ്യ​മാ​യ പോ​ളി​ങ് ബൂ​ത്ത് ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ന് പൂ​പ്പാ​റ​യി​ൽ അ​നു​വ​ദി​ച്ചി​രു​ന്നെ​ങ്കി​ലും ഇ​ത്ത​വ​ണ ക​ല​ക്ട​ർ ഇ​ട​പെ​ടാ​ത്ത​തി​നാ​ലാ​ണ് 30ൽ ​അ​ധി​കം വ​യോ​ധി​ക​രും ഇ​രു​പ​തോ​ളം രോ​ഗി​ക​ളു​മാ​യ വോ​ട്ട​ർ​മാ​രു​ള്ള പൂ​പ്പാ​റ​വാ​സി​ക​ൾ​ക്ക് ദു​രി​ത​മാ​യ​ത്. പി.​എ.​പി കോ​ള​നി​യി​ലെ ടൈ​ഗ​ർ ഹാ​ളി​ലാ​ണ് ഇ​ത്ത​വ​ണ പൂ​പ്പാ​റ കോ​ള​നി​വാ​സി​ക​ൾ എ​ത്തേ​ണ്ട​ത്.

ദു​ർ​ഘ​ട​മാ​യ വ​ഴി​യി​ലൂ​ടെ 14 കി​ലോ​മീ​റ്റ​ർ കാ​ൽ​ന​ട​യാ​യോ പ​റ​മ്പി​ക്കു​ളം ഡാ​മി​ലൂ​ടെ മു​ള ഉ​പ​യോ​ഗി​ച്ച് നി​ർ​മി​ച്ച ച​ങ്ങാ​ട​മാ​യ പോ​ണ്ടി​യി​ൽ തു​ഴ​ഞ്ഞോ എ​ത്തേ​ണ്ട അ​വ​സ്ഥ​യാ​ണ്. മു​തു​വാ​ന്മാ​രു​ടെ വി​ഭാ​ഗ​ത്തി​ൽ ഉ​ൾ​പ്പെ​ടു​ന്ന 120ൽ ​അ​ധി​കം ആ​ദി​വാ​സി കു​ടും​ബ​ങ്ങ​ൾ താ​മ​സി​ക്കു​ന്ന പൂ​പ്പാ​റ​യി​ൽ പോ​ണ്ടി​യി​ലും കാ​ൽ​ന​ട​യാ​യും പ്രാ​യ​മാ​യ​വ​രും രോ​ഗി​ക​ളും വോ​ട്ട് ചെ​യ്യാ​ൻ എ​ത്താ​റി​ല്ല.