പണിമുടക്കി പാലക്കാ​ട്ടെ ട്രാഫിക് സിഗ്നലുകൾ

പാ​ല​ക്കാ​ട്: ന​ഗ​ര​ത്തി​ലെ ട്രാ​ഫി​ക് സി​ഗ്ന​ലു​ക​ൾ പ​ണി​മു​ട​ക്കു​ന്ന​ത് പ​തി​വാ​കു​ന്നു. ന​ഗ​ര​ത്തി​ലെ സു​ഗ​മ​മാ​യ ഗ​താ​ഗ​ത​ത്തി​ന് സ്ഥാ​പി​ച്ച ട്രാ​ഫി​ക് സി​ഗ്ന​ലു​ക​ൾ പ​ല​യി​ട​ത്തും ക​ണ്ണ​ട​ക്കു​ന്ന​ത് ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കു​ന്നു. സ്കൂ​ളും കോ​ള​ജും പ്ര​വ​ർ​ത്തി​ക്കു​ന്ന വി​ക്ടോ​റി​യ കോ​ള​ജ് ജ​ങ്​​ഷ​നി​ലെ ട്രാ​ഫി​ക് സി​ഗ്ന​ലു​ക​ൾ പ്ര​വ​ർ​ത്ത​ന ര​ഹി​ത​മാ​ണ്. ചു​ണ്ണാ​മ്പു​ത്ത​റ, പു​തി​യ​പാ​ലം, മ​ല​മ്പു​ഴ ഭാ​ഗ​ത്ത് നി​ന്ന് ന​ഗ​ര​ത്തി​ലേ​ക്കും തി​രി​കെ​യും വി​ക്ടോ​റി​യ കോ​ള​ജ് ജ​ങ്​​ഷ​ൻ വ​ഴി​യാ​ണ് വ​രു​ന്ന​തും പോ​കു​ന്ന​തും. മോ​യ​ൻ​സി​െൻറ മു​ന്നി​ലെ ജാ​ഗ്ര​ത സി​ഗ്ന​ൽ പൂ​ർ​ണ​മാ​യും പ്ര​വ​ർ​ത്തി​ക്കു​ന്നി​ല്ല. റെ​യി​ൽ​വേ മേ​ൽ​പാ​ല​ത്തി​ൽ മോ​യ​ൻ​സി​ലേ​ക്കും ബ​സ് സ്​​റ്റാ​ൻ​ഡി​ലേ​ക്കും വേ​ർ​പി​രി​യു​ന്ന സ്ഥ​ല​ത്തെ സി​ഗ്ന​ലി​െൻറ തൂ​ൺ ഇ​ള​കി പ്ര​വ​ർ​ത്ത​ന ര​ഹി​ത​മാ​യി സ​മീ​പ​ത്തെ സൂ​ച​ന ബോ​ർ​ഡി​ൽ മേ​ലെ​യാ​ണ് കി​ട​ക്കു​ന്ന​ത്.

ന​ഗ​ര​സ​ഭ​യാ​ണ് സി​ഗ്ന​ലു​ക​ളു​ടെ അ​റ്റ​കു​റ്റ​പ്പ​ണി​ക​ളും പ​രി​പാ​ല​ന​വും ന​ട​ത്തേ​ണ്ട​ത്. ന​ഗ​ര​ത്തി​ൽ കു​രു​ക്ക് രൂ​ക്ഷ​മാ​കു​മ്പോ​ഴും സു​ഗ​മ​മാ​യ യാ​ത്ര​ക്കാ​യി സ്ഥാ​പി​ച്ച ട്രാ​ഫി​ക് സി​ഗ്ന​ലു​ക​ൾ പ്ര​വ​ർ​ത്ത​ന ര​ഹി​ത​മാ​യി കി​ട​ക്കു​ന്ന​ത് ക​ണ്ടി​ല്ലെ​ന്ന ഭാ​വ​മാ​ണ് ന​ഗ​ര​സ​ഭ​ക്ക്.