പാ​ല​ക്കാ​ട്-​പൊ​ള്ളാ​ച്ചി-​ദി​ണ്ടി​ഗ​ൽ വൈ​ദ്യു​തീ​ക​ര​ണം പ്ര​തീ​ക്ഷ​യോ​ടെ യാ​ത്ര​ക്കാ​ർ

കൊ​ല്ല​ങ്കോ​ട്: പാ​ല​ക്കാ​ട്-​പൊ​ള്ളാ​ച്ചി-​ദി​ണ്ടി​ഗ​ൽ റൂ​ട്ടി​ൽ പ്ര​തീ​ക്ഷ​യു​ടെ ചൂ​ളം​വി​ളി കാ​ത്ത് യാ​ത്ര​ക്കാ​ർ. പു​തു​താ​യി വൈ​ദ്യു​തീ​ക​രി​ച്ച പാ​ത ചൊ​വ്വാ​ഴ്ച പ്ര​ധാ​ന​മ​ന്ത്രി ഉ​ദ്ഘാ​ട​നം ചെ​യ്ത​തോ​ടെ 179 കി​ലോ​മീ​റ്റ​ർ ദൈ​ർ​ഘ്യ​ത്തി​ലു​ള്ള ലൈ​നി​ൽ കൂ​ടു​ത​ൽ പാ​സ​ഞ്ച​റു​ക​ൾ സ​ർ​വി​സ് ആ​രം​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് യാ​ത്ര​ക്കാ​ർ. ദി​ണ്ടി​ഗ​ൽ സ്റ്റേ​ഷ​നി​ലാ​ണ് ഉ​ദ്ഘാ​ട​ന ച​ട​ങ്ങ് ഓ​ൺ​ലൈ​നാ​യി ന​ട​ത്തി​യ​ത്.

ദി​ണ്ടി​ഗ​ൽ-​പ​ഴ​നി, പ​ഴ​നി-​പൊ​ള്ളാ​ച്ചി, പൊ​ള്ളാ​ച്ചി-​പാ​ല​ക്കാ​ട് എ​ന്നി​ങ്ങ​നെ മൂ​ന്ന് ഘ​ട്ട​ങ്ങ​ളി​ലാ​യാ​ണ് വൈ​ദ്യു​തീ​ക​ര​ണം പൂ​ർ​ത്തീ​ക​രി​ച്ച​ത്.

അ​വ​സാ​ന​ഘ​ട്ട​മാ​യ പാ​ല​ക്കാ​ട് റൂ​ട്ടി​ൽ ഏ​താ​നും മാ​സ​ങ്ങ​ൾ​ക്കു​മു​മ്പാ​ണ് വൈ​ദ്യു​തീ​ക​ര​ണം പൂ​ർ​ത്തീ​ക​രി​ച്ച് വൈ​ദ്യു​തി എ​ൻ​ജി​നു​ക​ൾ സ​ർ​വി​സ് ആ​രം​ഭി​ച്ച​ത്. ദി​ണ്ടി​ഗ​ൽ-​പൊ​ള്ളാ​ച്ചി-​പാ​ല​ക്കാ​ട് റൂ​ട്ടി​ൽ 159 കോ​ടി​യാ​ണ് വൈ​ദ്യു​തീ​ക​ര​ണ​ത്തി​ന് ചെ​ല​വാ​യ​ത്. പൊ​ള്ളാ​ച്ചി പോ​ത്ത​ന്നൂ​ർ റെ​യി​ൽ​വേ ലൈ​നി​ൽ വൈ​ദ്യു​തീ​ക​ര​ണ​ത്തി​ന് 37 കോ​ടി 36 ല​ക്ഷം രൂ​പ ചി​ല​വ​ഴി​ച്ചു. ഒ​ക്ടോ​ബ​ർ 24നാ​ണ് റൂ​ട്ടി​ൽ പ​രീ​ക്ഷ​ണ ഓ​ട്ടം ന​ട​ത്തിയത്. തു​ട​ക്ക​ത്തി​ൽ ച​ര​ക്കു​ട്രെ​യി​നു​ക​ളും പി​ന്നീ​ട് പാ​സ​ഞ്ച​ർ സ​ർ​വി​സു​ക​ളും ആ​രം​ഭി​ച്ചു.

ജ​നു​വ​രി നാ​ലി​ന് ദി​ണ്ടി​ഗ​ൽ-​പ​ഴ​നി-​പൊ​ള്ളാ​ച്ചി-​പാ​ല​ക്കാ​ട് റൂ​ട്ടി​ൽ മ​ണി​ക്കൂ​റി​ൽ 100-110 കി​ലോ​മീ​റ്റ​ർ വേ​ഗ​ത​യി​ൽ ട്രെ​യി​ൻ പ​രി​ശീ​ല​ന ഓ​ട്ടം ന​ട​ത്തി​. രാ​വി​ലെ 8.30 ദി​ണ്ടി​ഗ​ലി​ൽ​നി​ന്നും ആ​രം​ഭി​ച്ച ട്രെ​യി​ൻ 9:45 പൊ​ള്ളാ​ച്ചി​യി​ലും 11:30 പാ​ല​ക്കാ​ട് ജ​ങ്ഷ​നി​ലും എ​ത്തി. 179 കി​ലോ​മീ​റ്റ​ർ ദൂ​രം മൂ​ന്നു​മ​ണി​ക്കൂ​റി​ൽ പൂ​ർ​ത്തീ​ക​രി​ച്ചു. മ​ണി​ക്കൂ​റി​ന് 110-120 കി​ലോ​മീ​റ്റ​ർ വേ​ഗ​ത​യി​ൽ ക​ട​ക്കാ​നാ​കും.

വൈ​ദ്യു​തീ​ക​ര​ണ​വും വേ​ഗ​ത പ​രീ​ക്ഷ​ണ​ഓ​ട്ട​വും വി​ജ​യി​ച്ച​തി​നാ​ൽ പാ​ല​ക്കാ​ട്-​പൊ​ള്ളാ​ച്ചി റൂ​ട്ടി​ലും കോ​യ​മ്പ​ത്തൂ​ർ-​പൊ​ള്ളാ​ച്ചി-​മ​ധു​ര റൂ​ട്ടി​ലും മീ​റ്റ​ർ​ഗേ​ജി​ൽ ഉ​ണ്ടാ​യിരുന്ന പാ​സ​ഞ്ച​റു​ക​ൾ പു​നഃ​സ്ഥാ​പി​ക്ക​ണ​മെ​ന്ന് പാ​ല​ക്കാ​ട്, പൊ​ള്ളാ​ച്ചി എ​ന്നീ പ്ര​ദേ​ശ​ങ്ങ​ളി​ലെ റെ​യി​ൽ പാ​സ​ഞ്ചേ​ഴ്സ് അ​സോ​സി​യേ​ഷ​ൻ ഭാ​ര​വാ​ഹി​ക​ൾ ആ​വ​ശ്യ​പ്പെ​ട്ടു. പാ​ല​ക്കാ​ട്-​രാ​മേ​ശ്വ​രം, മ​ഥു​ര-​ദി​ണ്ടി​ഗ​ൽ പ​ഴ​നി-​പൊ​ള്ളാ​ച്ചി, അ​മൃ​ത എ​ക​സ് പ്ര​സ് രാ​മേ​ശ്വ​രം വ​രെ ദീ​ർ​ഘി​പ്പി​ക്ക​ൽ, കോ​യ​മ്പ​ത്തൂ​ർ-​നാ​ഗ​ർ​കോ​വി​ൽ, കോ​യ​മ്പ​ത്തൂ​ർ-​രാ​മേ​ശ്വ​രം ട്രെ​യി​ൻ സ​ർ​വി​സ് ന​ട​ത്ത​ണ​മെ​ന്നും കോ​യ​മ്പ​ത്തൂ​ർ-​ദി​ണ്ടി​ഗ​ൽ, പാ​ല​ക്കാ​ട്-​ദി​ണ്ടി​ഗ​ൽ റൂ​ട്ടി​ൽ പാ​സ​ഞ്ച​റു​ക​ൾ അ​നു​വ​ദി​ക്ക​ണ​മെ​ന്നും ജ​ന​പ്ര​തി​നി​ധി​ക​ളു​ടെ ആ​വ​ശ്യ​ങ്ങ​ൾ വൈ​ദ്യു​തീ​ക​ര​ണ ഉ​ദ്ഘാ​ട​ന​ത്തി​നു​ശേ​ഷ​മെ​ങ്കി​ലും ന​ട​ത്തണണ​മെ​ന്നുമാണ് യാ​ത്ര​ക്കാ​രു​ടെ ആ​വ​ശ്യം.