നെല്ല് സംഭരണ നി‍യന്ത്രണം: കർഷകർ വെട്ടിൽ

പാ​ല​ക്കാ​ട്: വ‍യ​ലു​ക​ളി​ൽ വി​ള​യി​ച്ചെ​ടു​ത്ത നെ​ല്ല് താ​ങ്ങു​വി​ല ന​ൽ​കി ശേ​ഖ​രി​ക്കു​ന്ന​തി​ൽ സ​പ്ലൈ​കോ നി​യ​ന്ത്ര​ണം ഏ​ർ​പ്പെ​ടു​ത്തി​യ​ത് ക​ർ​ഷ​ക​രെ വെ​ട്ടി​ലാ​ക്കി. ഈ ​സീ​സ​ണി​ൽ ഏ​ക്ക​റി​ന് 2200 കി​ലോ വ​രെ മാ​ത്ര​​മേ സം​ഭ​രി​ക്കൂ എ​ന്നാ​ണ് സ​പ്ലൈ​കോ നി​ല​പാ​ട്. ജി​ല്ല​യി​ൽ പ​ല പാ​ട​ശേ​ഖ​ര​ങ്ങ​ളി​ലും ഉ​യ​ർ​ന്ന വി​ള​വ് ല​ഭി​ക്കു​ന്ന സാ​ഹ​ച​ര്യ​മാ​ണ്. നെ​ല്ല് സം​ഭ​ര​ണ​ത്തി​ന് കേ​ന്ദ്ര സം​സ്ഥാ​ന സ​ർ​ക്കാ​റു​ക​ൾ ഉ​യ​ർ​ന്ന പ​രി​ധി നി​ശ്ചി​യി​ച്ചി​ട്ടി​ല്ലാ​ത്ത​തി​നാ​ൽ ക​ർ​ഷ​ക​രി​ൽ​നി​ന്നും എ​ത്ര അ​ള​വ് വേ​ണ​മെ​ങ്കി​ലും നെ​ല്ല് സം​ഭ​രി​ക്കാം.

എ​ന്നാ​ൽ ഇ​ട​നി​ല​ക്കാ​രാ​യ ഏ​ജ​ൻ​റു​മാ​ർ ചി​ല ക​ർ​ഷ​ക​രെ സ്വാ​ധീ​നി​ച്ച് പു​റ​ത്തു​നി​ന്ന് വാ​ങ്ങി​യ നെ​ല്ല് ഉ​പ​യോ​ഗി​ച്ച് ക​ർ​ഷ​ക​രു​ടെ പെ​ർ​മി​റ്റ് ദു​രു​പ​യോ​ഗ​പ്പെ​ടു​ത്തി സ​പ്ലൈ​കോ-​കൃ​ഷി​വ​കു​പ്പ് ഉ​ദ്യോ​ഗ​സ്ഥ​രു​ടെ ഒ​ത്താ​ശ​യോ​ടെ ത​ട്ടി​പ്പ് ന​ട​ത്തു​ന്ന​ത് വ​ർ​ധി​ച്ച​തോ​ടെ​യാ​ണ് സ​പ്ലൈ​കോ പ​രി​ധി നി​ശ്ച​യി​ച്ച​ത്. എ​ന്നാ​ൽ ഏ​ക്ക​റി​ന് 2200 കി​ലോ​യി​ൽ കൂ​ടു​ത​ൽ നെ​ല്ല് ല​ഭി​ച്ച ക​ർ​ഷ​ക​രു​ടെ വ​യ​ലു​ക​ൾ കൃ​ഷി​വ​കു​പ്പ് ഉ​ദ്യോ​ഗ​സ്ഥ​ർ​ക്ക് നേ​രി​ട്ട് പ​രി​ശോ​ധി​ക്കാ​വു​ന്ന​താ​ണ്. പ​ല കൃ​ഷി​വ​കു​പ്പ് ജീ​വ​ന​ക്കാ​രും ഇ​തി​ന് ത​യാ​റ​ല്ലെ​ന്ന് ക​ർ​ഷ​ക​ർ പ​രാ​തി​പ്പെ​ടു​ന്നു.

നെ​ല്ലി​ന് പ്രോ​ത്സാ​ഹ​ന ബോ​ണ​സ് അ​നു​വ​ദി​ക്കു​ന്ന​തി​ൽ നി​യ​ന്ത്ര​ണം ഏ​ർ​പ്പെ​ടു​ത്താ​നു​ള്ള തീ​രു​മാ​ന​ത്തി​ന് പി​റ​കെ വ​യ​ലു​ക​ളി​ൽ വി​ള​ഞ്ഞ നെ​ല്ല് പൂ​ർ​ണ​മാ​യി എ​ടു​ക്കു​ന്ന​തി​ലും നി​യ​ന്ത്ര​ണ​മേ​ർ​പ്പെ​ടു​ത്താ​നു​ള്ള സ​പ്ലൈ​കോ നി​ല​പാ​ടി​ൽ ക​ർ​ഷ​ക​ർ ആ​ശ​ങ്ക​യി​ലാ​ണ്. അ​ഞ്ചേ​ക്ക​ർ വ​രെ കൃ​ഷി ചെ​യ്യു​ന്ന ചെ​റു​കി​ട നാ​മ​മാ​ത്ര ക​ർ​ഷ​ക​ർ​ക്കും 25 ഏ​ക്ക​ർ വ​രെ കൃ​ഷി ചെ​യ്യു​ന്ന ഗ്രൂ​പ്പു​ക​ൾ​ക്കും സം​സ്ഥാ​ന പ്രോ​ത്സാ​ഹ​ന ബോ​ണ​സ് ഉ​ൾ​പ്പെ​ടെ നെ​ല്ലി​ന് കി​ലോ​ഗ്രാ​മി​ന് 28.20 രൂ​പ​യും ഇ​തി​ല​ധി​കം കൃ​ഷി ചെ​യ്യു​ന്ന ക​ർ​ഷ​ക​ർ​ക്കും ഗ്രൂ​പ്പു​ക​ൾ​ക്കും താ​ങ്ങു​വി​ല​യാ​യ 20.40 രൂ​പ​യും ന​ൽ​കാ​നാ​ണ് പു​തി​യ തീ​രു​മാ​നം. ഒ​രോ കൃ​ഷി​ഭ​വ​ൻ പ​രി​ധി​യി​ലും 15 ശ​ത​മാ​നം പേ​രും അ​ഞ്ച് ഏ​ക്ക​റി​ന് മു​ക​ളി​ൽ നെ​ൽ​കൃ​ഷി​യു​ള്ള ക​ർ​ഷ​ക​രാ​ണ്.ഇ​വ​ർ​ക്ക് അ​ടി​സ്ഥാ​ന താ​ങ്ങു​വി​ല 20.40 രൂ​പ പ്ര​കാ​ര​മാ​ണ് ല​ഭി​ക്കു​ക.