p3 അനധികൃത നിർമാണം പഞ്ചായത്ത്​ തടഞ്ഞു

അനധികൃത നിർമാണം പഞ്ചായത്ത്​ തടഞ്ഞു കോട്ടായി: പ്രധാന പാതയോരം കൈയേറി സ്വകാര്യ വ്യക്തി നടത്തിയ നിർമാണ പ്രവർത്തനം പറളി ഗ്രാമപഞ്ചായത്ത്​ നിർദേശപ്രകാരം പൊളിച്ചുമാറ്റി. 'മാധ്യമം' വാർത്ത ശ്രദ്ധയിൽ പെട്ടതിനെ തുടർന്നാണ്​ പറളി പഞ്ചായത്ത് സെക്രട്ടറി കരിയങ്കോട്ടെത്തി അനധികൃത നിർമാണം പൊളിക്കാൻ നോട്ടീസ് നൽകിയത്​. കോട്ടായി പുടൂർ പ്രധാന പാതയിൽ കരിയങ്കോട് റോഡ് തിരിയുന്നതിന്​ എതിർവശത്താണ് പ്രധാനപാതയുടെ വശത്ത്​ 15 അടിയോളം കൈയേറി സ്വകാര്യ വ്യക്തി അനധികൃത നിർമാണം നടത്തിയത്​.