അ​ന​ധി​കൃ​ത പാ​ർ​ക്കി​ങ്; ക​ണ്ണി​യം​പു​റം വീ​ർ​പ്പു​മു​ട്ടു​ന്നു

ഒ​റ്റ​പ്പാ​ലം: പി​ഴ ഉ​ൾ​പ്പെ​ടെ​യു​ള്ള ന​ട​പ​ടി​ക​ൾ​ക്ക് ശേ​ഷ​വും ക​ണ്ണി​യം​പു​റ​ത്ത് അ​ന​ധി​കൃ​ത പാ​ർ​ക്കി​ങ് പൊ​ടി​പൊ​ടി​ക്കു​ന്നു. കാ​ൽ​ന​ട​ക്കാ​ർ​ക്കും വാ​ഹ​ന​ങ്ങ​ൾ​ക്ക് വ​ഴി​കൊ​ടു​ക്കാ​ൻ അ​രി​ക് ചേ​രു​ന്ന വാ​ഹ​ന​ങ്ങ​ൾ​ക്കും അ​ന​ധി​കൃ​ത പാ​ർ​ക്കി​ങ് സൃ​ഷ്ടി​ക്കു​ന്ന പെ​ടാ​പാ​ട് ചി​ല്ല​റ​യ​ല്ല. രാ​പ​ക​ൽ തി​ര​ക്കൊ​ഴി​യാ​ത്ത പാ​ല​ക്കാ​ട്-​കു​ള​പ്പു​ള്ളി പാ​ത​യി​ൽ ക​ണ്ണി​യം​പു​റം വ​ള്ളു​വ​നാ​ട് ആ​ശു​പ​ത്രി മു​ത​ൽ സെ​വ​ൻ​ത് ഡേ ​ആ​ശു​പ​ത്രി വ​രെ​യു​ള്ള പാ​ത​യോ​ര​ങ്ങ​ളി​ൽ നി​ർ​ത്തി​യി​ട്ട വാ​ഹ​ന​ങ്ങ​ളു​ടെ നീ​ണ്ട നി​ര​യാ​ണ്.

സീ​ബ്രാ ലൈ​ൻ പോ​ലും ഒ​ഴി​വാ​ക്കാ​തെ​യാ​ണ് വാ​ഹ​ന​ങ്ങ​ളു​ടെ പാ​ർ​ക്കി​ങ്. വാ​ഹ​ന​ങ്ങ​ളി​ൽ പ​ല​തും പാ​ത​യി​ലേ​ക്ക് ക​യ​റ്റി​യി​ട്ട നി​ല​യി​ൽ മ​ണി​ക്കൂ​റു​ക​ളോ​ള​മാ​ണ് ബു​ദ്ധി​മു​ട്ട് സൃ​ഷ്ടി​ക്കു​ന്ന​ത്. അ​ന​ധി​കൃ​ത പാ​ർ​ക്കി​ങ്ങി​നെ​തി​രെ നി​ര​ന്ത​രം പ​രാ​തി​ക​ൾ ഉ​യ​ർ​ന്ന സാ​ഹ​ച​ര്യ​ത്തി​ൽ മോ​ട്ടോ​ർ വാ​ഹ​ന വ​കു​പ്പ് 20 വാ​ഹ​ന​ങ്ങ​ൾ​ക്കെ​തി​രെ ന​ട​പ​ടി സ്വീ​ക​രി​ച്ച​ത് സെ​പ്റ്റം​ബ​ർ അ​ന്ത്യ​ത്തോ​ടെ​യാ​ണ്. 10,000 രൂ​പ പി​ഴ​യും ഈ​ടാ​ക്കി​യി​രു​ന്നു. എ​ന്നാ​ൽ, തൊ​ട്ട​ടു​ത്ത ദി​വ​സ​വും അ​ന​ധി​കൃ​ത പാ​ർ​ക്കി​ങ് അ​നു​സ്യൂ​തം തു​ട​രു​ന്ന​താ​ണ് ക​ണ്ട​ത്. ക​ണ്ണി​യം​പു​റം വ​ള്ളു​വ​നാ​ട് ആ​ശു​പ​ത്രി​യി​ൽ എ​ത്തി​ക്കു​ന്ന രോ​ഗി​ക​ളി​ൽ ഭൂ​രി​ഭാ​ഗ​ത്തി​ന്‍റെ​യും വാ​ഹ​ന​ങ്ങ​ൾ​ക്കും ആ​ശു​പ​ത്രി വ​ള​പ്പി​ൽ ഇ​ട​മി​ല്ലാ​ത്ത സാ​ഹ​ച​ര്യ​ത്തി​ൽ പാ​ർ​ക്കി​ങ്ങി​ന് ആ​ശ്ര​യി​ക്കു​ന്ന​ത് പാ​ത​യോ​ര​മാ​ണ്. മി​നി സി​വി​ൽ സ്റ്റേ​ഷ​ൻ, ഗ​വ. ആ​യു​ർ​വേ​ദ ആ​ശു​പ​ത്രി, സെ​വ​ൻ​ത് ഡേ ​ആ​ശു​പ​ത്രി തു​ട​ങ്ങി ജ​ന​ങ്ങ​ൾ ഏ​റെ ആ​ശ്ര​യി​ക്കു​ന്ന സ്ഥാ​പ​ന​ങ്ങ​ൾ ഇ​തി​ന് ചു​റ്റു​വ​ട്ട​ത്തു​ണ്ട്.

ഇ​തി​നും പു​റ​മെ​യാ​ണ് മി​നി സി​വി​ൽ സ്റ്റേ​ഷ​നി​ൽ പ്ര​വ​ർ​ത്തി​ക്കു​ന്ന മോ​ട്ടോ​ർ വാ​ഹ​ന വ​കു​പ്പി​ന്‍റെ ര​ജി​സ്‌​ട്രേ​ഷ​ൻ ഉ​ൾ​പ്പെടെ​യു​ള്ള പ​രി​ശോ​ധ​ന​ക​ൾ. ഇ​തി​ന്‍റെ ഭാ​ഗ​മാ​യും റോ​ഡ​രി​കി​ൽ നി​ര നി​ര​യാ​യാ​ണ് വാ​ഹ​ന പാ​ർ​ക്കി​ങ്. പ്ര​തി​മാ​സ താ​ലൂ​ക്ക് വി​ക​സ​ന സ​മി​തി യോ​ഗ​ങ്ങ​ളി​ലെ സ്ഥി​രം പ​രാ​തി​യാ​ണ് ക​ണ്ണി​യം​പു​റ​ത്തെ അ​ന​ധി​കൃ​ത പാ​ർ​ക്കി​ങ്.