ഭാ​ര​ത​പ്പു​ഴ​യി​ലെ മീ​റ്റ്ന ത​ട​യ​ണ​യു​ടെ ഷ​ട്ട​റു​ക​ൾ അ​ട​ച്ചു

ഒ​റ്റ​പ്പാ​ലം: വേ​ന​ലി​ലെ സു​ഗ​മ​മാ​യ ജ​ല​വി​ത​ര​ണം മു​ൻ​നി​ർ​ത്തി മീ​റ്റ്ന ത​ട​യ​ണ​യി​ലെ ഷ​ട്ട​റു​ക​ൾ പൂ​ർ​ണ​മാ​യും അ​ട​ച്ചു. ഭാ​ര​ത​പ്പു​ഴ​ക്ക് കു​റു​കെ​യു​ള്ള ത​ട​യ​ണ​യു​ടെ 26 ഷ​ട്ട​റു​ക​ളാ​ണ് ക​ഴി​ഞ്ഞ ദി​വ​സം അ​ട​ച്ച​ത്. ഇ​തോ​ടെ ത​ട​യ​ണ ജ​ല​സ​മൃ​ദ്ധ​മാ​യി. മ​ഴ​ക്കാ​ല​ത്ത് ത​ട​യ​ണ ക​ര​ക​വി​ഞ്ഞൊ​ഴു​കു​ന്ന​ത് ത​ട​യു​ന്ന​തി​ന്റെ ഭാ​ഗ​മാ​യി തു​റ​ന്നി​ട്ട ഷ​ട്ട​റു​ക​ളാ​ണ് അ​ട​ച്ച​ത്.

ഒ​റ്റ​പ്പാ​ലം ന​ഗ​ര​സ​ഭ, അ​മ്പ​ല​പ്പാ​റ പ​ഞ്ചാ​യ​ത്ത് പ​രി​ധി​ക​ളി​ലെ വി​ശാ​ല​മാ​യ പ്ര​ദേ​ശ​ങ്ങ​ളി​ലേ​ക്കെ​ത്തു​ന്ന കു​ടി​വെ​ള്ള​ത്തി​ന്റെ ഏ​ക സ്രോ​ത​സാ​ണ് മീ​റ്റ്ന ത​ട​യ​ണ. ത​ട​യ​ണ​യു​ടെ ച​രി​ത്ര​ത്തി​ൽ ആ​ദ്യ​മാ​യി ക​ഴി​ഞ്ഞ വ​ർ​ഷം വെ​ള്ള​ക്കു​റ​വ് മൂ​ലം പ​മ്പി​ങ് പ്ര​തി​സ​ന്ധി നേ​രി​ട്ടി​രു​ന്നു. വേ​ന​ലി​ന്റെ ആ​രം​ഭ​ത്തി​ൽ സാ​മൂ​ഹി​ക വി​രു​ദ്ധ​ർ ത​ട​യ​ണ​യു​ടെ ര​ണ്ട് ഷ​ട്ട​റു​ക​ൾ എ​ടു​ത്ത് മാ​റ്റി​യ​ത് മൂ​ലം വ​ൻ തോ​തി​ൽ ജ​ലം ന​ഷ്ട​മാ​യി. വേ​ന​ലി​ൽ ല​ഭി​ക്കേ​ണ്ടി​യി​രു​ന്ന പ​തി​വ് മ​ഴ​യും ഇ​ല്ലാ​താ​യി.

ഇ​തോ​ടെ​യാ​ണ് ജ​ല വി​ത​ര​ണം പ്ര​തി​സ​ന്ധി​യി​ലാ​യ​ത്. വ​ര​ണ്ടു​കൊ​ണ്ടി​രു​ന്ന ത​ട​യ​ണ​യി​ലേ​ക്ക് ഗാ​യ​ത്രി പു​ഴ​യി​ൽ നി​ന്നും ചാ​ലു​കീ​റി വെ​ള്ള​മെ​ത്തി​ച്ചാ​ണ് പ​മ്പി​ങ് പൂ​ർ​വ​സ്ഥി​തി​യി​ലാ​യ​ത്. മ​ന്ത്രി കെ. ​രാ​ധാ​കൃ​ഷ്ണ​നു​മാ​യി ഒ​റ്റ​പ്പാ​ലം ന​ഗ​ര​സ​ഭ അ​ധി​കൃ​ത​ർ ന​ട​ത്തി​യ ച​ർ​ച്ച​യു​ടെ അ​ടി​സ്ഥാ​ന​ത്തി​ൽ കൊ​ണ്ടാ​ഴി-​കു​ത്താ​മ്പു​ള്ളി പാ​ല​ത്തി​ന്റെ നി​ർ​മാ​ണം ന​ട​ന്നി​രു​ന്ന സ്ഥ​ല​ത്ത് കെ​ട്ടി​നി​ൽ​ക്കു​ന്ന വെ​ള്ളം ചാ​ല് കീ​റി ത​ട​യ​ണ​യി​ലെ​ത്തി​ച്ചാ​യി​രു​ന്നു പ്ര​ശ്‌​ന​പ​രി​ഹാ​രം.