ഒറ്റപ്പാലത്തെ ഷി ലോഡ്ജ് പദ്ധതി അനിശ്ചിതത്വത്തിൽ

ഒ​റ്റ​പ്പാ​ലം: ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ ബ​സ് സ്റ്റാ​ൻ​ഡ് കോം​പ്ല​ക്സി​ൽ ആ​രം​ഭി​ക്കാ​നി​രു​ന്ന ഷി ​ലോ​ഡ്ജ് പ​ദ്ധ​തി അ​നി​ശ്ചി​ത്വ​ത്തി​ൽ. രാ​ത്രി/f​ൽ ഒ​റ്റ​പ്പാ​ല​ത്തെ​ത്തു​ന്ന വ​നി​ത​ക​ൾ​ക്ക് സു​ര​ക്ഷി​ത​മാ​യി താ​മ​സി​ക്കാ​നു​ള്ള സം​വി​ധാ​ന​മാ​ണ് എ​ല്ലാ ഒ​രു​ക്ക​ങ്ങ​ളും പൂ​ർ​ത്തി​യാ​യ ശേ​ഷ​വും തൃ​ശ​ങ്കു​വി​ലാ​യ​ത്.

സാ​മൂ​ഹി​ക വി​രു​ദ്ധ​രു​ടെ താ​വ​ള​മാ​യി മാ​റി​യ ബ​സ് സ്റ്റാ​ൻ​ഡി​ൽ വ​നി​ത​ക​ളെ പാ​ർ​പ്പി​ക്കു​ന്ന​തി​ലെ ആ​ശ​ങ്ക​യാ​ണ് പ​ദ്ധ​തി​ക്ക് ത​ട​സ്സ​മാ​കു​ന്ന​ത്. ബ​സ് സ്റ്റാ​ൻ​ഡ് ഷോ​പ്പിം​ഗ് കോം​പ്ല​ക്സി​ൽ ത​ന്നെ​യാ​ണ് ബീ​വ​റേ​ജ​സി​ന്‍റെ മ​ദ്യ​വി​ൽ​പ​ന ശാ​ല​യും പ്ര​വ​ർ​ത്തി​ക്കു​ന്ന​ത്. ല​ഹ​രി മ​രു​ന്ന് ഇ​ട​പാ​ടു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന​വ​രു​ടെ താ​വ​ളം ബ​സ് സ്റ്റാ​ൻ​ഡ് ത​ന്നെ​യാ​ണ്. രാ​ത്രി കാ​ല​ങ്ങ​ളി​ൽ തീ​ർ​ത്തും വി​ജ​ന​മാ​കു​ന്ന സ്റ്റാ​ൻ​ഡി​ൽ ശേ​ഷി​ക്കു​ന്ന​ത് ഇ​ത്ത​ര​ത്തി​ലു​ള്ള സാ​മൂ​ഹി​ക വി​രു​ദ്ധ​ർ മാ​ത്ര​മാ​ണ്. ഇ​താ​ണ് ന​ഗ​ര​സ​ഭ അ​ധി​കൃ​ത​രെ ആ​ശ​ങ്ക​പ്പെ​ടു​ത്തു​ന്ന​ത്. ബ​സ് സ്റ്റാ​ൻ​ഡി​ലെ പു​തി​യ കെ​ട്ടി​ട​ത്തി​ന്‍റെ ഒ​ന്നാം നി​ല​യി​ലാ​ണ് ഷി ​ലോ​ഡ്ജ് സം​വി​ധാ​നം ഒ​രു​ക്കി​യി​രു​ന്ന​ത്.

ഇ​തി​ന് ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ൾ ക്ര​മീ​ക​രി​ച്ചി​ട്ട് ര​ണ്ട് വ​ർ​ഷ​ത്തി​ലേ​റെ​യാ​യി. ഇ​തി​നാ​വ​ശ്യ​മാ​യ തു​ക ക​ഴി​ഞ്ഞ ബ​ജ​റ്റി​ൽ ഉ​ൾ​പ്പെ​ടു​ത്തി​യി​രു​ന്നി​ല്ലെ​ന്നും അ​ടു​ത്ത ബ​ജ​റ്റി​ൽ ഇ​തി​ന് തു​ക വ​ക​യി​രു​ത്തി​യ​ശേ​ഷം പ​ദ്ധ​തി ആ​രം​ഭി​ക്കു​മെ​ന്നു​മാ​ണ് ന​ഗ​ര​സ​ഭ അ​ധി​കൃ​ത​ർ നേ​ര​ത്തെ അ​റി​യി​ച്ചി​രു​ന്ന​ത്. എ​ന്നാ​ൽ ഇ​തി​ലെ​ല്ലാ​മു​പ​രി ഷി ​ലോ​ഡ്ജ് ന​ട​ത്തി​കൊ​ണ്ടു​പോ​കു​ന്ന​തി​ലെ വെ​ല്ലു​വി​ളി​ക​ളാ​ണ് പി​ൻ​വ​ലി​യ​ലി​ന് കാ​ര​ണ​മെ​ന്നാ​ണ് സൂ​ച​ന.

നേ​ര​ത്തെ കു​ടും​ബ​ശ്രീ പ്ര​വ​ർ​ത്ത​ക​ർ ഏ​റ്റെ​ടു​ക്കു​ന്ന മു​റ​ക്ക് ഷീ ​ലോ​ഡ്ജ് പ്ര​വ​ർ​ത്ത​നം ഉ​ട​ൻ ആ​രം​ഭി​ക്കു​മെ​ന്നാ​യി​രു​ന്നു നേ​ര​ത്തെ പ​റ​ഞ്ഞി​രു​ന്ന​ത്. ബ​സ് സ്റ്റാ​ൻ​ഡും സ​മീ​പ​ത്ത് ത​ന്നെ റെ​യി​ൽ​വേ സ്റ്റേ​ഷ​നു​മു​ള്ള ഒ​റ്റ​പ്പാ​ല​ത്ത് സൗ​ക​ര്യ​മു​ള്ള ഒ​രി​ടം എ​ന്ന നി​ല​ക്കാ​ണ് ഇ​വ​യു​ടെ സ​മീ​പ​ത്തു​ത​ന്നെ​യു​ള്ള ബ​സ് സ്റ്റാ​ൻ​ഡ് കെ​ട്ടി​ട​ത്തി​ലെ മു​റി​ക​ൾ ഇ​തി​നാ​യി തെ​ര​ഞ്ഞെ​ടു​ത്ത​ത്. ഓ​ഫീ​സു​ക​ളി​ൽ ജോ​ലി​ചെ​യ്യു​ന്ന​വ​ർ​ക്കും പ​ഠ​നാ​വ​ശ്യ​ത്തി​ന് ഒ​റ്റ​പ്പാ​ല​ത്തെ​ന്നു​വ​ർ​ക്കും താ​മ​സ സൗ​ക​ര്യം ഒ​രു വെ​ല്ലു​വി​ളി​യാ​ണ്.

ഷീ ​ലോ​ഡ്ജ് പ​ദ്ധ​തി യാ​ഥാ​ർ​ഥ്യ​മാ​കു​ന്ന​തോ​ടെ പ്ര​ശ്ന​ത്തി​ന് പ​രി​ഹാ​ര​മാ​കു​മെ​ന്നാ​യി​രു​ന്നു വി​ല​യി​രു​ത്ത​ൽ. ആ​ദ്യ ഘ​ട്ട​മെ​ന്ന നി​ല​യി​ൽ അ​ഞ്ച് കി​ട​ക്ക​ക​ൾ നേ​ര​ത്തെ ഇ​വി​ടെ സ​ജ്ജീ​ക​രി​ച്ചി​ട്ടു​ണ്ട്. ര​ണ്ട് ശൗ​ച്യാ​ല​യ​ങ്ങ​ളു​ള്ള കേ​ന്ദ്ര​ത്തി​ൽ മേ​ശ​യും ക​സേ​ര​ക​ളും ഫാ​നും ത​യ്യാ​റാ​ണ്. ന​ട​ത്തി​പ്പ് ചു​മ​ത​ല കു​ടും​ബ​ശ്രീ യൂ​ണി​റ്റു​ക​ൾ​ക്ക് ന​ൽ​കു​മെ​ന്നും അ​ധി​കൃ​ത​ർ പ്ര​ഖ്യാ​പി​ച്ചി​രു​ന്ന​താ​ണ്.