വ​കു​പ്പു​ക​ൾ ത​മ്മി​ലെ അ​ഭി​പ്രാ​യ ഭി​ന്ന​ത: ജ​ല അ​തോ​റി​റ്റി വെ​ട്ടി​പ്പൊ​ളി​ച്ച പാ​ത ഇ​പ്പോ​ഴും ത​ക​ർ​ന്നു​ത​ന്നെ

ഒ​റ്റ​പ്പാ​ലം: വ​കു​പ്പു​ക​ൾ ത​മ്മി​ലു​ള്ള അ​ഭി​പ്രാ​യ ഭി​ന്ന​ത​യി​ൽ കു​ടി​വെ​ള്ള പ​ദ്ധ​തി​ക്കാ​യി വെ​ട്ടി​പ്പൊ​ളി​ച്ചി​ട്ട റ​ബ​റൈ​സ്ഡ് റോ​ഡ് ത​ക​ർ​ന്ന നി​ല​യി​ൽ​ത​ന്നെ തു​ട​രു​ന്നു. പൊ​തു​മ​രാ​മ​ത്ത് വ​കു​പ്പും ജ​ല അ​തോ​റി​റ്റി​യും ത​ക​ർ​ച്ച ബാ​ധി​ച്ച പാ​ത പു​തു​ക്കി​പ്പ​ണി​യ​ണ​മെ​ന്ന നി​ല​പാ​ട് ആ​വ​ർ​ത്തി​ക്കു​മ്പോ​ഴും ആ​വ​ശ്യ​മി​ല്ലെ​ന്ന തീ​രു​മാ​ന​ത്തി​ലാ​ണ് കി​ഫ്‌​ബി. ഒ​റ്റ​പ്പാ​ലം-​മ​ണ്ണാ​ർ​ക്കാ​ട് പ്ര​ധാ​ന പാ​ത​യി​ൽ മു​രു​ക്കും​പ​റ്റ മു​ത​ൽ ക​ട​മ്പൂ​ർ മു​ത​ല​പ്പാ​റ​കാ​വ് പ​രി​സ​ര​ത്തെ ഖാ​ദി കേ​ന്ദ്രം വ​രെ​യു​ള്ള പാ​ത​യു​ടെ ഭാ​ഗ​ങ്ങ​ളാ​ണ് ത​ക​ർ​ന്നു​കി​ട​ക്കു​ന്ന​ത്. കു​ണ്ടും കു​ഴി​യു​മാ​യി യാ​ത്രാ​ദു​രി​തം നി​ത്യ​ശീ​ല​മാ​ക്കി​യ നാ​ട്ടു​കാ​രു​ടെ നീ​ണ്ട​കാ​ല​ത്തെ കാ​ത്തി​രി​പ്പി​നൊ​ടു​വി​ൽ കി​ഫ്ബി​യു​ടെ സ​ഹാ​യ​ത്തോ​ടെ പൂ​ർ​ത്തി​യാ​ക്കി സ​മ​ർ​പ്പി​ച്ച പാ​ത​ക്കാ​ണ് ഈ ​ദു​ർ​വി​ധി.

അ​മ്പ​ല​പ്പാ​റ പ​ഞ്ചാ​യ​ത്തി​െൻറ സ​മ​ഗ്ര കു​ടി​വെ​ള്ള പ​ദ്ധ​തി​യു​ടെ ഭാ​ഗ​മാ​യി ക​ട​മ്പൂ​രി​ലെ കൂ​റ്റ​ൻ ജ​ല​സം​ഭ​ര​ണി​യി​ലേ​ക്ക് വെ​ള്ള​മെ​ത്തി​ക്കു​ന്ന​തി​നാ​യി ഭൂ​ഗ​ർ​ഭ പൈ​പ്പു​ക​ൾ സ്ഥാ​പി​ക്കു​ന്ന​തി​െൻറ ഭാ​ഗ​മാ​യാ​ണ് റോ​ഡ് പൊ​ളി​ച്ച് ചാ​ലു​ക​ൾ കീ​റി​യ​ത്. പൊ​ളി​ച്ചി​ട്ട പാ​ത​യു​ടെ അ​റ്റ​കു​റ്റ​പ്പ​ണി​ക​ൾ അ​ടി​യ​ന്ത​ര​മാ​യി ന​ട​ത്ത​ണ​മെ​ന്ന് പൊ​തു​മ​രാ​മ​ത്ത് റോ​ഡ് വി​ഭാ​ഗം ജ​ല അ​തോ​റി​റ്റി പ്രോ​ജ​ക്ട് ഡി​വി​ഷ​ന് ക​ത്ത് ന​ൽ​കി​യി​രു​ന്നു. തു​ട​ർ​ന്ന് പൊ​തു​മ​രാ​മ​ത്തി​െൻറ ആ​വ​ശ്യം ശ​രി​യാ​ണെ​ന്ന് ചൂ​ണ്ടി​ക്കാ​ട്ടി ജ​ല അ​തോ​റി​റ്റി പ്രോ​ജ​ക്ട്​ ഡി​വി​ഷ​ൻ കി​ഫ്ബി​ക്ക് ക​ത്ത് ന​ൽ​കി.

കി​ഫ്ബി​യു​ടെ ഉ​ദ്യോ​ഗ​സ്ഥ​ർ ന​ട​ത്തി​യ പ​രി​ശോ​ധ​ന​ക്കു​ശേ​ഷ​മാ​ണ് പാ​ത​ക്ക് കേ​ടു​പാ​ടു​ക​ളി​ല്ലെ​ന്ന വി​ചി​ത്ര നി​രീ​ക്ഷ​ണം വ​രു​ന്ന​ത്. ചി​ല പ്ര​ദേ​ശ​ങ്ങ​ളി​ൽ പാ​ത​യു​ടെ മു​ക്കാ​ൽ ഭാ​ഗ​വും വെ​ട്ടി​പ്പൊ​ളി​ച്ചാ​ണ് കൂ​റ്റ​ൻ പൈ​പ്പു​ക​ൾ നി​ക്ഷേ​പി​ച്ചി​ട്ടു​ള്ള​ത്. ജ​ല അ​തോ​റി​റ്റി​ക്ക് പി​റ​കെ പാ​ത​യു​ടെ ന​വീ​ക​ര​ണം ആ​വ​ശ്യ​പ്പെ​ട്ട് പൊ​തു​മ​രാ​മ​ത്ത് വി​ഭാ​ഗ​വും കി​ഫ്ബി​ക്ക് പ​രാ​തി സ​മ​ർ​പ്പി​ക്കാ​നി​രി​ക്ക​യാ​ണ്. ക​ഴി​ഞ്ഞ​വ​ർ​ഷം ഏ​പ്രി​ലി​ൽ പാ​ത ന​വീ​ക​ര​ണ​ത്തി​നാ​യി ടാ​ർ ഇ​റ​ക്കി​യി​രു​ന്നെ​ങ്കി​ലും നി​ർ​മാ​ണ പ്ര​വൃ​ത്തി​ക​ൾ ന​ട​ന്നി​ല്ല. അ​മ്പ​ല​പ്പാ​റ സെൻറ​ർ മു​ത​ൽ മു​രു​ക്കും​പ​റ്റ വ​രെ​യു​ള്ള പാ​ത​ക്കാ​ണ് കൂ​ടു​ത​ലാ​യി പ​രി​ക്ക് ബാ​ധി​ച്ച​ത്. ജ​ൽ ജീ​വ​ൻ പ​ദ്ധ​തി​യു​ടെ ഭാ​ഗ​മാ​യി അ​മ്പ​ല​പ്പാ​റ സെൻറ​റി​ൽ വീ​ണ്ടു​മൊ​രു വെ​ട്ടി​പ്പൊ​ളി​ക്ക​ൽ ആ​വ​ശ്യ​മാ​യി വ​രു​മെ​ന്ന​തി​നാ​ൽ ഇ​വി​ട​ത്തെ നി​ർ​മാ​ണ പ്ര​വൃ​ത്തി​ക​ൾ​ക്ക് കാ​ല​താ​മ​സം നേ​രി​ടു​മെ​ന്ന് അ​ധി​കൃ​ത​ർ ത​ന്നെ പ​റ​യു​ന്നു. കോ​ടി​ക​ൾ മു​ട​ക്കി പ​ണി​ത പാ​ത​യു​ടെ പു​തു​മ മാ​യും​മു​മ്പേ വെ​ട്ടി​പ്പൊ​ളി​ക്കു​ക​യും പൈ​പ്പു​ക​ൾ നി​ക്ഷേ​പി​ച്ച​ശേ​ഷം തി​രി​ഞ്ഞു​നോ​ക്കാ​തി​രി​ക്കു​ക​യും ചെ​യു​ന്ന​ത് അ​പ​ക​ട​ങ്ങ​ൾ​ക്കും ഇ​ട​യാ​ക്കു​ന്നു. നൂ​റു​ക്ക​ണ​ക്കി​ന് വാ​ഹ​ന​ങ്ങ​ൾ രാ​പ്പ​ക​ൽ സ​ഞ്ച​രി​ക്കു​ന്ന പ്ര​ധാ​ന​പാ​ത​യി​ൽ എ​തി​രെ വ​രു​ന്ന വാ​ഹ​ന​ത്തി​ന് ക​ട​ന്നു​പോ​കാ​ൻ അ​രി​കു​ചേ​ർ​ത്ത് നി​ർ​ത്താ​ൻ പോ​ലും ക​ഴി​യാ​ത്ത വി​ധ​ത്തി​ലാ​ണ് പ​ല​ഭാ​ഗ​ത്തും പാ​ത ത​ക​ർ​ന്നു​കി​ട​ക്കു​ന്ന​ത്.