ഉ​രു​ൾ ദു​ര​ന്ത​ത്തി​ന് ഒ​രാ​ണ്ട്: മ​ഹേ​ഷും മ​ക​ൾ ആ​രാ​ധ്യ​യും പോ​യ​ത് വി​ശ്വ​സി​ക്കാ​നാ​വാ​തെ ര​മ്യ

മു​ണ്ടൂ​ർ: വ​യ​നാ​ട് ഉ​രു​ൾ​പൊ​ട്ട​ൽ ദു​ര​ന്ത​ത്തി​ന്റെ ഒ​ന്നാം വാ​ർ​ഷി​ക​ത്തി​ലും ഉ​റ്റ​വ​രും ഉ​ട​യ​വ​രും ന​ഷ്ട​പ്പെ​ട്ട​ത് വി​ശ്വ​സി​ക്കാ​നാ​വാ​ത്ത മാ​ന​സി​കാ​വ​സ്ഥ​യി​ലാ​ണ് മു​ണ്ട​ക്കൈ ചൂ​ര​ൽ​മ​ല ഉ​രു​ൾ​പൊ​ട്ട​ലി​ൽ ഭ​ർ​ത്താ​വ് മ​ഹേ​ഷും മ​ക​ൾ ആ​രാ​ധ്യ​യും ന​ഷ്ട​പ്പെ​ട്ട ര​മ്യ​യും മ​ക​ൻ അ​വ്യ​ക്തും. വ​യ​നാ​ട് ചൂ​ര​ൽ​മ​ല സ്കൂ​ൾ ലെ​യ്നി​ലെ ത​റ​വാ​ട്ടി​ലാ​ണ് ഇ​വ​ർ താ​മ​സി​ച്ചി​രു​ന്ന​ത്. ഒ​രേ കു​ടും​ബ​ത്തി​ലെ നാ​ലു​പേ​രെ​യാ​ണ് ഉ​രു​ൾ ദു​ര​ന്തം ക​വ​ർ​ന്ന​ത്. ഭ​ർ​ത്താ​വി​ന്റെ മാ​താ​പി​താ​ക്ക​ളാ​യ വാ​സു​വും ഓ​മ​ന​യും ന​ഷ്ട​പ്പെ​ട്ട​വ​രി​ൽ ഉ​ൾ​പ്പെ​ടും.

ഉ​രു​ൾ​പൊ​ട്ട​ലി​ൽ വീ​ടും ഇ​ല്ലാ​താ​യി. മ​ഹേ​ഷും മ​ക​ൾ​ക്കും ഒ​പ്പം അ​ന്തി​യു​റ​ങ്ങി​യ ര​മ്യ ഉ​രു​ൾ ദു​ര​ന്ത​ത്തി​ന്റെ ശ​ബ്ദം പോ​ലും കേ​ൾ​ക്കാ​ത്ത നി​ദ്ര​യി​ലാ​യി​രു​ന്നു. അ​വ്യ​ക്ത് മ​റ്റൊ​രു മു​റി​യി​ൽ മ​ഹേ​ഷി​ന്റെ മാ​താ​പി​താ​ക്ക​ളോ​ടൊ​പ്പ​മാ​ണ് ഉ​റ​ങ്ങി​യി​രു​ന്ന​ത്. മ​ണ്ണി​ന​ടി​യി​ലാ​യി​രു​ന്ന അ​വ്യ​ക്തി​നെ​യും ര​മ്യ​യെ​യും ര​ക്ഷാ​പ്ര​വ​ർ​ത്ത​ക​രാ​ണ് ആ​ശു​പ​ത്രി​യി​ലെ​ത്തി​ച്ച​ത്.

മാ​സ​ങ്ങ​ളോ​ളം നീ​ണ്ട ചി​കി​ത്സ​ക്കു​ശേ​ഷം ക​ഴി​ഞ്ഞ ഏ​പ്രി​ലാ​ണ് പാ​ല​ക്കാ​ട് ജി​ല്ല​യി​ലെ മു​ണ്ടൂ​രി​ലെ ര​മ്യ​യു​ടെ മാ​താ​പി​താ​ക്ക​ളാ​യ രാ​മ​ച​ന്ദ്ര​ന്റെ​യും പ്രേ​മ​യു​ടെ കൂ​ടെ ഇ​വ​രു​ടെ വീ​ട്ടി​ൽ താ​മ​സം തു​ട​ങ്ങി​യ​ത്. ഏ​ട്ട​നും മോ​ളും വി​ട്ടു​പോ​യ​താ​യി ഇ​പ്പോ​ഴും വി​ശ്വ​സി​ക്കാ​നാ​വു​ന്നി​ല്ലെ​ന്ന് ര​മ്യ ‘മാ​ധ്യ​മ’​ത്തോ​ട് പ​റ​ഞ്ഞു.

ചൂ​ര​ൽ​മ​ല ദു​ര​ന്തം ഉ​റ്റ​വ​രെ വേ​ർ​പ്പെ​ടു​ത്തു​ന്ന​തു​വ​രെ ചൂ​ര​ൽ​മ​ല സ്കൂ​ൾ ലെ​യ്നി​ലെ ത​റ​വാ​ട്ടി​ൽ ആ​രാ​ധ്യ​യു​ടെ​യും സ​ഹോ​ദ​ര​ൻ അ​വ്യ​ക്തി​ന്റെ​യും ക​ളി​യും ചി​രി​യും നി​റ​ഞ്ഞ് നി​ന്ന അ​ന്ത​രീ​ക്ഷ​മാ​യി​രു​ന്നു. അ​വ​ർ ഇ​രു​വ​രും ഉ​റ്റ ച​ങ്ങാ​തി​മാ​രാ​യി​രു​ന്നു. പ​ഠ​ന​വും ഊ​ണും ഉ​റ​ക്ക​വും ഒ​ന്നി​ച്ചാ​യി​രു​ന്നു. അ​വ്യ​ക്തി​നും ര​മ്യ​ക്കും ആ​രാ​ധ്യ​യി​ല്ലാ​ത്ത ന​ഷ്ടം ഓ​രോ ച​ല​ന​ത്തി​ലും നി​ഴ​ലി​ച്ചു​നി​ൽ​ക്കു​ന്ന​താ​യി ര​മ്യ പ​റ​യു​മ്പോ​ൾ അ​വ​രു​ടെ ക​ണ്ഠ​മി​ട​റി. ഉ​റ്റ​വ​രും ഉ​ട​യ​വ​രും ന​ഷ്ട​മാ​യ ക​റു​ത്ത ദി​ന​ത്തി​ന് ഒ​രാ​ണ്ട് തി​ക​യു​മ്പോ​ൾ ജീ​വി​തം ക​രു​പി​ടി​പ്പി​ക്കാ​നു​ള്ള ശ്ര​മ​ത്തി​ലാ​ണ് മു​ണ്ടൂ​ർ ക​യ​റം​കോ​ടം ച​വി​ട്ട് പ​റ​മ്പി​ൽ ര​മ്യ.

മു​ണ്ടൂ​രി​ൽ വീ​ട് വെ​ച്ച് ന​ൽ​കാ​ൻ പീ​പ്പി​ൾ​സ് ഫൗ​ണ്ടേ​ഷ​ൻ സ​ന്ന​ദ്ധ​ത അ​റി​യി​ച്ചി​ട്ടു​ണ്ട്. സ്വ​ന്ത​മാ​യി ജോ​ലി​യും വ​രു​മാ​ന മാ​ർ​ഗ​മി​ല്ലാ​ത്ത​തു​മാ​ണ് ര​മ്യ​യെ അ​ല​ട്ടു​ന്ന പ്ര​ധാ​ന പ്ര​ശ്നം. ഇ​തി​നു​ള്ള പ​രി​ശ്ര​മ​ങ്ങ​ൾ തു​ട​ങ്ങി​യെ​ങ്കി​ലും ജോ​ലി ല​ഭി​ക്കാ​ത്ത വി​ഷ​മ​വും ര​മ്യ പ്ര​ക​ടി​പ്പി​ച്ചു. നി​ല​വി​ൽ അ​വ്യ​ക്ത് മു​ണ്ടൂ​ർ ഹൈ​സ്കൂ​ളി​ലെ അ​ഞ്ചാം ത​രം വി​ദ്യാ​ർ​ഥി​യാ​ണ്. സ​ർ​ക്കാ​റി​ൽ​നി​ന്ന് പ്ര​തി​മാ​സം 9000 രൂ​പ ല​ഭി​ക്കു​ന്നു​ണ്ടെ​ന്നും ഗ​വ. ന​ൽ​കി​യ എ​ട്ടു​ല​ക്ഷം രൂ​പ ഉ​പ​യോ​ഗി​ച്ച് നാ​ല് സെൻറ് ഭൂ​മി വാ​ങ്ങി​യ​താ​യും ര​മ്യ പ​റ​ഞ്ഞു.