പനയംപാടം അപകടത്തിന് ഒരുമാസം; അ​മി​ത​ വേ​ഗ​ത ത​ട​യാ​ൻ സം​വി​ധാ​നം ആ​വ​ശ്യം

പാ​ല​ക്കാ​ട്: ഒ​രു നാ​ടി​നെ ഒ​ന്നാ​കെ ക​ണ്ണീ​രി​ലാ​ഴ്ത്തി​യ പ​ന​യം​പാ​ടം അ​പ​ക​ട​ത്തി​ന് ഞാ​യ​റാ​ഴ്ച ഒ​രു​മാ​സം തി​ക​യു​ന്നു. ഡി​സം​ബ​ർ 12നാ​ണ് നി​യ​ന്ത്ര​ണം വി​ട്ടു​മ​റി​ഞ്ഞ ലോ​റി​ക്ക​ടി​യി​ൽ പെ​ട്ട് എ​ട്ടാം ക്ലാ​സ് വി​ദ്യാ​ർ​ഥി​ക​ളും സു​ഹൃ​ത്തു​ക്ക​ളു​മാ​യി​രു​ന്ന നാ​ല് പെ​ൺ​കു​ട്ടി​ക​ൾ​ക്ക് ദാ​രു​ണാ​ന്ത്യം സം​ഭ​വി​ച്ച​ത്.

സ്ഥി​രം അ​പ​ക​ട​മേ​ഖ​ല​യാ​യ ക​ല്ല​ടി​ക്കോ​ട് പ​ന​യം​പാ​ടം വ​ള​വി​ലാ​യി​രു​ന്നു സം​ഭ​വം. നേ​ര​ത്തെ​യും നി​ര​വ​ധി അ​പ​ക​ട​ങ്ങ​ൾ ന​ട​ന്നി​ട്ടു​ള്ള ഇ​വി​ടെ ഇ​നി​യും ജീ​വ​നു​ക​ൾ പൊ​ലി​യാ​തി​രി​ക്കാ​ൻ ശാ​ശ്വ​ത​മാ​യ പ​രി​ഹാ​രം വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

പാ​ല​ക്കാ​ട്-​കോ​ഴി​ക്കോ​ട് ദേ​ശീ​യ​പാ​ത​യി​ൽ ക​ല്ല​ടി​ക്കോ​ട് പ്ര​ദേ​ശ​ത്താ​ണ് പ​ന​യം​പാ​ടം അ​പ​ക​ട വ​ള​വ്. റോ​ഡ് വീ​തി കൂ​ട്ടി ന​വീ​ക​രി​ച്ചെ​ങ്കി​ലും വ​ള​വ് നി​വ​ർ​ത്താ​നു​ള്ള ന​ട​പ​ടി​യു​ണ്ടാ​യി​രു​ന്നി​ല്ല. അ​മി​ത​വേ​ഗ​ത​യി​ൽ വ​രു​ന്ന വാ​ഹ​ന​ങ്ങ​ൾ നി​യ​ന്ത്ര​ണം തെ​റ്റി അ​പ​ക​ട​ത്തി​ൽ പെ​ടു​ന്ന​ത് ഇ​വി​ടെ പ​തി​വാ​യി​രു​ന്നു.

ചെ​റി​യ ചാ​റ്റ​ൽ മ​ഴ​യി​ൽ പോ​ലും തെ​ന്നി മ​റി​ഞ്ഞും നി​യ​ന്ത്ര​ണം വി​ട്ടും അ​പ​ക​ട​ങ്ങ​ളു​ണ്ടാ​യി എ​ത്ര​യോ ജീ​വ​നു​ക​ൾ ഇ​വി​ടെ പൊ​ലി​ഞ്ഞു. ഒ​ടു​വി​ൽ നാ​ല് വി​ദ്യാ​ർ​ഥി​ക​ളു​ടെ ദാ​രു​ണാ​ന്ത്യം കൂ​ടി​യാ​യ​തോ​ടെ വ​ലി​യ പ്ര​തി​ഷേ​ധ​മാ​ണ് നാ​ട്ടു​കാ​രു​ടെ ഭാ​ഗ​ത്തു​നി​ന്നു​ണ്ടാ​യ​ത്.

ഗ​താ​ഗ​ത മ​ന്ത്രി ഉ​ൾ​പ്പെ​ടെ നേ​രി​ട്ടെ​ത്തി റോ​ഡി​ൽ പ​രി​ശോ​ധ​ന ന​ട​ത്തി സ്ഥി​തി​ഗ​തി​ക​ൾ വി​ല​യി​രു​ത്തി. അ​പ​ക​ട​ത്തെ തു​ട​ർ​ന്ന് റോ​ഡി​ൽ മീ​ഡി​യ​നു​ക​ൾ സ്ഥാ​പി​ച്ചു. മി​നു​സ​മു​ള്ള റോ​ഡു​ക​ൾ പ​രു​ക്ക​നാ​ക്കി. പി.​ഡ​ബ്ല്യു.​ഡി​യു​ടെ നേ​തൃ​ത്വ​ത്തി​ൽ റോ​ഡി​ൽ കാ​ൽ​ന​ട​യാ​ത്ര​ക്കാ​ർ​ക്കാ​യു​ള്ള സീ​ബ്രാ ലൈ​ൻ ഉ​ൾ​പ്പെ​ടെ മു​ന്ന​റി​യി​പ്പ് വ​ര​ക​ൾ വ​ര​ച്ചു. മാ​ഞ്ഞു​പോ​യ വ​ര​ക​ളെ​ല്ലാം പു​നഃ​സ്ഥാ​പി​ച്ചു. ബ്ലി​ങ്ക​റി​ങ് ലൈ​റ്റ് സ്ഥാ​പി​ച്ചു. ഓ​ട്ടോ സ്റ്റാ​ൻ​ഡ് മാ​റ്റി​സ്ഥാ​പി​ക്കു​ക​യും ബ​സു​ക​ൾ നി​ർ​ത്തു​ന്ന​ത് ക്ര​മീ​ക​രി​ക്കു​ക​യും ചെ​യ്തു.

സ്കൂ​ൾ വി​ടു​ന്ന സ​മ​യ​ങ്ങ​ളി​ൽ കു​ട്ടി​ക​ളെ റോ​ഡ് ക​ട​ക്കാ​നും മ​റ്റും സ​ഹാ​യി​ക്കാ​നാ​യി പൊ​ലീ​സ് സാ​ന്നി​ധ്യ​വു​മു​ണ്ട്. വൈ​കീ​ട്ട് നാ​ലു മു​ത​ൽ 10 വ​രെ ദേ​ശീ​യ​പാ​ത 966ലും 544​ലും പൊ​ലീ​സും മോ​ട്ടോ​ർ വാ​ഹ​ന വ​കു​പ്പും സം​യു​ക്ത​മാ​യി പ​ട്രോ​ളി​ങ് ന​ട​ത്തു​ന്നു​ണ്ട്. മ​റ്റു റോ​ഡു​ക​ളി​ലും പ​രി​ശോ​ധ​ന​യു​ണ്ട്. നി​യ​മ​ലം​ഘ​ക​ർ​ക്ക് പി​ഴ ചു​മ​ത്തും. അ​പ​ക​ട​ത്തി​ന് ശേ​ഷം റോ​ഡി​ൽ മു​ഴു​വ​ൻ സ​മ​യം പൊ​ലീ​സ് സാ​ന്നി​ധ്യ​മു​ണ്ട്. ക​ല്ല​ടി​ക്കോ​ട്, മ​ണ്ണാ​ർ​ക്കാ​ട് തു​ട​ങ്ങി വി​വി​ധ സ്റ്റേ​ഷ​നി​ൽ നി​ന്നു​ള്ള പൊ​ലീ​സു​കാ​ർ, എ.​ആ​ർ ക്യാ​മ്പ് പൊ​ലീ​സു​കാ​ർ എ​ന്നി​വ​രാ​ണ് ഡ്യൂ​ട്ടി​യി​ലു​ള്ള​ത്.

വേ​ഗ പ​രി​ശോ​ധ​ന​ക്ക് ഇ​ന്‍റ​ർ​സെ​പ്റ്റ​റും ഉ​ണ്ട്. അ​മി​ത​വേ​ഗ​ത​ക്ക് ത​ട​യി​ട്ടാ​ൽ മാ​ത്ര​മേ ഇ​വി​ടു​ത്തെ അ​പ​ക​ട​ങ്ങ​ൾ​ക്ക് കു​റ​വു​ണ്ടാ​കൂ. ഇ​പ്പോ​ഴും വാ​ഹ​ന​ങ്ങ​ൾ അ​മി​ത​വേ​ഗ​ത​യി​ൽ വ​രാ​റു​ണ്ട്. വ​ള​വി​ൽ നി​യ​ന്ത്ര​ണം വി​ട്ടാ​ൽ കൂ​ട്ടി​യി​ടി ഉ​റ​പ്പാ​ണ്. അ​പ​ക​ട​ങ്ങ​ൾ കു​റ​യ്ക്കാ​ൻ സ്ഥി​രം സം​വി​ധാ​നം വേ​ണ​മെ​ന്ന ആ​വ​ശ്യം ശ​ക്ത​മാ​ണ്.