വെ​ളി​ച്ചെ​ണ്ണ വി​ല കു​തി​ക്കു​ന്നു; പ്ര​തി​സ​ന്ധി​യി​ൽ വ്യാ​പാ​ര മേ​ഖ​ല

പാ​ല​ക്കാ​ട്: സം​സ്ഥാ​ന​ത്ത് വെ​ളി​ച്ചെ​ണ്ണ വി​ല കു​തി​ക്കു​ന്നു. ച​രി​ത്ര​ത്തി​ലാ​ദ്യ​മാ​യി കി​ലോ​ക്ക് വി​ല 400 രൂ​പ​ക്കും മു​ക​ളി​ൽ എ​ത്തി​യ​തോ​ടെ ഹോ​ട്ട​ലു​ക​ളും കാ​റ്റ​റി​ങ് സ്ഥാ​പ​ന​ങ്ങ​ളും ചെ​റു​കി​ട പ​ല​ഹാ​ര​ക്ക​ട​ക​ളും പ്ര​തി​സ​ന്ധി​യി​ലാ​യി. ഭ​ക്ഷ്യ​വി​ഭ​വ​ങ്ങ​ളു​ടെ വി​ല കൂ​ട്ടാ​തെ പി​ടി​ച്ചു നി​ൽ​ക്കാ​നാ​കി​ല്ലെ​ന്ന് ക​ച്ച​വ​ട​ക്കാ​ർ പ​റ​യു​ന്നു. വെ​ളി​ച്ചെ​ണ്ണ വി​ല മൊ​ത്ത വി​പ​ണി​യി​ൽ​ത​ന്നെ ലി​റ്റ​റി​ന് 400 ക​ട​ന്നു. ആ​റു മാ​സം മു​മ്പ് മൊ​ത്ത വി​ല 160 രൂ​പ​യാ​യി​രു​ന്നു.

മാ​ർ​ച്ചി​ലാ​ണ് വി​ല കു​തി​ച്ചു​യ​രാ​ൻ തു​ട​ങ്ങി​യ​ത്. ഏ​പ്രി​ലി​ൽ ലി​റ്റ​റി​ന് 300 ക​ട​ന്നു. ഓ​ണം അ​ടു​ക്കു​മ്പോ​ൾ 500 ആ​കു​മെ​ന്നാ​ണ് ആ​ശ​ങ്ക. ഇ​തി​നി​ടെ വെ​ളി​ച്ചെ​ണ്ണ​യു​ടെ വ്യാ​ജ​നും വി​ല​സു​ന്നു​ണ്ട്. തേ​ങ്ങ​ക്കും തീ​വി​ല​യാ​ണ്. ബു​ധ​നാ​ഴ്ച മാ​ർ​ക്ക​റ്റി​ൽ വെ​ളി​ച്ചെ​ണ്ണ 15 കി​ലോ​ക്ക് 6200 രൂ​പ വി​ല​യു​ള്ള​പ്പോ​ൾ വെ​ളി​ച്ചെ​ണ്ണ​യേ​ക്കാ​ൾ വി​ല​യു​ണ്ടാ​യി​രു​ന്ന ന​ല്ലെ​ണ്ണ​ക്കും ക​ട​ലെ​ണ്ണ​ക്കു​മൊ​ക്കെ 3000വും 3100​രൂ​പ​യു​മേ ഇ​പ്പോ​ഴും വി​ല​യു​ള്ളൂ. എ​ണ്ണ​യി​ൽ വ​റു​ത്തെ​ടു​ക്കു​ന്ന ചി​പ്സ് ഐ​റ്റ​ങ്ങ​ൾ​ക്ക് കി​ലോ​ക്ക് 80 രൂ​പ വ​രെ കൂ​ട്ടി​ക്ക​ഴി​ഞ്ഞു.

തേ​ങ്ങ​ക്കും തീ​വി​ല​യാ​യ​തോ​ടെ തേ​ങ്ങാ​ച്ച​മ്മ​ന്തി പോ​ലു​ള്ള​വ​യും പ​ല ക​ട​ക​ളി​ൽ നി​ന്നും അ​പ്ര​ത്യ​ക്ഷ​മാ​യി. തേ​ങ്ങ​യു​ൽ​പ്പാ​ദ​ന​ത്തി​ൽ വ​ന്ന ഇ​ടി​വാ​ണ് വി​ല വ​ർ​ധ​ന രൂ​ക്ഷ​മാ​കാ​ൻ ഇ​ട​യാ​ക്കി​യ​ത്. തേ​ങ്ങ കി​ലോ​ക്ക് 70-72 രൂ​പ​യാ​ണ് ചൊ​വ്വാ​ഴ്ച​ത്തെ വി​പ​ണി​വി​ല. കേ​ര​ള​ത്തി​ൽ തേ​ങ്ങ​യു​ടെ ഉ​ൽ​പാ​ദ​ന​ക്ഷ​മ​ത ക​ഴി​ഞ്ഞ വേ​ന​ലി​ൽ പാ​തി​യോ​ള​മാ​യി കു​റ​ഞ്ഞി​രു​ന്നു. 2021-‘22ൽ ​ഹെ​ക്ട​റി​ന്‌ 7412 തേ​ങ്ങ​യാ​യി​രു​ന്നു ശ​രാ​ശ​രി ഉ​ൽ​പാ​ദ​നം. 2022-‘23ൽ 7215 ​തേ​ങ്ങ​യാ​യും 2023-‘24ൽ 7211 ​ആ​യും ഇ​ടി​ഞ്ഞു. ത​മി​ഴ്‌​നാ​ട്ടി​ൽ​നി​ന്നു​ള്ള തേ​ങ്ങ വ​ര​വി​ലും വ​ൻ ഇ​ടി​വു​ണ്ട്‌.

കേ​ര​ള​ത്തി​ൽ​നി​ന്ന് തേ​ങ്ങ സം​ഭ​രി​ച്ച് ത​മി​ഴ്നാ​ട്ടി​ലെ​ത്തി​ച്ച് കൊ​പ്ര​യാ​ക്കി തി​രി​കെ​യെ​ത്തി​ക്കു​ന്ന സം​രം​ഭ​ക​രും പ്ര​തി​സ​ന്ധി​യി​ലാ​ണ്. കൂ​ലി​ച്ചെ​ല​വ് കു​റ​വാ​യ​തി​നാ​ലും ഗു​ണ​മേ​ന്മ​യു​ള്ള കൊ​പ്ര ല​ഭി​ക്കു​ന്ന​തി​നാ​ലും കേ​ര​ള​ത്തി​ൽ​നി​ന്ന് വ​ൻ​തോ​തി​ൽ തേ​ങ്ങ ഇ​ത്ത​ര​ത്തി​ൽ ത​മി​ഴ്നാ​ട്ടി​ൽ എ​ത്തി​യി​രു​ന്നു. ഉ​ൽ​പാ​ദ​നം ഇ​ടി​ഞ്ഞ​തോ​ടെ ഇ​ത് പൂ​ർ​ണ​മാ​യും നി​ല​ച്ചു. തേ​ങ്ങ​യു​ടെ ക്ഷാ​മം ചി​ര​ട്ട​യു​ടെ ല​ഭ്യ​ത​യെ​യും ബാ​ധി​ച്ചി​ട്ടു​ണ്ട്. 32 രൂ​പ​ക്കാ​ണ് നി​ല​വി​ൽ ചി​ര​ട്ട സം​ഭ​രി​ക്കു​ന്ന​ത്.

വെ​ളി​ച്ചെ​ണ്ണ വി​ല വ​ർ​ധി​ച്ച​തോ​ടെ മാ​യം ക​ല​ർ​ന്ന വെ​ളി​ച്ചെ​ണ്ണ​യു​ടെ വ​ര​വും കൂ​ടി. ഇ​തി​നെ​തി​രെ പ​രി​ശോ​ധ​ന ക​ർ​ശ​ന​മാ​ക്കാ​ൻ ഭ​ക്ഷ്യ​വ​കു​പ്പ് നി​ർ​ദേ​ശി​ച്ചി​ട്ടു​ണ്ട്. കൊ​പ്ര​ക്ഷാ​മ​വും വി​ല​വ​ർ​ധ​ന​യും കാ​ര​ണം നൂ​റു​ക​ണ​ക്കി​ന് ചെ​റു​കി​ട സ്വ​കാ​ര്യ മി​ല്ലു​ക​ൾ അ​ട​ച്ചു. വെ​ളി​ച്ചെ​ണ്ണ വി​ൽ​പ​ന മൂ​ന്നി​ലൊ​ന്നാ​യി കു​റ​ഞ്ഞ​താ​യി മി​ല്ലു​ട​മ​ക​ൾ പ​റ​യു​ന്നു. ഹോ​ട്ട​ലു​ക​ളും ബേ​ക്ക​റി​ക​ളും ഗാ​ർ​ഹി​ക ഉ​പ​ഭോ​ക്താ​ക്ക​ളു​മെ​ല്ലാം പാ​മോ​ലി​ൻ ഉ​ൾ​പ്പെ​ടെ സ​സ്യ​യെ​ണ്ണ​ക​ൾ പാ​ച​കാ​വ​ശ്യ​ത്തി​ന് കൂ​ടു​ത​ലാ​യി ആ​ശ്ര​യി​ച്ചു​തു​ട​ങ്ങി.

.............................................................................................

ക​ർ​ഷ​ക​ർ തെ​ങ്ങ് കൃ​ഷി​യി​ലേ​ക്ക് തി​രി​ച്ചു വ​രി​ക​യാ​ണ്. ര​ണ്ട് വ​ർ​ഷം മു​മ്പു​വ​രെ കൃ​ഷി​ഭ​വ​നി​ലൂ​ടെ വി​ത​ര​ണം ന​ട​ത്തി​യി​രു​ന്ന തെ​ങ്ങ് തൈ​ക​ൾ വി​റ്റു പോ​കാ​ൻ വി​ഷ​മി​ച്ചി​രു​ന്ന സ്ഥ​ല​ത്ത് ഇ​ത്ത​വ​ണ ര​ണ്ടു ദി​വ​സം​കൊ​ണ്ടു​ത​ന്നെ തൈ​ക​ളെ​ല്ലാം വി​റ്റു​പോ​യി. ഇ​പ്പോ​ഴും ക​ർ​ഷ​ക​ർ തെ​ങ്ങ് തൈ​ക്കാ​യി കൃ​ഷി ഓ​ഫി​സി​ൽ എ​ത്തു​ന്നു​ണ്ട്. ഫാ​മി​ൽ 100 രൂ​പ വി​ല​വ​രു​ന്ന തൈ​ക​ൾ സ​ബ്സി​ഡി ക​ഴി​ച്ച് 50 രൂ​പ​ക്കാ​യി​രു​ന്നു വി​ൽ​പ​ന. വാ​ർ​ഡി​ന് 15 തൈ​ക​ൾ വീ​ത​മാ​ണ് ഇ​ത്ത​വ​ണ ല​ഭി​ച്ച​ത്. തെ​ങ്ങി​ന് ബാ​ധി​ക്കാ​വു​ന്ന കാ​ലാ​വ​സ്ഥ വ്യ​തി​യാ​ന​മൊ​ന്നും ഇ​പ്പോ​ൾ ഇ​ല്ല. നാ​ളി​കേ​ര​ത്തി​ന് ഇ​പ്പോ​ൾ പൊ​തു വി​പ​ണി​യി​ൽ മി​ക​ച്ച വി​ല​കി​ട്ടു​ന്ന​ത് ക​ർ​ഷ​ക​ർ​ക്ക് ആ​ശ്വാ​സ​മാ​ണ്.

കെ.​എം.അ​ഷ്ജാ​ൻ, (കൃ​ഷി ഓ​ഫി​സ​ർ, വി​ള​യൂ​ർ)

വെ​ളി​ച്ചെ​ണ്ണ വി​ല വ​ർ​ധ​ന ബേ​ക്ക​റി​മേ​ഖ​ല​യെ​യും പ്ര​തി​സ​ന്ധി​യി​ലാ​ക്കി​യി​ട്ടു​ണ്ട്. ഓ​ണ​ത്തി​ന്റെ പ്ര​ധാ​ന വി​ഭ​വ​മാ​യ കാ​യ​വ​റു​ത്ത​തി​ന് ഇ​പ്പോ​ൾ​ത​ന്നെ ഇ​ര​ട്ടി​യി​ല​ധി​കം വി​ല വ​ർ​ധി​പ്പി​ക്കേ​ണ്ട​താ​യി വ​ന്നി​ട്ടു​ണ്ട്. വെ​ളി​ച്ചെ​ണ്ണ വി​ല​വ​ർ​ധ​ന​യി​ൽ ബേ​ക്ക​റി ഉ​ൽ​പ​ന്ന​ങ്ങ​ളു​ടെ​യും വി​ല വ​ർ​ധി​പ്പി​ക്കേ​ണ്ട​താ​യി വ​ന്ന​തി​നാ​ൽ വ്യാ​പാ​ര​മേ​ഖ​ല മാ​ന്ദ്യ​ത്തി​ലാ​ണ്.ചെ​റു​കി​ട ബേ​ക്ക​റി ഉ​ട​മ​ക​ൾ​ക്ക് പി​ടി​ച്ചു നി​ൽ​ക്കാ​ൻ പ​റ്റാ​ത്ത അ​വ​സ്ഥ​യാ​ണി​പ്പോ​ൾ. കു​ടി​ൽ വ്യ​വ​സാ​യ​മാ​യി ബേ​ക്ക​റി ഉ​ൽ​പ​ന്ന​ങ്ങ​ൾ ഉ​ണ്ടാ​ക്കു​ന്ന​വ​രും വി​ല വ​ർ​ധി​പ്പി​ക്കാ​നാ​വാ​തെ പ്ര​തി​സ​ന്ധി​യി​ലാ​ണ്. വെ​ളി​ച്ചെ​ണ്ണ വി​ല ഇ​നി​യും വ​ർ​ധി​ച്ചാ​ൽ ബേ​ക്ക​റി മേ​ഖ​ല പി​ടി​ച്ചു​നി​ൽ​ക്കാ​ൻ പ​റ്റാ​ത്ത അ​വ​സ്ഥ​യി​ലാ​യി​ത്തീ​രും.

കെ.​പി. അ​ക്ബ​ർ, ഫെ​യ്മ​സ് ബേ​ക്ക​റി, മ​ണ്ണാ​ർ​ക്കാ​ട് (സം​സ്ഥാ​ന സെ​ക്ര​ട്ട​റി, കേ​ര​ള ബേ​ക്ക​റി അ​സോ​.)

വെ​ളി​ച്ചെ​ണ്ണ, തേ​ങ്ങ വി​ല വ​ർ​ധ​ന​യി​ൽ സ​ർ​ക്കാ​ർ അ​ടി​യ​ന്തര​മാ​യി ഇ​ട​പെ​ട​ണം. വില ഓ​ണ​ക്കാ​ല​ത്ത് ഇ​നി​യും കൂ​ടാ​നും സാ​ധാ​ര​ണ ജ​ന​ങ്ങ​ൾ​ക്ക് ബു​ദ്ധി​മു​ട്ടാ​കാ​നു​മാ​ണ് സാ​ധ്യ​ത. വി​ല വ​ർ​ധ​ന​വ്‌ ത​ട​യാ​ൻ സ​ർ​ക്കാ​ർ അ​ടി​യ​ന്ത​ര​മാ​യി ഇ​ട​പെ​ട​ണം. വെ​ളി​ച്ചെ​ണ്ണ‌​ക്കും തേ​ങ്ങ​ക്കും സ​ബ്‌​സി​ഡി ന​ൽ​കു​ക​യും സം​ഭ​ര​ണ സം​വി​ധാ​ന​ങ്ങ​ൾ ശ​ക്ത​മാ​ക്കു​ക​യും വേ​ണം. വി​ല ഇ​നി​യും ഉ​യ​ർ​ന്നാ​ൽ വ്യാ​ജ വെ​ളി​ച്ചെ​ണ്ണ​ക​ൾ വ്യാ​പ​ക​മാ​കും. വി​ല കു​റ​ഞ്ഞ​തും, കൃ​ത്രി​മം നി​റ​ഞ്ഞ​തു​മാ​യ എ​ണ്ണ​ക​ളി​ലേ​ക്ക് പൊ​തു​ജ​നം മാ​റു​മെ​ന്ന സാ​ഹ​ച​ര്യ​വും മു​ന്നി​ലു​ണ്ട്‌.

ബാ​ബു കോ​ട്ട​യി​ൽ (വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി സം​സ്ഥാ​ന വൈ​സ് പ്ര​സി​ഡ​ന്റ്)

ആ​വ​ശ്യ​ത്തി​നു​ള്ള കൊ​പ്ര ല​ഭി​ക്കാ​ത്ത​ത് മി​ല്ലു​ക​ളെ പ്ര​തി​സ​ന്ധി​യി​ലാ​ക്കു​ന്നു​ണ്ട്. ഒ​രു​ട​ൺ കൊ​പ്ര ഓ​ർ​ഡ​ർ ന​ൽ​കി​യാ​ലും പ​കു​തി​യേ ല​ഭി​ക്കു​ന്നു​ള്ളൂ. എ​ണ്ണ​വി​ല വ​ർ​ധ​ന കാ​ര​ണം കൊ​പ്ര പൂ​ഴ്ത്തി​വെ​പ്പ് ന​ട​ക്കു​ന്നു​ണ്ടോ എ​ന്നും സം​ശ​യ​മു​ണ്ട്. ഒ​രു​കി​ലോ വെ​ളി​ച്ചെ​ണ്ണ ഉ​ൽ​പാ​ദി​പ്പി​ക്കാ​ൻ ഒ​ന്ന​ര​ക്കി​ലോ ന​ല്ല കൊ​പ്ര വേ​ണം. ഒ​രു​കി​ലോ കൊ​പ്ര​ക്ക് 280 രൂ​പ​യി​ല​ധി​കം വി​ല ന​ൽ​ക​ണം. ഇ​പ്പോ​ൾ മൂ​പ്പെ​ത്താ​ത്ത നി​ല​വാ​രം കു​റ​ഞ്ഞ കൊ​പ്ര​യാ​ണ് മാ​ർ​ക്ക​റ്റി​ൽ വ​രു​ന്ന​ത്. ഇ​ത​ര​സം​സ്ഥാ​ന​ങ്ങ​ളി​ൽ നി​ന്നു​ള്ള കൊ​പ്ര വ​ര​വും നി​ല​ച്ചി​രി​ക്കു​ക​യാ​ണ്. ക​ടു​ത്ത പ്ര​തി​സ​ന്ധി​യി​ലേ​ക്കാ​ണ് മി​ല്ലു​ട​മ​ക​ളും പോ​കു​ന്ന​ത്.

ഷ​റ​ഫു​ദ്ദീ​ൻ (ഫാ​ത്തി​മ ഓ​യി​ൽ മി​ൽ ഉ​ട​മ, കൊ​പ്പം)

ക​ഴി​ഞ്ഞ വ​ർ​ഷ​ത്തെ ശ​ക്ത​മാ​യ വേ​ന​ലി​ൽ കൃ​ത്യ​മാ​യ പ​രി​ച​ര​ണം ല​ഭി​ക്കാ​ത്ത​തി​നാ​ൽ നാ​ളി​കേ​രം ഉ​ൽ​പാ​ദ​നം പി​റ​കോ​ട്ടു​പോ​യി എ​ന്ന​താ​ണ് യാ​ഥാ​ർ​ഥ്യം. കാ​ലാ​കാ​ല​ങ്ങ​ളി​ൽ ല​ഭി​ക്കേ​ണ്ട വെ​ള്ള​വും വ​ള​വും കൃ​ത്യ​മാ​യി പ്ര​യോ​ഗി​ക്ക​ണം. ക​ർ​ഷ​ക​നെ സം​ബ​ന്ധി​ച്ച് ന​ല്ല സ​മ​യ​മാ​ണ് ഇ​പ്പോ​ൾ. നാ​ളി​കേ​ര വെ​ള്ളം മു​ത​ൽ ചി​ര​ട്ട​വ​രെ ന​ല്ല വി​ല ല​ഭി​ക്കു​ന്ന സ​മ​യ​മാ​ണി​പ്പോ​ൾ. നാ​ളി​കേ​ര​വെ​ള്ളം പ്രൊ​സ​സി​ങ് ചെ​യ്ത് വി​നാ​ഗി​രി ഉ​ണ്ടാ​ക്കാം. കി​ലോ​ക്ക് 25 രൂ​പ​യി​ല​ധി​കം ചി​ര​ട്ട​ക്കും ല​ഭി​ക്കും. ദീ​ർ​ഘ​കാ​ല വി​ള​യാ​യ​തി​നാ​ൽ ക​ര​ക​യ​റാ​ൻ ഇ​നി​യും സ​മ​യ​മെ​ടു​ക്കും.

പി. ​സു​ധീ​പ് (കേ​ര​ക​ർ​ഷ​ക​ൻ, അ​മ്പ​ല​പ്പാ​റ)

നാ​ളി​കേ​ര​ത്തി​ന്റെ വി​ല​വ​ർ​ധ​ന കു​ടും​ബ ബ​ജ​റ്റി​നെ​യും താ​ളം​തെ​റ്റി​ച്ചു. നാ​ളി​കേ​ര​ത്തെ മാ​ത്ര​മ​ല്ല, വെ​ളി​ച്ചെ​ണ്ണ​യു​ടെ വി​ല വ​ർ​ധ​ന​വും ജീ​വി​ത​ചെ​ല​വേ​റ്റി. സാ​ധ​ന​ങ്ങ​ളു​ടെ വി​ല​വ​ർ​ധ​ന​വു​കൂ​ടി ആ​വു​ന്ന​തോ​ടെ മാ​സാ​ന്ത കു​ടും​ബ ബ​ജ​റ്റി​നെ ആ​കെ ബാ​ധി​ച്ചി​രി​ക്കു​ക​യാ​ണ്. മ​ല​യാ​ളി​ക്ക് നാ​ളി​കേ​ര​വും വെ​ളി​ച്ചെ​ണ്ണ​യും ഒ​ഴി​ച്ചു​കൂ​ടാ​ൻ പ​റ്റാ​ത്ത​താ​ണ്.

എ​സ്. ല​ത (വീ​ട്ട​മ്മ, ഒ​റ്റ​പ്പാ​ലം)