ന​മ്പ​ർ വ​ൺ അ​ല്ല, ന​മ്പ​ർ 1 വി​ല്ലേ​ജ് ഓ​ഫി​സ്

പെ​രി​ങ്ങോ​ട്ടു​കു​റു​ശ്ശി: ഇ​ടു​ങ്ങി​യ മു​റി​യി​ൽ പൊ​തു​ജ​ന​ത്തി​ന് ഇ​രി​ക്കാ​ൻ പോ​യി​ട്ട് നേ​രെ ചൊ​വ്വേ നി​ൽ​ക്കാ​ൻ പോ​ലും സ്ഥ​ല​സൗ​ക​ര്യ​മി​ല്ലാ​തെ ഒ​രു വി​ല്ലേ​ജ് ഓ​ഫി​സ്. പെ​രി​ങ്ങോ​ട്ടു​കു​റു​ശ്ശി പ​രു​ത്തി​പ്പു​ള്ളി ന​മ്പ​ർ -1 വി​ല്ലേ​ജ് ഓ​ഫി​സി​ന്റെ പേ​രി​ൽ മാ​ത്ര​മാ​ണ് ന​മ്പ​ർ വ​ൺ. ഓ​ഫി​സ് ജീ​വ​ന​ക്കാ​ർ​ക്കും പ​ല​വി​ധ ആ​വ​ശ്യ​ങ്ങ​ൾ​ക്കെ​ത്തു​ന്ന​വ​ർ​ക്കും ദാ​ഹി​ച്ചാ​ൽ തൊ​ണ്ട ന​ന​ക്കാ​ൻ ഇ​വി​ടെ വ​ഴി​യി​ല്ല. കു​ടി​വെ​ള്ള ക​ണ​ക്ഷ​ൻ വി​ച്ഛേ​ദി​ച്ചി​ട്ട് മാ​സ​ങ്ങ​ളാ​യി. വാ​ട്ട​ർ അ​തോ​റി​റ്റി​ക്ക് 7000 രൂ​പ ബി​ല്ല് കു​ടി​ശ്ശി​ക​യാ​യ​തോ​ടെ മാ​സ​ങ്ങ​ൾ​ക്കു​മു​മ്പാ​ണ് കു​ടി​വെ​ള്ള ക​ണ​ക്ഷ​ൻ വി​ച്ഛേ​ദി​ച്ച​ത്. മു​മ്പ് ഇ​ത്ത​രം കു​ടി​ശ്ശി​ക തീ​ർ​ത്ത​ത് ജീ​വ​ന​ക്കാ​രു​ടെ കൈ​യി​ൽ നി​ന്നും എ​ടു​ത്താ​ണെ​ന്നും എ​ത്ര കാ​ലം ഇ​ങ്ങ​നെ മു​ന്നോ​ട്ടു​പോ​കാ​നാ​കു​മെ​ന്നും ജീ​വ​ന​ക്കാ​ർ ചോ​ദി​ക്കു​ന്നു.

1986ൽ ​ഉ​ദ്ഘാ​ട​നം ചെ​യ്ത കെ​ട്ടി​ടം നി​ല​നി​ൽ​ക്കു​ന്ന​ത് മൂ​ന്നു​സെൻറ് സ്ഥ​ല​ത്താ​ണ്. ആ​കെ ര​ണ്ട് മു​റി​ക​ളാ​ണ് പ്ര​വ​ർ​ത്ത​ന​യോ​ഗ്യ​മാ​യ​ത്. ഇ​തി​ൽ ഒ​ന്ന് വി​ല്ലേ​ജ് ഓ​ഫി​സ​റു​ടെ മു​റി​യാ​ണ്. ശേ​ഷി​ക്കു​ന്ന മു​റി​യി​ലാ​ണ് മ​റ്റു നാ​ലു ജീ​വ​ന​ക്കാ​രു​ടെ ഇ​രി​പ്പി​ട​വും രേ​ഖ​ക​ളും പ്ര​മാ​ണ​ങ്ങ​ളും സൂ​ക്ഷി​ക്കു​ന്ന​തും.

നി​ല​വി​ലെ വി​ല്ലേ​ജ് ഓ​ഫി​സ് കെ​ട്ടി​ട​ത്തി​ന്റെ മു​ക​ളി​ൽ പു​തി​യ കെ​ട്ടി​ടം പ​ണി​യു​ക​യോ, മ​റ്റൊ​രു കെ​ട്ടി​ടം നി​ർ​മി​ക്കു​ക​യോ ചെ​യ്താ​ലേ സ്ഥ​ല​പ​രി​മി​തി​ക്ക് പ​രി​ഹാ​ര​മാ​കൂ. പു​തി​യ കെ​ട്ടി​ടം നി​ർ​മി​ക്കാ​ൻ പ​ഞ്ചാ​യ​ത്ത് സ്ഥ​ലം ക​ണ്ടെ​ത്താ​ൻ ശ്ര​മം ന​ട​ത്തു​ന്നു​ണ്ടെ​ങ്കി​ലും പ​ണി​യാ​ൻ ഫ​ണ്ട​നു​വ​ദി​ക്കേ​ണ്ട​ത് റ​വ​ന്യു വ​കു​പ്പാ​ണ്. നി​ല​വി​ലെ സാ​മ്പ​ത്തി​ക പ്ര​തി​സ​ന്ധി​യി​ൽ ഫ​ണ്ട​നു​വ​ദി​ക്കു​ന്ന​തി​ന് കാ​ല​താ​മ​സം നേ​രി​ടു​മെ​ന്നു​റ​പ്പാ​ണ്. കു​ടി​വെ​ള്ള ശു​ദ്ധീ​ക​ര​ണ ഉ​പ​ക​ര​ണം സ്ഥാ​പി​ച്ചി​ട്ടു​ണ്ടെ​ങ്കി​ലും ശു​ദ്ധീ​ക​രി​ക്കാ​ൻ വെ​ള്ള​മെ​വി​ടെ എ​ന്ന​താ​ണ് ചോ​ദ്യം.