നിപ; സ​മ്പ​ർ​ക്ക പ​ട്ടി​ക​യി​ലെ മൂ​ന്നു​പേ​ർ ഐ​സൊ​ലേ​ഷ​നി​ൽ

പാ​ല​ക്കാ​ട്: ജി​ല്ല​യി​ൽ നി​ല​വി​ൽ ഒ​രു​ രോ​ഗി​ക്ക് മാ​ത്ര​മാ​ണ് നി​പ രോ​ഗം സ്ഥി​രീ​ക​രി​ച്ച​തെ​ന്നും അ​വ​രു​ടെ പ്രാ​ഥ​മി​ക സ​മ്പ​ർ​ക്ക പ​ട്ടി​ക​യി​ലെ സാ​ധ്യ​ത ലി​സ്റ്റി​ലു​ള്ള മൂ​ന്നു​പേ​ർ ഐ​സൊ​ലേ​ഷ​നി​ൽ തു​ട​രു​ന്നു​വെ​ന്നും ക​ല​ക്ട​ർ അ​റി​യി​ച്ചു.

രോ​ഗ​ബാ​ധി​ത​യാ​യ യു​വ​തി​യെ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. നി​ല​വി​ൽ വെ​ന്‍റി​ലേ​റ്റ​റി​ലാ​ണ്. സ​മ്പ​ർ​ക്ക​ത്തി​ലു​ള്ള മൂ​ന്നു​പേ​രി​ൽ ഒ​രാ​ളു​ടെ പ്രാ​ഥ​മി​ക പ​രി​ശോ​ധ​ന ഫ​ലം നെ​ഗ​റ്റീ​വ് ആ​ണ്. മ​റ്റു ര​ണ്ടു​പേ​രു​ടെ പ​രി​ശോ​ധ​ന ഫ​ലം ഉ​ട​ൻ വ​രും.

ഇ​വ​ർ പാ​ല​ക്കാ​ട് മെ​ഡി​ക്ക​ൽ കോ​ള​ജി​ലാ​ണ് ചി​കി​ത്സ​യി​ലു​ള്ള​ത്. മൂ​ന്നു​ദി​വ​സം ക​ഴി​ഞ്ഞ് വീ​ണ്ടും ന​ട​ത്തു​ന്ന പ​രി​ശോ​ധ​ന​യി​ൽ നെ​ഗ​റ്റീ​വ് ആ‍യാ​ൽ ഇ​ൻ​സ്റ്റി​റ്റ്യൂ​ഷ​ന​ൽ മെ​ഡി​ക്ക​ൽ ബോ​ർ​ഡും സ്റ്റേ​റ്റ് മെ​ഡി​ക്ക​ൽ ബോ​ർ​ഡും ചേ​ർ​ന്ന ​ശേ​ഷം ഡി​സ്ചാ​ർ​ജ് ചെ​യ്യു​മെ​ന്നും ക​ല​ക്ട​ർ മാ​ധ്യ​മ​ങ്ങ​ളോ​ട് പ​റ​ഞ്ഞു. 173 പേ​രെ​യാ​ണ് നി​ല​വി​ൽ സ​മ്പ​ർ​ക്ക പ​ട്ടി​ക​യി​ൽ ഉ​ൾ​പ്പെ​ടു​ത്തി​യി​ട്ടു​ള്ള​ത്. എ​ല്ലാ​വ​രും ഹോം ​ക്വാ​റ​ന്റ​യി​നി​ലാ​ണ്.

ആ​റു വാ​ർ​ഡു​ക​ളി​ലാ​യി 2185 വീ​ടു​ക​ളി​ൽ ആ​രോ​ഗ്യ​പ്ര​വ​ർ​ത്ത​ക​ർ സ​ന്ദ​ർ​ശ​നം ന​ട​ത്തി വി​വ​ര​ം ശേ​ഖ​ര​ിച്ചു. ജി​ല്ല മാ​ന​സി​കാ​രോ​ഗ്യ വി​ഭാ​ഗം 165 പേ​ർ​ക്ക് ടെ​ലി​ഫോ​ണി​ലൂ​ടെ കൗ​ൺ​സ​ലി​ങ് സേ​വ​നം ന​ൽ​കി. പാ​ല​ക്കാ​ട് ഗ​വ. മെ​ഡി​ക്ക​ൽ കോ​ള​ജി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ക​ൺ​ട്രോ​ൾ സെ​ല്ലി​ലേ​ക്ക് 21 കോ​ളു​ക​ൾ പൊ​തു​ജ​ന​ങ്ങ​ളു​ടെ ഭാ​ഗ​ത്തു​നി​ന്ന് ഉ​ണ്ടാ​യി. രോ​ഗ​ത്തി​ന്‍റെ ഉ​റ​വി​ടം അ​റി​യാ​നാ​യി മൃഗക്ഷേവ വകുപ്പ് വ​വ്വാ​ലി​ന്‍റെ സാ​മ്പി​ൾ ശേ​ഖ​രി​ച്ച് ഭോ​പ്പാ​ലി​ലേ​ക്ക് പ​രി​ശോ​ധ​ന​ക്ക് അ​യ​ച്ചു.

പ​ട​ക്കം പൊ​ട്ടി​ച്ചോ മ​റ്റോ വ​വ്വാ​ലു​ക​ളെ നീ​ക്കം ചെ​യ്യാ​ൻ ശ്ര​മി​ച്ചാ​ൽ പ​രി​ഭ്രാ​ന്ത​രാ​യി കൂ​ടു​ത​ൽ സ്ര​വ​ങ്ങ​ൾ പു​റ​ന്ത​ള്ളാ​ൻ സാ​ധ്യ​ത​യു​ള്ള​തി​നാ​ൽ അ​തി​ന് ശ്ര​മി​ക്ക​രു​തെ​ന്നും വ​നം-​മൃ​ഗ​സം​ര​ക്ഷ​ണ വ​കു​പ്പു​ക​ളു​മാ​യി ചേ​ർ​ന്ന് തു​ട​ർ​ന​ട​പ​ടി​ക​ൾ സ്വീ​ക​രി​ക്കു​മെ​ന്നും ക​ല​ക്ട​ർ വ്യ​ക്ത​മാ​ക്കി.

ത​ച്ച​നാ​ട്ടു​ക​ര പ​ഞ്ചാ​യ​ത്തി​ലെ വാ​ർ​ഡ് - 7 (കു​ണ്ടൂ​ർ​ക്കു​ന്ന്), വാ​ർ​ഡ്-8 (പാ​ലോ​ട്), വാ​ർ​ഡ്-9 (പാ​റ​മ്മ​ൽ), വാ​ർ​ഡ് - 11 (ചാ​മ​പ​റ​മ്പ്), ക​രി​മ്പു​ഴ പ​ഞ്ചാ​യ​ത്തി​ലെ വാ​ർ​ഡ് - 17 (ആ​റ്റ​ശ്ശേ​രി), വാ​ർ​ഡ്-18 (ചോ​ള​ക്കു​റി​ശ്ശി) എ​ന്നി​വി​ട​ങ്ങ​ളാ​ണ് നി​ല​വി​ൽ ക​ണ്ടെ​യ്ൻ​മെ​ന്‍റ് സോ​ണു​ക​ളാ​യി​ട്ടു​ള്ള​ത്. ക​ണ്ടെ​യ്ൻ​മെ​ന്‍റ് സോ​ണി​ലു​ള്ള​വ​ർ അ​നാ​വ​ശ്യ​മാ​യി കൂ​ട്ടം കൂ​ട​രു​ത്. എ​ൻ 95 മാ​സ്ക് നി​ർ​ബ​ന്ധ​മാ​യും ധ​രി​ക്ക​ണം.

ക​ണ്ടെ​യ്ൻ​മെ​ന്‍റ് സോ​ണി​ൽ​നി​ന്നും പു​റ​ത്തേ​ക്കു​ള്ള യാ​ത്ര​ക​ൾ ഒ​ഴി​വാ​ക്ക​ണം. ഐ​സൊ​ലേ​ഷ​ൻ /ക്വാ​റ​ന്റ​യി​നി​ൽ ക​ഴി​യു​ന്ന​വ​ർ നി​ർ​ബ​ന്ധ​മാ​യും എ​ൻ 95 മാ​സ്ക് ധ​രി​ക്ക​ണം. കൃ​ത്യ​മാ​യും ക്വാ​റ​ന്റ​യി​ൻ മാ​ന​ദ​ണ്ഡ​ങ്ങ​ൾ പാ​ലി​ക്ക​ണം. ശു​ചി​മു​റി​യു​ള്ള റൂ​മി​ൽ ത​ന്നെ ക്വാ​റ​ന്റ​യി​നി​ൽ ഇ​രി​ക്കു​ക.

ആ​രു​മാ​യും സ​മ്പ​ർ​ക്ക​ത്തി​ൽ വ​രാ​തെ പ്ര​ത്യേ​കം ശ്ര​ദ്ധി​ക്ക​ണം. അ​വ​രെ പ​രി​ച​രി​ക്കു​ന്ന വീ​ട്ടി​ലു​ള്ള എ​ല്ലാ​വ​രും മാ​സ്ക് എ​പ്പോ​ഴും ധ​രി​ക്ക​ണം. കൈ​ക​ൾ ഇ​ട​ക്കി​ട​ക്ക് സോ​പ്പും വെ​ള്ള​വും ഉ​പ​യോ​ഗി​ച്ചോ സാ​നി​റ്റൈ​സ​ർ ഉ​പ​യോ​ഗി​ച്ചോ അ​ണു​വി​മു​ക്ത​മാ​ക്ക​ണം. പ​നി, ചു​മ, ത​ല​വേ​ദ​ന, ശ്വാ​സ​ത​ട​സം, മാ​ന​സി​ക വി​ഭാ​ന്ത്രി, ബോ​ധ​ക്ഷ​യം തു​ട​ങ്ങി​യ രോ​ഗ ല​ക്ഷ​ണ​ങ്ങ​ൾ ഉ​ള്ള​വ​ർ ഉ​ട​ൻ ത​ന്നെ വി​വ​രം അ​ടു​ത്തു​ള്ള ആ​രോ​ഗ്യ പ്ര​വ​ർ​ത്ത​ക​രെ ഫോ​ൺ മു​ഖാ​ന്തി​രം അ​റി​യി​ക്കു​ക​യോ ക​ൺ​ട്രോ​ൾ റൂം ​ന​മ്പ​റി​ലേ​ക്ക് 0491- 2504002 വി​ളി​ക്കു​ക​യോ ചെ​യ്യ​ണം. പൊ​തു​ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്നും ക​ല​ക്ട​ർ അ​റി​യി​ച്ചു.

മൃ​ഗ​സം​ര​ക്ഷ​ണ വ​കു​പ്പ് ജാ​ഗ്ര​ത നി​ർ​ദേ​ശ​ങ്ങ​ൾ പു​റ​പ്പെ​ടു​വി​ച്ചു

• ത​ച്ച​നാ​ട്ടു​ക​ര: ജി​ല്ല​യി​ൽ ത​ച്ച​നാ​ട്ടു​ക​ര ഗ്രാ​മ പ​ഞ്ചാ​യ​ത്തി​ൽ നി​പ വൈ​റ​സ് രോ​ഗം റി​പ്പോ​ർ​ട്ട് ചെ​യ്യ​പ്പെ​ട്ട സാ​ഹ​ച​ര്യ​ത്തി​ൽ മൃ​ഗ​സം​ര​ക്ഷ​ണ വ​കു​പ്പ് ജാ​ഗ്ര​ത നി​ർ​ദേ​ശ​ങ്ങ​ൾ പു​റ​പ്പെ​ടു​വി​ച്ചു.
• മ​നു​ഷ്യ​രെ​യും മൃ​ഗ​ങ്ങ​ളെ​യും ബാ​ധി​ക്കു​ന്ന ഒ​രു ജ​ന്തു​ജ​ന്യ വൈ​റ​സ് രോ​ഗ​മാ​ണ് നി​പ.
• സാ​ധാ​ര​ണ ഗ​തി​യി​ൽ നി​പ വൈ​റ​സ് വ​വ്വാ​ലു​ക​ളി​ൽ​നി​ന്നും പ​ന്നി​ക​ളി​ലേ​ക്കും പ​ന്നി​ക​ളി​ൽ​നി​ന്നും മ​നു​ഷ്യ​രി​ലേ​ക്ക് പ​ട​രു​ക​യു​മാ​ണ് ചെ​യ്യു​ന്ന​ത്. പ​ന്നി​ക​ളി​ൽ ക​ടു​ത്ത ചു​മ ഒ​രു പ്ര​ധാ​ന രോ​ഗ​ല​ക്ഷ​ണ​മാ​ണ്.
• പ​നി, ശ്വാ​സ​ത​ട​സ്സം തു​ട​ങ്ങി​യ ല​ക്ഷ​ണ​ങ്ങ​ളും കാ​ണ​പ്പെ​ടു​ന്നു. പ​ന്നി​ക​ളി​ൽ മേ​ൽ​പ​റ​ഞ്ഞ ല​ക്ഷ​ണ​ങ്ങ​ൾ കാ​ണു​ന്ന പ​ക്ഷം ക​ർ​ഷ​ക​ർ എ​ത്ര​യും പെ​ട്ടെ​ന്ന് അ​ടു​ത്ത മൃ​ഗാ​ശു​പ​ത്രി​യി​ൽ വി​വ​രം അ​റി​യി​ക്ക​ണം.
• പ​ന്നി​ക​ളി​ലും മ​റ്റു മൃ​ഗ​ങ്ങ​ളി​ലും അ​സ്വാ​ഭാ​വി​ക മ​ര​ണ​ങ്ങ​ൾ ശ്ര​ദ്ധി​ക്ക​പ്പെ​ട്ടാ​ൽ അ​ടു​ത്തു​ള്ള മൃ​ഗാ​ശു​പ​ത്രി​യി​ൽ അ​റി​യി​ക്കു​ക.
• ഫാ​മു​ക​ളി​ൽ കു​മ്മാ​യം, അ​ല​ക്കു​കാ​രം, ബ്ലീ​ച്ചി​ങ് പൗ​ഡ​ർ തു​ട​ങ്ങി​യ​വ ഉ​പ​യോ​ഗി​ച്ച് കൃ​ത്യ​മാ​യ അ​ണു​ന​ശീ​ക​ര​ണ​വും ന​ട​ത്തു​ക.
• പ​ന്നി ഫാ​മു​ക​ളി​ൽ മ​ര​ണ​പ്പെ​ടു​ന്ന മൃ​ഗ​ങ്ങ​ളു​ടെ ശ​വ​ശ​രീ​ര​ങ്ങ​ൾ ശാ​സ്ത്രീ​യ​മാ​യി സം​സ്ക​രി​ക്കു​ക.
• ഫാ​മു​ക​ളു​ടെ പ​രി​സ​ര​ങ്ങ​ളി​ൽ വ​വ്വാ​ലു​ക​ൾ ചേ​ക്കേ​റു​ന്ന മ​ര​ങ്ങ​ളു​ടെ ചി​ല്ല​ക​ൾ വെ​ട്ടി​മാ​റ്റു​ക​യോ, ഫ​ല വൃ​ക്ഷ​ങ്ങ​ളി​ൽ വ​വ്വാ​ലു​ക​ൾ പ്ര​വേ​ശി​ക്കാ​തെ​യി​രി​ക്കാ​ൻ നെ​റ്റ് ഉ​പ​യോ​ഗി​ച്ച് മൂ​ടു​ക​യോ ചെ​യ്യു​ക.
• രോ​ഗ​സാ​ന്നി​ധ്യ​മു​ള്ള പ്ര​ദേ​ശ​ങ്ങ​ളി​ൽ വ​വ്വാ​ലു​ക​ൾ ചേ​ക്കേ​റു​ന്ന മ​ര​ങ്ങ​ളു​ടെ ചു​വ​ട്ടി​ലും സ​മീ​പ​ത്തും മൃ​ഗ​ങ്ങ​ളെ കെ​ട്ടി​യി​ടാ​തി​രി​ക്കു​വാ​ൻ ശ്ര​ദ്ധി​ക്കു​ക. അ​ത്ത​രം മ​ര​ങ്ങ​ളി​ൽ നി​ന്നു​ള്ള പ​ഴ​ങ്ങ​ൾ വ​ള​ർ​ത്തു മൃ​ഗ​ങ്ങ​ൾ​ക്കു ന​ൽ​കാ​തി​രി​ക്കു​ക.
• മൃ​ഗ​ങ്ങ​ളെ കൈ​കാ​ര്യം ചെ​യ്ത​തി​നു​ശേ​ഷം സോ​പ്പും വെ​ള്ള​വും ഉ​പ​യോ​ഗി​ച്ച് കൈ ​ക​ഴു​കി വൃ​ത്തി​യാ​ക്ക​ണം.
• വ്യ​ക്തി ശു​ചി​ത്വ​വും പ​രി​സ​ര ശു​ചി​ത്വ​വും പാ​ലി​ക്കു​ക.