അപകടപ്പാതയായി ദേശീയപാത

മ​ണ്ണാ​ർ​ക്കാ​ട്: താ​ലൂ​ക്കി​ലെ സം​സ്ഥാ​ന പാ​ത​ക​ളി​ലും ദേ​ശീ​യ​പാ​ത​യി​ലും അ​പ​ക​ട​ങ്ങ​ള്‍ വ​ര്‍ധി​ക്കു​ന്നു. വാ​ഹ​ന​ങ്ങ​ളു​ടെ അ​മി​ത​വേ​ഗ​ത​യും ജാ​ഗ്ര​ത​ക്കു​റ​വു​മാ​ണ് പ​ല​പ്പോ​ഴും അ​പ​ക​ട​ങ്ങ​ള്‍ക്ക് ഇ​ട​യാ​ക്കു​ന്ന​ത്.

മൂ​ന്ന് ദി​വ​സ​ത്തി​നി​ടെ താ​ലൂ​ക്കി​ല്‍ മൂ​ന്ന് റോ​ഡ​പ​ക​ട​ങ്ങ​ള്‍ സം​ഭ​വി​ച്ചു. ഇ​തി​ല്‍ ര​ണ്ട് പേ​രു​ടെ ജീ​വ​ന്‍ പൊ​ലി​ഞ്ഞു. നാ​ല് പേ​ര്‍ക്ക് പ​രി​ക്കേ​റ്റു. ര​ണ്ട് മാ​സം മു​മ്പ് ദേ​ശീ​യ​പാ​ത​യി​ല്‍ അ​രി​യൂ​ര്‍ പാ​ല​ത്തി​ന് സ​മീ​പം ലോ​റി​യി​ല്‍ ത​ട്ടി വീ​ണ സ്‌​കൂ​ട്ട​ര്‍ യാ​ത്ര​ക്കാ​രി മ​രി​ച്ചി​രു​ന്നു. വ്യാ​ഴാ​ഴ്ച കു​മ​രം​പു​ത്തൂ​രി​ലു​ണ്ടാ​യ വാ​ഹ​നാ​പ​ക​ട​ത്തി​ല്‍ യു​വ​തി​ക്ക് ദാ​രു​ണാ​ന്ത്യ​മാ​ണു​ണ്ടാ​യ​ത്. പൊ​തു​വേ തി​ര​ക്കേ​റി​യ ഇ​ട​മാ​ണ് കു​മ​രം​പു​ത്തൂ​ര്‍ മേ​ലേ ചു​ങ്കം ഭാ​ഗം. മേ​ലേ ചു​ങ്ക​ത്ത് വ​ള​വ് തി​രി​ഞ്ഞ് വ​രു​ന്ന ഭാ​ഗ​ത്താ​യാ​ണ് ദേ​ശ​സാ​ല്‍കൃ​ത ബാ​ങ്കി​ന് മു​ന്നി​ല്‍ ബ​സ് സ്റ്റോ​പ്പു​ള്ള​ത്.

യാ​ത്ര​ക്കാ​രെ ക​യ​റ്റാ​ൻ ബ​സ് നി​ര്‍ത്തുമ്പോ​ള്‍ പി​ന്നി​ലു​ള്ള വാ​ഹ​ന​ങ്ങ​ള്‍ മ​റി​ക​ട​ന്ന് പോ​കാ​ന്‍ ശ്ര​മി​ക്കു​ന്ന​തി​നാ​ൽ അ​പ​ക​ട​ങ്ങ​ള്‍ സം​ഭ​വി​ക്കാ​ന്‍ സാ​ധ്യ​ത​യേ​റെ​യു​ള്ള​താ​യി ചൂ​ണ്ടി​ക്കാ​ട്ട​പ്പെ​ടു​ന്നു.

പ​ഞ്ചാ​യ​ത്ത് ഓ​ഫി​സ്, ബാ​ങ്കു​ക​ള്‍, സ​ര്‍ക്കാ​ര്‍ ഓ​ഫി​സു​ക​ള്‍ എ​ന്നി​വ​യെ​ല്ലാം സ്ഥി​തി ചെ​യ്യു​ന്ന മേ​ലേ ചു​ങ്കം ഭാ​ഗ​ത്ത് സീ​ബ്രാ​ലൈ​നു​ണ്ടെ​ങ്കി​ല്‍ പോ​ലും വാ​ഹ​ന​ത്തി​ര​ക്കേ​റി​യ പാ​ത മു​റി​ച്ച് ക​ട​ക്കാ​ന്‍ ഏ​റെ പ്ര​യാ​സ​പ്പെ​ടു​ന്ന​താ​യി നാ​ട്ടു​കാ​ര്‍ പ​റ​യു​ന്നു. ഇ​വി​ടെ ഡി​വൈ​ഡ​ര്‍ സ്ഥാ​പി​ക്ക​ണ​മെ​ന്നാ​ണ് ആ​വ​ശ്യം.

കു​മ​രം​പു​ത്തൂ​ര്‍-​ഒ​ലി​പ്പു​ഴ സം​സ്ഥാ​ന പാ​ത​യി​ല്‍ കോ​ട്ടോ​പ്പാ​ടം വേ​ങ്ങ​യി​ല്‍ ക​ഴി​ഞ്ഞ ര​ണ്ട് ദി​വ​സ​വും തു​ട​ര്‍ച്ച​യാ​യി അ​പ​ക​ട​മു​ണ്ടാ​യി. ഉ​ച്ചാ​ര​ക്ക​ട​വ് സ്വ​ദേ​ശി​ക​ളാ​യ യു​വാ​വും പി​താ​വും സ​ഞ്ച​രി​ച്ചി​രു​ന്ന ബൈ​ക്ക് ഓ​ട്ടോ​കാ​റു​മാ​യി കൂ​ട്ടി​യി​ടി​ച്ച് യു​വാ​വ് മ​രി​ച്ചി​രു​ന്നു. പി​താ​വി​ന് പ​രി​ക്ക് പ​റ്റി.

ഈ ​അ​പ​ക​ട​ത്തി​ന്റെ ത​ലേ​നാ​ള്‍ വേ​ങ്ങ​യി​ല്‍ ത​ന്നെ ബൈ​ക്കും പി​ക്ക​പ്പ് വാ​നും കൂ​ട്ടി​യി​ടി​ച്ച് അ​ല​ന​ല്ലൂ​ര്‍ കൂ​മ​ഞ്ചി​റ സ്വ​ദേ​ശി​യു​ടെ വ​ല​തു​കാ​ലി​ന് ഗു​രു​ത​ര​മാ​യി പ​രി​ക്കേ​റ്റി​രു​ന്നു. ദേ​ശീ​യ​പാ​ത വീ​തി കൂ​ട്ടി ന​വീ​ക​രി​ച്ച​തോ​ടെ അ​മി​ത വേ​ഗ​ത​യി​ല്‍ വാ​ഹ​ന​ങ്ങ​ള്‍ സ​ഞ്ച​രി​ക്കു​ന്നു​ണ്ട്. ജ​ങ്ഷ​നു​ക​ളോ സീ​ബ്രാ ലൈ​നു​ക​ളോ പോ​ലും വ​ക​വെ​ക്കാ​തെ പോ​കു​ന്ന വാ​ഹ​ന​ങ്ങ​ളു​മു​ണ്ട്.

കാ​ല്‍ന​ട​യാ​ത്ര​ക്കാ​ര്‍ക്കാ​ണ് ഇ​ത് ഏ​റെ ഭീ​ഷ​ണി​യു​യ​ര്‍ത്തു​ന്ന​ത്. മു​ന്നി​ല്‍ പോ​കു​ന്ന വ​ലി​യ വാ​ഹ​ന​ങ്ങ​ളെ മ​റി​ക​ട​ക്കാ​ന്‍ ശ്ര​മി​ക്കു​ന്ന ചെ​റി​യ വാ​ഹ​ന​ങ്ങ​ളാ​ണ് പ​ല​പ്പോ​ഴും അ​പ​ക​ട​ത്തി​ല്‍പ്പെ​ടു​ന്ന​ത്. പൊ​തു​വേ മ​ഴ സ​മ​യ​ങ്ങ​ളി​ല്‍ ദേ​ശീ​യ​പാ​ത​യു​ടെ പ​ല​ഭാ​ഗ​ത്തും ചെ​റു​തും വ​ലു​തു​മാ​യ അ​പ​ക​ട​ങ്ങ​ള്‍ സം​ഭ​വി​ക്കു​ന്ന​ത് പ​തി​വാ​കു​ക​യാ​ണ്.