Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightPalakkadchevron_rightമൊബൈൽ കാമറയിൽ...

മൊബൈൽ കാമറയിൽ 'പ്രാണിലോകം' പകർത്തി മുനീർ

text_fields
bookmark_border
മൊബൈൽ കാമറയിൽ പ്രാണിലോകം പകർത്തി മുനീർ
cancel

മാള: മൊബൈൽ കാമറയിൽ ചെറുജീവികളുടെ ചിത്രങ്ങൾ പകർത്തി വേറിട്ട വഴിയിലൂടെ യുവാവി​െൻറ യാത്ര. മാള കൊമ്പിടിഞ്ഞാമാക്കൽ കാരൂർ ബഷീർ-ഫാത്തിമ ദമ്പതികളുടെ മകൻ മുനീറാണ്​ പ്രാണികളുടെ ചിത്രങ്ങൾ പകർത്തുന്നത്​ കൗതുകമായി ​കൊണ്ടുനടക്കുന്നത്​.

ചിത്രങ്ങൾ ശ്രദ്ധയില്‍പെട്ട ഓള്‍ കേരള ഫോട്ടോഗ്രാഫേഴ്​സ്​ അസോസിയേഷന്‍ സംസ്ഥാന സെക്രട്ടറി അജീഷ് അദ്ദേഹത്തി​െൻറ യൂട്യൂബ് ചാനലിൽ പോസ്​റ്റ്​ ചെയ്ത വിഡിയോ ലക്ഷത്തോളം പേർ കണ്ടുകഴിഞ്ഞു. മുനീർ പകർത്തിയ പ്രാണികൾ, ചിത്രശലഭങ്ങൾ, തുമ്പികൾ, ഉറുമ്പ് തുടങ്ങിയ ജീവികളുടെ ചിത്രങ്ങൾ ആരെയും അത്ഭുതപ്പെടുത്തുന്നതാണ്.

8,500 രൂപ മാത്രം വില വരുന്ന 'ഹോണര്‍ എട്ട് സ്മാര്‍ട്ട്' എന്ന സാധാരണ മൊബൈല്‍ ഫോണാണ്​ ഇതിന്​ ഉപയോഗിക്കുന്നത്​. മാക്രോ ലെൻസ് ഉപയോഗിക്കാതെ മൊബൈൽ കാമറ സൂം ചെയ്താണ്​ ചിത്രങ്ങൾ എടുക്കുന്നത്. ഇത്​ അപൂർവമാണെന്ന് വിദഗ്ധർ പറയുന്നു.

ട്രാവല്‍ ഏജന്‍സി നടത്തുന്ന മുനീര്‍ ലോക്​ഡൗൺ ദിനങ്ങളില്‍ നൂറുകണക്കിന് ചിത്രങ്ങളാണ് പകര്‍ത്തിയത്. ലോക്​ഡൗണ്‍ കാലത്ത് ത​െൻറ ഇഷ്​ട വിനോദമായ ഫോട്ടോഗ്രാഫിയില്‍ കൂടുതല്‍ സമയം ​െചലവഴിക്കാന്‍ കഴിഞ്ഞതിലുള്ള സന്തോഷത്തിലാണ് മുനീര്‍. നാട്ടുകാർ സംഘടിപ്പിച്ച ഗ്രാമോത്സവത്തിൽ മുനീറി​െൻറ ചിത്രപ്രദർശനം നടത്തിയിരുന്നു. ഭാര്യ: ഫൗസിയ. മകൻ: മുഹമ്മദ്.


റിപ്പോർട്ടർ: അബ്ബാസ്​ മാള

Show Full Article
TAGS:muneer 
Next Story