വി​ദ്യാ​ർ​ഥി​ക​ളെ​ത്തി​യി​ട്ടും സ്​​കൂ​ളു​ക​ളി​ൽ ആ​വ​ശ്യ​ത്തി​ന് അ​ധ്യാ​പ​ക​രി​ല്ല

മ​ണ്ണാ​ർ​ക്കാ​ട്: കോ​വി​ഡ് വ്യാ​പ​ന​ത്തെ തു​ട​ർ​ന്ന് ഏ​ഴു​മാ​സ​മാ​യി അ​ട​ഞ്ഞു​കി​ട​ന്ന വി​ദ്യാ​ല​യ​ങ്ങ​ൾ ഭാ​ഗി​ക​മാ​യി തു​റ​ന്ന് ര​ണ്ടാ​ഴ്ച​യോ​ള​മാ​യി​ട്ടും ജി​ല്ല​യി​ലെ പൊ​തു​വി​ദ്യാ​ല​യ​ങ്ങ​ളി​ൽ അ​ധ്യാ​പ​ക​ക്ഷാ​മം നേ​രി​ടു​ന്ന​ത് പ​ഠ​നം പ്ര​തി​സ​ന്ധി​യി​ലാ​ക്കു​ന്നു.

സം​ശ​യ​നി​വാ​ര​ണ​ത്തി​നും ഡി​ജി​റ്റ​ൽ ക്ലാ​സു​ക​ളു​ടെ തു​ട​ര്‍പ്ര​വ​ര്‍ത്ത​ന​ത്തി​നും മാ​തൃ​കാ​പ​രീ​ക്ഷ​ക​ള്‍ക്കു​മാ​യാ​ണ് ര​ക്ഷി​താ​ക്ക​ളു​ടെ സ​മ്മ​ത​ത്തോ​ടെ സ​ർ​ക്കാ​ർ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ച്ച് എ​സ്.​എ​സ്.​എ​ൽ.​സി, പ്ല​സ് ടു ​ക്ലാ​സു​ക​ളി​ലെ വി​ദ്യാ​ർ​ഥി​ക​ള്‍ക്ക് ക്ലാ​സ് റൂം ​പ​ഠ​നം പു​ന​രാ​രം​ഭി​ച്ച​ത്.

ന​ട​പ്പ് അ​ധ്യ​യ​ന​വ​ർ​ഷ​ത്തി​ൽ അ​ധ്യാ​പ​ക​രു​ടെ നി​യ​മ​ന​വും സ്ഥ​ലം​മാ​റ്റ​വും സ്ഥാ​ന​ക്ക​യ​റ്റ​വും ന​ട​ക്കാ​ത്ത​തി​നാ​ൽ സ​ർ​ക്കാ​ർ സ്കൂ​ളു​ക​ളി​ൽ പ​ല​യി​ട​ത്തും ചി​ല വി​ഷ​യ​ങ്ങ​ൾ പ​ഠി​പ്പി​ക്കാ​നാ​ളി​ല്ല.

ശാ​സ്ത്ര​വി​ഷ​യ​ങ്ങ​ളി​ലാ​ണ് ഒ​ഴി​വു​ക​ളേ​റെ​. ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി വി​ഭാ​ഗ​ങ്ങ​ളി​ലെ അ​ധ്യാ​പ​ക ത​സ്തി​ക​ക​ളാ​ണ് ഒ​ഴി​ഞ്ഞു​കി​ട​ക്കു​ന്ന​ത്. വി​ദ്യാ​ല​യ​ങ്ങ​ൾ പൂ​ർ​ണ​മാ​യും തു​റ​ന്നു​പ്ര​വ​ർ​ത്തി​ക്കാ​ത്ത​തി​നാ​ൽ ദി​വ​സ​വേ​ത​നാ​ടി​സ്ഥാ​ന​ത്തി​ൽ​പോ​ലും അ​ധ്യാ​പ​ക​നി​യ​മ​ന​ങ്ങ​ൾ ന​ട​ത്താ​നാ​കി​ല്ലെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. വി​ര​മി​ച്ച​വ​രെ​യും പ്രൈ​മ​റി വി​ഭാ​ഗ​ത്തി​ൽ​നി​ന്നു​ള്ള യോ​ഗ്യ​രാ​യ അ​ധ്യാ​പ​ക​രെ​യും ഇ​തി​നാ​യി വി​നി​യോ​ഗി​ക്ക​ണ​മെ​ന്നാ​ണ് വി​ദ്യാ​ഭ്യാ​സ​വ​കു​പ്പ് നി​ർ​ദേ​ശം.

എ​ന്നാ​ൽ, മി​ക്ക​യി​ട​ത്തും കോ​വി​ഡ് പ​ശ്ചാ​ത്ത​ല​ത്തി​ൽ വി​ര​മി​ച്ച അ​ധ്യാ​പ​ക​രെ​യും ഒ​ഴി​വു​ള്ള ത​സ്തി​ക​ക​ൾ​ക്ക് അ​നു​യോ​ജ്യ​രാ​യ പ്രൈ​മ​റി അ​ധ്യാ​പ​ക​രെ​യും കി​ട്ടാ​നി​ല്ല. പൊ​തു​പ​രീ​ക്ഷ​ക​ൾ മാ​ർ​ച്ചി​ൽ തു​ട​ങ്ങാ​നി​രി​ക്കെ വേ​ണ്ട​ത്ര പ​ഠ​ന​പി​ന്തു​ണ ല​ഭ്യ​മ​ല്ലാ​ത്ത അ​വ​സ്ഥ​യി​ൽ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും ആ​ശ​ങ്ക​യി​ലാ​ണ്. വി​ദ്യാ​ല​യ​ങ്ങ​ളി​ലെ അ​ധ്യാ​പ​ക​ക്ഷാ​മം പ​രി​ഹ​രി​ക്കു​ന്ന​തി​ന് പി.​എ​സ്.​സി നി​യ​മ​നം ത്വ​രി​ത​പ്പെ​ടു​ത്ത​ണ​മെ​ന്നും അ​ധ്യാ​പ​ക​രു​ടെ സ്ഥ​ലം​മാ​റ്റ​ത്തി​നും സ്ഥാ​ന​ക്ക​യ​റ്റ​ത്തി​നു​മാ​യി നി​യ​മാ​നു​സൃ​തം ത​യാ​റാ​ക്കി​യ നി​ല​വി​ലു​ള്ള പ​ട്ടി​ക പ്രാ​ബ​ല്യ​ത്തി​ലാ​ക്കു​ക​യോ ദി​വ​സ​വേ​ത​നാ​ടി​സ്ഥാ​ന​ത്തി​ൽ നി​യ​മ​നം ന​ട​ത്താ​നു​ള്ള ന​ട​പ​ടി​യോ സ്വീ​ക​രി​ക്ക​ണ​മെ​ന്നു​മു​ള്ള ആ​വ​ശ്യം ശ​ക്ത​മാ​ണ്.