കെ​ട്ടി​ട​ങ്ങ​ളു​ടെ അ​റ്റ​കു​റ്റ​പ്പ​ണി; കൊ​ടു​വാ​യൂ​ർ സാ​മൂ​ഹി​ക ആ​രോ​ഗ്യ കേ​ന്ദ്ര​ത്തി​ൽ നി​ന്നു​തി​രി​യാ​നി​ട​മി​ല്ല

കൊ​ടു​വാ​യൂ​ർ: കെ​ട്ടി​ട​ങ്ങ​ളു​ടെ അ​റ്റ​കു​റ്റ​പ്പ​ണി ന​ട​ക്കു​ന്ന​തി​നാ​ൽ കൊ​ടു​വാ​യൂ​ർ സാ​മൂ​ഹി​ക ആ​രോ​ഗ്യ കേ​ന്ദ്ര​ത്തി​ലെ​ത്തു​ന്ന രോ​ഗി​ക​ൾ ദു​രി​ത​ത്തി​ൽ.

പ്ര​ധാ​ന ഒ.​പി ബ്ലോ​ക്ക് കെ​ട്ടി​ട​ത്തി​ൽ അ​റ്റ​കു​റ്റ​പ്പ​ണി ന​ട​ക്കു​ന്ന​തി​നാ​ൽ ക​ഴി​ഞ്ഞ ര​ണ്ടാ​ഴ്ച​യാ​യി ടി​ക്ക​റ്റ് ന​ൽ​കു​ന്ന​തും പ​രി​ശോ​ധി​ക്കു​ന്ന​തു​മാ​യ കെ​ട്ടി​ട​ത്തി​ൽ നി​ന്നു തി​രി​യാ​നി​ട​മി​ല്ലാ​ത്ത അ​വ​സ്ഥ​യാ​ണ്.

കു​ട്ടി​ക​ളെ പ​രി​ച​രി​ക്കു​ന്ന ബ്ലോ​ക്കി​ലും തെ​ട്ട​ടു​ത്ത കെ​ട്ടി​ട​ങ്ങ​ളി​ലു​മാ​ണ് ഒ.​പി ടി​ക്ക​റ്റ് വി​ത​ര​ണ​വും ക​ൺ​സ​ൾ​ട്ടേ​ഷ​നും മ​രു​ന്ന്‍ വി​ത​ര​ണ​വും ന​ട​ക്കു​ന്ന​ത്. നാ​ല് ഡോ​ക്ട​ർ​മാ​ർ ഒ​രേ​സ​മ​യം ചി​കി​ത്സ ന​ട​ത്തി വ​ന്ന ആ​ശു​പ​ത്രി​യി​ൽ ക​ഴി​ഞ്ഞ​ദി​വ​സം രാ​വി​ലെ ര​ണ്ട് ഡോ​ക്ട​ർ​മാ​ർ മാ​ത്ര​മാ​ണു​ണ്ടാ​യി​രു​ന്ന​ത്. അ​റ്റ​കു​റ്റ​പ​ണി വേ​ഗ​ത്തി​ലാ​ക്കി പ​ഴ​യ കെ​ട്ടി​ട​ത്തി​ൽ ചി​കി​ത്സ എ​ത്ര​യും വേ​ഗം പു​ന​രാ​രം​ഭി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. വേ​ഗ​ത്തി​ൽ അ​റ്റ​കു​റ്റ​പ​ണി പൂ​ർ​ത്തി​യാ കു​മെ​ന്ന് അ​ധി​കൃ​ത​ർ പ​റ​ഞ്ഞു.