Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightPalakkadchevron_rightബംഗാൾ ഉൾക്കടലിൽ ദുർബല...

ബംഗാൾ ഉൾക്കടലിൽ ദുർബല ന്യൂനമർദങ്ങളുടെ ഘോഷയാത്ര

text_fields
bookmark_border
ബംഗാൾ ഉൾക്കടലിൽ ദുർബല ന്യൂനമർദങ്ങളുടെ ഘോഷയാത്ര
cancel

പാലക്കാട്​: ബംഗാൾ ഉൾക്കടലിൽ ഈ മാസം നടക്കുന്നത്​ ദുർബല ന്യൂനമർദങ്ങളുടെ ഘോഷയാത്ര. ന്യൂനമർദം ദുർബലമാകുന്നത്​ കേരളമടക്കമുള്ള സംസ്ഥാനങ്ങളിലെ കാർഷികവൃത്തിയെയും ജലലഭ്യതയെയും കാര്യമായി ബാധിക്കുമെന്ന്​ കാലാവസ്ഥ നിരീക്ഷകൻ രാജീവൻ എരിക്കുളം പറഞ്ഞു. ആഗസ്​റ്റ്​ 23ഓടെ പുതിയ ന്യൂനമർദം രൂപപ്പെടാനുള്ള സാധ്യത കേന്ദ്രകാലാവസ്ഥാവകുപ്പ്​ പ്രവചിച്ചിട്ടുണ്ട്​. ഇതോടെ ഈ മാസം ഉണ്ടാകുന്ന നാലാമത്തെ ന്യൂനമർദമാകുമിത്. കാലവർഷം തുടങ്ങിയ ശേഷം ഈ സീസണിൽ ആകെ ആറ്​ ന്യൂനമർദങ്ങളാണുണ്ടായത്. ഇതിൽ അഞ്ചും ബംഗാൾ ഉൾക്കടലിലാണ്​. ഒരെണ്ണം ഗുജറാത്തിന്​ മുകളിലായും രൂപം കൊണ്ടു. ജൂൺ ഒമ്പതിന്​ ബംഗാൾ ഉൾക്കടലിലായിരുന്നു ആദ്യ ന്യൂനമർദം. ജൂലൈ ആദ്യ ആഴ്ച ഗുജറാത്തിന്​ മുകളിലും അതേ ആഴ്ച തന്നെ ബംഗാൾ ഉൾക്കടലിൽ മൂന്നാമത്തെയും ന്യൂനമർദം രൂപപ്പെട്ടു.

2019ൽ ജൂൺ-സെപ്റ്റംബർ കാലഘട്ടത്തിൽ ആകെ 14 ന്യൂനമർദങ്ങൾ രൂപപെട്ടപ്പോൾ രണ്ടെണ്ണം അതിതീവ്ര ചുഴലിക്കാറ്റായും രണ്ടെണ്ണം തീവ്ര ന്യൂനമർദങ്ങളായും മാറി. ആഗസ്​റ്റിൽ മാത്രം അഞ്ച്​ ന്യൂനമർദങ്ങളുണ്ടായി. ഒരെണ്ണം അതിതീവ്ര ന്യൂനമർദമായും ഒരെണ്ണം തീവ്ര ന്യൂനമർദമായും മാറി. ആഗസ്​റ്റ്​ ആറിന്​ ബംഗാൾ ഉൾക്കടലിൽ രൂപപ്പെട്ട ന്യൂനമർദം ശക്തി പ്രാപിച്ചത്​ കേരളം ഉൾപ്പെടെയുള്ള സംസ്ഥാനങ്ങളിൽ പ്രളയത്തിനും കാരണമായി. 2018ൽ ആകെ 10 ന്യൂനമർദങ്ങൾ കാലവർഷ ഭാഗമായി രൂപപ്പെട്ടപ്പോൾ ഒരെണ്ണം ചുഴലിക്കാറ്റായി മാറി. ഒരെണ്ണം അതിതീവ്ര ന്യൂനമർദമായും നാലെണ്ണം തീവ്ര ന്യൂനമർദമായും ശക്തി പ്രാപിച്ചു. ആഗസ്​റ്റിൽ നാല്​ ന്യൂനമർദങ്ങൾ രൂപപ്പെട്ടപ്പോൾ രണ്ടെണ്ണം ശക്തി പ്രാപിച്ച്​ തീവ്ര ന്യൂനമർദമായി.

ആഗസ്​റ്റ്​ 13ന്​ ബംഗാൾ ഉൾക്കടലിൽ ഒഡിഷ തീരത്തിന് സമീപം രൂപപ്പെട്ട ന്യൂനമർദം തീവ്രമായി കേരളത്തിലും കർണാടകയിലും കനത്ത മഴ പെയ്യിച്ചു. 2017ൽ 14 ന്യൂനമർദമുണ്ടായപ്പോൾ ഒരെണ്ണം അതിതീവ്ര ന്യൂനമർദമായും രണ്ടെണ്ണം തീവ്ര ന്യൂനമർദമായും മാറി. എന്നാൽ, ആഗസ്​റ്റിൽ ആകെ രണ്ട് ന്യൂനമർദങ്ങൾ മാത്രമാണുണ്ടായത്. പകരം ജൂണിൽ അഞ്ചും ജൂലൈയിൽ ആറുമുണ്ടായി.

Show Full Article
TAGS:low-pressure area bengal sea 
Next Story