2023 വി​ട​പ​റ​യു​മ്പോ​ൾ പാലക്കാട് ജില്ല മറക്കാത്ത സംഭവങ്ങൾ...

2023 പ​ടി​യി​റ​ങ്ങു​ക​യാ​ണ്. വാ​ർ​ത്ത​ക​ളാ​ൽ സ​മ്പ​ന്ന​മാ​യ ഒ​രു വ​ർ​ഷം കൂ​ടി ഓ​ർ​മ​ക​ളി​ലേ​ക്ക് ചു​വ​ടു​മാ​റ്റു​ന്നു.. രാ​ഷ്ട്രീ​യ സം​ഭ​വ​വി​കാ​സ​ങ്ങ​ളാ​ലും വി​ക​സ​ന​ക്കു​തി​പ്പു​ക​ളാ​ലും കാ​യി​ക, സാം​സ്കാ​രി​ക, സാ​ഹി​ത്യ, വ്യ​വ​സാ​യ ശ്രേ​ണി​ക​ളി​ലെ നേ​ട്ട​ങ്ങ​ളാ​ലും കൈ​യെ​ത്തും​ദൂ​ര​ത്ത് പി​ടി​വി​ട്ടു​പോ​യ സ​ന്തോ​ഷ​ങ്ങ​ളാ​ലു​മെ​ല്ലാം സ​മൃ​ദ്ധ​മാ​യ വ​ർ​ഷം... നോ​വു​ക​ൾ ത​ന്ന ക​റു​ത്ത ദി​ന​ങ്ങ​ളും ഇ​ട​യി​ൽ ഓ​ർ​ക്കാ​തെ വ​യ്യ... ക​ള​ഞ്ഞു​പോ​യ​വ​​ക്കാ​യി വീ​ണ്ടും ശ്ര​മി​ക്കാ​നും തെ​റ്റി​യ പാ​ഠ​ങ്ങ​ൾ തി​രു​ത്താ​നും വി​ജ​യ​ങ്ങ​ൾ ആ​വ​ർ​ത്തി​ക്കാ​നും, പോ​യ വ​ർ​ഷം ത​ന്ന ​നേ​ട്ട​ങ്ങ​ളി​ലേ​ക്കും പ്ര​തീ​ക്ഷ​ക​ളി​ലേ​ക്കും നോ​വു​ക​ളി​ലേ​ക്കും ഒ​രു തി​രി​ഞ്ഞു​നോ​ട്ടം...

ആ​ഭ്യ​ന്ത​ര പ്ര​ശ്ന​ങ്ങ​ളി​ൽ ഉ​ല​ഞ്ഞ് രാ​ഷ്ട്രീ​യം

പാ​ല​ക്കാ​ട് ന​ഗ​ര​സ​ഭ ചെ​യ​ർ​പേ​ഴ്സ​ന്‍റെ രാ​ജി​യാ​ണ് ജി​ല്ല​യി​ൽ ഈ ​വ​ർ​ഷം ന​ട​ന്ന അ​വ​സാ​ന സം​ഭ​വ​വി​കാ​സം. ബി.​ജെ.​പി നേ​തൃ​ത്വം ന​ൽ​കു​ന്ന ന​ഗ​ര​സ​ഭ​യി​ൽ സ്വ​ന്തം അ​ണി​ക​ളി​ൽ​നി​ന്നു​ള്ള എ​തി​ർ​പ്പും ഭി​ന്ന​സ്വ​ര​വു​മാ​ണ് ചെ​യ​ർ​പേ​ഴ്സ​ൻ സ്ഥാ​ന​ത്തു​നി​ന്നു​ള്ള പ്രി​യ അ​ജ​യ​ന്‍റെ രാ​ജി​ക്കി​ട​യാ​ക്കി​യ​ത്. പ​ക​രം ചെ​യ​ർ​പേ​ഴ്സ​നെ ഇ​നി​യും ക​ണ്ടെ​ത്താ​ൻ നേ​തൃ​ത്വ​ത്തി​ന് ഇ​തു​വ​രെ ക​ഴി​ഞ്ഞി​ട്ടി​ല്ല.

ന​വ​കേ​ര​ള​യാ​ത്ര​യി​ലെ പാ​ല​ക്കാ​ട്ടെ പ്ര​ഭാ​ത​യോ​ഗ​ത്തി​ൽ ഡി.​സി.​സി മു​ൻ പ്ര​സി​ഡ​ന്റും കോ​ൺ​ഗ്ര​സ് നേ​താ​വു​മാ​യ എ.​വി. ഗോ​പി​നാ​ഥ് പ​ങ്കെ​ടു​ത്ത​ത് ച​ർ​ച്ച​ക​ൾ​ക്ക് ഇ​ട​യാ​ക്കി. എ.​വി. ഗോ​പി​നാ​ഥി​നെ കെ.​പി.​സി.​സി സ​സ്പെ​ൻ​ഡ് ചെ​യ്തെ​ങ്കി​ലും 2021ല്‍ ​പാ​ര്‍ട്ടി​യി​ല്‍നി​ന്ന് രാ​ജി​വ​ച്ച ത​ന്നെ കോ​ണ്‍ഗ്ര​സ് എ​ങ്ങ​നെ പു​റ​ത്താ​ക്കു​മെ​ന്ന ചോ​ദ്യ​ത്തോ​ടെ അ​ദ്ദേ​ഹം നേ​തൃ​ത്വ​ത്തെ വെ​ട്ടി​ലാ​ക്കി.

പ​ട്ടാ​മ്പി എം.​എ​ൽ.​എ മു​ഹ​മ്മ​ദ് മു​ഹ്സി​ൻ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രെ സി.​പി.​ഐ ന​ട​പ​ടി എ​ടു​ത്ത​തി​നും ജി​ല്ല സാ​ക്ഷ്യം വ​ഹി​ച്ചു. സി.​പി.​എം സ​മ്മേ​ള​ന​ത്തി​ലെ വി​ഭാ​ഗീ​യ​ത​യു​ടെ ഭാ​ഗ​മാ​യി ജി​ല്ല നേ​തൃ​ത്വം വി​വി​ധ ഘ​ട​ക​ങ്ങ​ളി​ലെ നേ​താ​ക്ക​ൾ​ക്കെ​തി​രെ ന​ട​പ​ടി​യെ​ടു​ത്ത​തും 2023ലാ​ണ്. യൂ​ത്ത് കോ​ൺ​ഗ്ര​സി​ന്‍റെ പ​ട​ല​പി​ണ​ക്ക​വും വാ​ർ​ത്ത​യി​ലി​ടം നേ​ടി.

നെ​ല്ല​റ​യി​ൽ ദു​രി​ത​പ്പെ​യ്ത്ത്

കേ​ര​ള​ത്തി​ന്‍റെ നെ​ല്ല​റ​യെ​ന്ന് വി​ശേ​ഷി​പ്പി​ക്കു​ന്ന പാ​ല​ക്കാ​ട്ട് നെ​ൽ​ക​ർ​ഷ​ക​ർ തീ​രാ​ദു​രി​ത​ത്തി​ലാ​ണ്. സ​പ്ലൈ​കോ സം​ഭ​രി​ച്ച നെ​ല്ലി​ന്‍റെ പ​ണം ല​ഭി​ക്കു​ന്ന​തി​ന് മാ​സ​ങ്ങ​ളു​ടെ നീ​ണ്ട കാ​ത്തി​രു​പ്പ് തു​ട​രു​ന്നു. താ​ളം തെ​റ്റി​യ കാ​ല​വ​ർ​ഷ​ത്തി​ൽ വി​ള​യി​റ​ക്കാ​ൻ ക​ഴി​യാ​ത്ത​തും പ​ണം ല​ഭി​ക്കാ​നു​ള്ള കാ​ല​താ​മ​സ​വും വ​യ​ലു​ക​ൾ ത​രി​ശി​ടു​ന്ന​തി​ൽ വ​രെ​യെ​ത്തി. കാ​ർ​ഷി​ക വി​ള​ക​ളി​ൽ ര​ണ്ടാം സ്ഥാ​ന​ത്തു​ള്ള നാ​ളി​കേ​ര​വും ദു​രി​ത​ത്തി​ലാ​ണ്. പ​ച്ച​തേ​ങ്ങ സം​ഭ​ര​ണ​കേ​ന്ദ്ര​ങ്ങ​ൾ തു​ട​ങ്ങു​മെ​ന്ന സ​ർ​ക്കാ​ർ പ്ര​ഖ്യാ​പ​നം പേ​രി​ലൊ​തു​ങ്ങി. ജി​ല്ല‍യു​ടെ മ​ല​യോ​ര മേ​ഖ​ല​ക​ളി​ൽ പ്ര​ധാ​ന വ​രു​മാ​ന​മാ​യ റ​ബറി​നും വി​ല​യി​ടി​വ് തു​ട​രു​ക​യാ​ണ്.

നി​രാ​ശ​യി​ൽ വ്യ​വ​സാ​യ മേ​ഖ​ല

മ​ല​ബാ​ർ സി​മ​ന്റ്സി​ൽ വീ​ണ്ടും ന​ഷ്ടം കു​മി​യു​ക​യാ​ണ്. സി​മ​ന്റ് ഓ​ർ​ഡ​ർ ഇ​ല്ലാ​ത്ത​തി​നാ​ൽ ക്ലിം​ഗ​ർ ഉ​ൽ​പാ​ദ​നം നി​ർ​ത്തി. കേ​ന്ദ്ര പൊ​തു​മേ​ഖ​ല സ്ഥാ​പ​ന​മാ​യ ബെ​മ​ലി​ന്റെ സ്വ​​കാ​ര്യ​വ​ത്ക​ര​ണ നീ​ക്ക​വും ക​മ്പ​നി​യു​ടെ ഭൂ​മി വി​റ്റ​ഴി​ക്കാ​ൻ മ​റ്റൊ​രു ക​മ്പ​നി രൂ​പ​വ​ത്ക​രി​ച്ച​തും വാ​​ർ​ത്ത​യാ​യി. ക​ഞ്ചി​ക്കോ​ട്ടെ വ്യ​വ​സാ​യ​മേ​ഖ​ല​യെ പു​ന​ർ​ജീ​വി​ക്കാ​ൻ പ​ദ്ധ​തി​ക​ൾ ന​ട​പ്പാ​ക്കി​യെ​ങ്കി​ലും ഫ​ലം ക​ണ്ടി​ല്ല. കോ​ച്ച് ഫാ​ക്ട​റി നി​ർ​മാ​ണ​ത്തി​ന് ക​ഞ്ചി​ക്കോ​ട് 239 ഏ​ക്ക​ർ ഭൂ​മി കേ​ന്ദ്ര​സ​ർ​ക്കാ​റി​ന് കൈ​മാ​റി​യെ​ങ്കി​ലും പ​ദ്ധ​തി പ്ര​ഖ്യാ​പ​ന​ത്തി​ൽ ഒ​തു​ങ്ങി. ക​ഞ്ചി​ക്കോ​ട് ഇ​ൻ​സ്ട്രു​മെ​ന്റേ​ഷ​നോ​ട് ക​ടു​ത്ത കേ​ന്ദ്ര അ​വ​ഗ​ണ​ന തു​ട​രു​ക​യാ​ണ്. സി.​എം.​ഡി ഇ​ല്ലാ​ത്ത​താ​ണ് നി​ല​വി​ലെ ഏ​റ്റ​വും വ​ലി​യ പ്ര​തി​സ​ന്ധി. ചു​മ​ത​ല​യു​ള്ള​യാ​ൾ ഒ​ഴി​ഞ്ഞി​ട്ട് ര​ണ്ടു​മാ​സ​മാ​യി. 2015നു​ശേ​ഷം ഇ​വി​ടെ സ്ഥി​ര​നി​യ​മ​നം ന​ട​ന്നി​ട്ടി​ല്ല.

മ​ധു കേ​സി​ൽ വി​ധി

കേ​സി​ല്‍ പ്ര​തി​ചേ​ര്‍ക്ക​പ്പെ​ട്ട 16ല്‍ 14 ​പേ​ര്‍ക്കും ശി​ക്ഷ ല​ഭി​ച്ചു. ഒ​ന്നാം പ്ര​തി ഹു​സൈ​ന് വി​വി​ധ വ​കു​പ്പു​ക​ളി​ലാ​യി പ​തി​നൊ​ന്ന​ര വ​ർ​ഷം ക​ഠി​ന ത​ട​വും 1.05 ല​ക്ഷം രൂ​പ പി​ഴ​യു​മാ​ണ് ശി​ക്ഷ. പ്ര​തി​ക​ൾ​ക്ക് വി​വി​ധ വ​കു​പ്പു​ക​ളി​ലാ​യി 28 വ​ർ​ഷ​വും 1,18,000 രൂ​പ വീ​തം പി​ഴ​യും ശി​ക്ഷി​ച്ചി​ട്ടു​ണ്ട്. വി​ധി​ക്കെ​തി​രെ പ്ര​തി​ക​ള്‍ ഹൈ​കോ​ട​തി​യെ സ​മീ​പി​ച്ചു.

പാ​ല​ക്കാ​ട്-​കോ​ഴി​ക്കോ​ട് ഗ്രീ​ൻ​ഫീ​ൽ​ഡ് പാ​ത

വി​ക​സ​ന ച​രി​ത്ര​ത്തി​ലെ പു​തു​ച​രി​ത്രം ര​ചി​ച്ച് ജി​ല്ല​യി​ലൂ​ടെ ക​ട​ന്ന് പോ​കു​ന്ന ഗ്രീ​ൻ​ഫീ​ൽ​ഡ് പാ​ത വ്യ​വ​സാ​യി മു​ന്നേ​റ്റ​ത്തി​ന് നാ​ന്ദി കു​റി​ക്കും. ഈ ​പാ​ത​ക്കു​ള്ള സ്ഥ​ല​മെ​ടു​പ്പ് പ്ര​ക്രി​യ അ​വ​സാ​ന ഘ​ട്ട​ത്തി​ലാ​ണ്. പാ​ല​ക്കാ​ട്, മ​ണ്ണാ​ർ​ക്കാ​ട് താ​ലൂ​ക്കു​ക​ളി​ലെ 21 വി​ല്ലേ​ജു​ക​ൾ സ്പ​ർ​ശി​ച്ച് പോ​വു​ന്ന പാ​ത യാ​ഥാ​ർ​ഥ്യ​മാ​കു​ന്ന​തോ​ടെ കോ​യ​മ്പ​ത്തൂ​ർ-​കൊ​ച്ചി വ്യ​വ​സാ​യ ഇ​ട​നാ​ഴി​യു​മാ​യി ബ​ന്ധി​പ്പി​ക്കു​ന്ന പു​തു​വാ​ണി​ജ്യ വ​ഴി​യാ​വും തു​റ​ക്കു​ക.

പ്ര​ത്യാ​ശ​യി​ൽ പ​ട്ടാ​മ്പി

ഏ​റെ നാ​ള​ത്തെ ആ​വ​ശ്യ​മാ​യി​രു​ന്ന പ​ട്ടാ​മ്പി-​കു​ള​പ്പു​ള്ളി റോ​ഡ് ന​വീ​ക​ര​ണ​ത്തി​ന് തു​ട​ക്കം കു​റി​ക്കാ​നാ​യി. 63.08 കോ​ടി രൂ​പ​യാ​ണ് പ​ദ്ധ​തി​യു​ടെ അ​ട​ങ്ക​ല്‍. വാ​ടാ​നാം​കു​റു​ശ്ശി മേ​ല്‍പ്പാ​ല​ത്തി​ന്റെ നി​ര്‍മാ​ണ ന​ട​പ​ടി​ക​ള്‍ സ​ജീ​വ​മാ​യി. ഭൂ​രി​ഭാ​ഗം തൂ​ണു​ക​ളു​ടെ​യും നി​ര്‍മാ​ണ പ്ര​വ​ര്‍ത്തി​ക​ള്‍ ന​ട​ന്നു ക​ഴി​ഞ്ഞു. പ​ട്ടാ​മ്പി ടൗ​ണ്‍ പാ​ര്‍ക്ക് നി​ര്‍മാ​ണം ഭാ​ര​ത​പ്പു​ഴ​യോ​ര​ത്ത് ആ​രം​ഭി​ച്ചു. പ​ട്ടാ​മ്പി ഗു​രു​വാ​യൂ​ര​പ്പ​ന്‍ ക്ഷേ​ത്രം മു​ത​ല്‍ കി​ഴാ​യൂ​ര്‍ ന​മ്പ്രം റോ​ഡ് വ​രെ​യു​ള്ള പു​ഴ​യോ​ര​ത്തെ കൈ​യേ​റ്റ​ങ്ങ​ള്‍ ഒ​ഴി​പ്പി​ച്ചാ​ണ് പ​ദ്ധ​തി ന​ട​പ്പാ​ക്കു​ന്ന​ത്. കു​ട്ടി​ക​ളു​ടെ പാ​ര്‍ക്ക്, പ്ര​ഭാ​ത​ന​ട​ത്ത​ത്തി​നു​ള്ള സൗ​ക​ര്യം, ഓ​പ്പ​ണ്‍ ജിം ​അ​ട​ക്കം പാ​ര്‍ക്കി​ല്‍ ഏ​ര്‍പ്പെ​ടു​ത്തും.

ര​ണ്ട് പ്ര​ധാ​ന പാ​ത​ക​ളെ ബ​ന്ധി​പ്പി​ക്കു​ന്ന പ​ട്ടാ​മ്പി ബൈ​പാ​സ് ഒ​ന്നാം ഘ​ട്ട പ്ര​വൃ​ത്തി അ​വ​സാ​ന​ഘ​ട്ട​ത്തി​ലാ​ണ്. റോ​ഡി​ലെ ക​ട്ട വി​രി​ക്ക​ല്‍ അ​ന്തി​മ ഘ​ട്ട​ത്തി​ലാ​ണ്. റീ​ബി​ല്‍ഡ് കേ​ര​ള പ​ദ്ധ​തി​യി​ല്‍ ഉ​ള്‍പ്പെ​ടു​ത്തി സം​സ്ഥാ​ന സ​ര്‍ക്കാ​ര്‍ അ​നു​വ​ദി​ച്ച ര​ണ്ട് കോ​ടി ഉ​പ​യോ​ഗി​ച്ചാ​ണ് ആ​ദ്യ​ഘ​ട്ട നി​ര്‍മ്മാ​ണം പൂ​ര്‍ത്തി​യാ​ക്കു​ന്ന​ത്.

അ​ക​ലു​ന്ന റെ​യി​ൽ​വേ

പാ​ല​ക്കാ​ട് ഡി​വി​ഷ​ൻ യാ​ത്ര-​ച​ര​ക്ക് ഗ​താ​ഗ​ത​ത്തി​ൽ ജി​ല്ല​യി​ൽ വ​രു​മാ​നം വ​ർ​ധി​പ്പി​ച്ചെ​ങ്കി​ലും സാ​ധാ​ര​ണ യാ​ത്ര​ക്കാ​ർ​ക്കു​ള്ള സൗ​ക​ര്യ​ങ്ങ​ൾ ഓ​രോ​ന്നാ​യി എ​ടു​ത്തു​മാ​റ്റി. പാ​ല​ക്കാ​ട്-​തൃ​ശൂ​ർ റൂ​ട്ടി​ൽ സ​ർ​വി​സ് ന​ട​ത്തു​ന്ന പ​ല ട്രെ​യി​നു​ക​ളും ഷൊ​ർ​ണൂ​ർ ഒ​ഴി​വാ​ക്കു​ന്ന കാ​ഴ്ച​യാ​ണു​ള്ള​ത്. സ​മ​യ​ലാ​ഭ​മാ​ണ് കാ​ര​ണം പ​റ​യു​ന്ന​ത്. വാ​ള​യാ​ർ, ക​ഞ്ചി​ക്കോ​ട്, പ​റ​ളി, മ​ങ്ക​ര, ലെ​ക്കി​ടി, മാ​ന്ന​നൂ​ർ, പ​ട്ടാ​മ്പി എ​ന്നി​വ​യാ​ണ് പ്ര​ധാ​ന പാ​ത​യി​ൽ അ​വ​ഗ​ണ​ന നേ​രി​ടു​ന്ന സ്റ്റേ​ഷ​നു​ക​ൾ. കോ​വി​ഡി​ന് മു​മ്പ് വ​രെ ഇ​വ​യി​ൽ പ​ല സ്റ്റേ​ഷ​നു​ക​ളി​ലും സ്റ്റോ​പ് ഉ​ണ്ടാ​യി​രു​ന്നു.

പെ​രു​കു​ന്ന അ​സ്വ​ാഭാ​വി​ക മ​ര​ണ​ങ്ങ​ൾ

സെ​പ്റ്റം​ബ​ര്‍ 27ന് ​ക​രി​ങ്ക​ര​പ്പു​ള്ളി​യി​ല്‍ ര​ണ്ട് യു​വാ​ക്ക​ളു​ടെ മൃ​ത​ദേ​ഹം കു​ഴി​ച്ചു​മൂ​ടി​യ നി​ല​യി​ല്‍ ക​ണ്ടെ​ത്തി. കൊ​ട്ടേ​ക്കാ​ട് സ്വ​ദേ​ശി ഷി​ജി​ത്, പു​തു​ശേ​രി സ്വ​ദേ​ശി സ​തീ​ഷ് എ​ന്നി​വ​രു​ടെ മൃ​ത​ദേ​ഹ​മാ​ണ് ക​ണ്ടെ​ത്തി​യ​ത്. വൈ​ദ്യു​ത വേ​ലി​യി​ല്‍ നി​ന്ന് ഷോ​ക്കേ​റ്റ യു​വാ​ക്ക​ളു​ടെ മൃ​ത​ദേ​ഹം ആ​ന​ന്ദ്കു​മാ​ര്‍ കു​ഴി​ച്ചി​ടു​ക​യാ​യി​രു​ന്നു. ഇ​യാ​ളെ അ​റ​സ്റ്റ് ചെ​യ്തു. ആഗ​സ്റ്റ് 23ന് ​തി​രു​വാ​ഴി​യോ​ട് സ്വ​കാ​ര്യ ബ​സ് മ​റി​ഞ്ഞ് ര​ണ്ട് പേ​ര്‍ മ​രി​ച്ചു. ആഗ​സ്റ്റ് 30ന് ​മ​ണ്ണാ​ർ​ക്കാ​ട്ട് കോ​ട്ടോ​പ്പാ​ടം പെ​രു​ങ്കു​ള​ത്തി​ൽ കു​ളി​ക്കാ​നി​റ​ങ്ങി​യ മൂ​ന്ന് സ​ഹോ​ദ​രി​മാ​ർ മു​ങ്ങി മ​രി​ച്ചു. ന​വം​ബ​ര്‍ മൂ​ന്നി​ന് തൃ​ത്താ​ല ക​ണ്ണ​നൂ​ര്‍ ക​രി​മ്പ​ന​ക്ക​ട​വി​ല്‍ ര​ണ്ട് യു​വാ​ക്ക​ള്‍ വെ​ട്ടേ​റ്റു മ​രി​ച്ചു.

ചി​റ്റൂ​രി​ന്റെ നെ​ഞ്ചു​ല​ച്ച് ശ്രീ​ന​ഗ​റി​ലെ വാ​ഹ​നാപ​ക​ടം

ശ്രീ​ന​ഗ​റി​ലെ വാ​ഹ​നാ​പ​ക​ട​ത്തെ​ത്തു​ട​ർ​ന്ന് ചി​റ്റൂ​ർ സ്വ​ദേ​ശി​ക​ളാ​യ അ​ഞ്ച് യു​വാ​ക്ക​ളു​ടെ മ​ര​ണം നാ​ടി​ന് നൊ​മ്പ​ര​മാ​യി. മാ​ഞ്ചി​റ നെ​ടു​ങ്ങോ​ട് സ്വ​ദേ​ശി​ക​ളാ​യ അ​നി​ൽ (34), സു​ധീ​ഷ് (33), രാ​ഹു​ൽ (28),വി​ഗ്നേ​ഷ് (23), മ​നോ​ജ്(22) എ​ന്നി​വ​രാ​ണ് മ​രി​ച്ച​ത്.

അ​റു​തി​യി​ല്ലാ​ത്ത കാ​ടി​റ​ക്കം

ജി​ല്ല​യു​ടെ മ​ല​യോ​ര​മേ​ഖ​ല​ക​ൾ പോ​യ​വ​ർ​ഷ​വും ആ​ന ഉ​ൾ​പ്പെ​ടെ വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ന് ഇ​ര​യാ​യ​വ​ർ ഏ​റെ. അ​ട്ട​പ്പാ​ടി, മ​ണ്ണാ​ർ​ക്കാ​ട്, ക​ല്ല​ടി​ക്കോ​ട്, ധോ​ണി, മ​ല​മ്പു​ഴ, ക​ഞ്ചി​ക്കോ​ട്, കൊ​ല്ല​ങ്കോ​ട്, മു​ത​ല​മ​ട, നെ​ല്ലി​യാ​മ്പ​തി, മം​ഗ​ലം ഡാം ​ഉ​ൾ​പ്പെ​ടെ മേ​ഖ​ല​ക​ളി​ലാ​ണ് വ​ന്യ​മൃ​ഗ​ശ​ല്യം കൂ​ടു​ത​ലു​ള്ള​ത്. ആ​ന​ക​ൾ കൂ​ട്ട​ത്തോ​ടെ​യും ഒ​റ്റ​ക്കു​മെ​ത്തി കൃ​ഷി​യി​ട​ങ്ങ​ൾ ന​ശി​പ്പി​ക്കു​ന്ന​ത് ഇ​പ്പോ​ഴും അ​റു​തി​യാ​യി​ട്ടി​ല്ല.

അ​പ​ക​ട​പ്പെ​രു​മ​ഴ

ദേ​ശീ​യ​പാ​ത 544, പാ​ല​ക്കാ​ട്-​കോ​ഴി​ക്കോ​ട് ദേ​ശീ​യ​പാ​ത, മേ​ലാ​മു​റി-​കു​ള​പ്പു​ള്ളി, പാ​ല​ക്കാ​ട്-​ചെ​ർ​പ്പു​ള​ശ്ശേ​രി, ഗോ​വി​ന്ദാ​പു​രം-​വ​ട​ക്ക​ഞ്ചേ​രി എ​ന്നി​വ​യാ​ണ് ജി​ല്ല​യി​ലെ പ്ര​ധാ​ന​പ്പെ​ട്ട പാ​ത​ക​ൾ. എ.​ഐ കാ​മ​റ​ക​ൾ മി​ഴി തു​റ​ന്നെ​ങ്കി​ലും ദേ​ശീ​യ-​സം​സ്​​ഥാ​ന പാ​ത​ക​ളി​ലെ അ​പ​ക​ട​ങ്ങ​ൾ​ക്ക് കു​റ​വി​ല്ല.

കോ​ഴി​ക്കോ​ട് ഹ​ണി ട്രാ​പ്പ് കേ​സ്

2023ൽ ​അ​ട്ട​പ്പാ​ടി അ​മ്പ​ര​ന്ന സം​ഭ​വ​മാ​യി​രു​ന്നു കോ​ഴി​ക്കോ​ട് ഹ​ണി ട്രാ​പ്പ് കേ​സ്. വെ​ട്ടി​നു​റു​ക്കി ബാ​ഗി​ലാ​ക്കി​യ മൃ​ത​ദേ​ഹം അ​ട്ട​പ്പാ​ടി ചു​ര​ത്തി​ൽ നി​ന്നും ക​ണ്ടെ​ത്തി​യ​ത് നാ​ടി​നെ ന​ടു​ക്കി. തി​രൂ​രി​ൽ ഹോ​ട്ട​ൽ വ്യ​വ​സാ​യി ആ​യി​രു​ന്ന ഏ​ഴൂ​ർ മേ​ച്ചേ​രി സി​ദ്ദി​ഖി​ന്റെ (58) ആ​യി​രു​ന്നു മൃ​ത​ദേ​ഹം.

ധ​ന​ക്കു​രു​ക്കി​ൽ പൊ​ലി​ഞ്ഞ പ്രാ​ണ​നു​ക​ൾ

സ​ർ​ക്കാ​രി​ന്റെ​യും റി​സ​ർ​വ് ബാ​ങ്കി​ന്റെ​യും മാ​ർ​ഗ നി​ർ​ദേ​ശ​ങ്ങ​ൾ കാ​റ്റി​ൽ​പ്പ​റ​ത്തി പ്ര​വ​ർ​ത്തി​ക്കു​ന്ന മൈ​ക്രോ​ഫി​നാ​ൻ​സ് സ്ഥാ​പ​ന​ങ്ങ​ളു​ടെ ഭീ​ഷ​ണി​യെ​ത്തു​ട​ർ​ന്ന് ചി​റ്റൂ​ർ താ​ലൂ​ക്കി​ൽ ഓ​ഗ​സ്റ്റ്, സെ​പ്റ്റം​ബ​ർ മാ​സ​ങ്ങ​ളി​ൽ മാ​ത്രം നാ​ലു പേ​ർ ആ​ത്മ​ഹ​ത്യ ചെ​യ്തു. ഇ​ത്ത​രം അ​ന​ധി​കൃ​ത ക​മ്പ​നി​ക​ൾ​ക്കെ​തി​രെ ജ​ന​കീ​യ സ​മ​ര​ങ്ങ​ൾ രൂ​പ​പ്പെ​ട്ടെ​ങ്കി​ലും ഇ​വ ഇ​പ്പോ​ഴും നി​ർ​ബാ​ധം പ്ര​വ​ർ​ത്തി​ക്കു​ന്നു.

പു​തി​യ ഭ​ര​ണ നേ​തൃ​ത്വം

ജ​നു​വ​രി 30ന് ​ക​ല​ക്ട​ര്‍ ഡോ.​എ​സ്. ചി​ത്ര​യും ജൂ​ൺ 12ന് ​ജി​ല്ല പൊ​ലീ​സ് മേ​ധാ​വി​യാ​യി ആ​ര്‍. ആ​ന​ന്ദും ചു​മ​ത​ല​യേ​റ്റു.

ധോ​ണി​യാ​യി മാ​റി​യ പി.​ടി ഏ​ഴ്

പി.​ടി ഏ​ഴ് ആ​ന​യെ പി​ടി​കൂ​ടാ​ന്‍ ജ​നു​വ​രി നാ​ലി​ന് ആ​ദ്യ​സം​ഘം ജി​ല്ല​യി​ല്‍ എ​ത്തി. കൂ​ട് നി​ർ​മാ​ണം തു​ട​ങ്ങി. വ​യ​നാ​ട്ടി​ല്‍നി​ന്ന് വ​നം ചീ​ഫ് വെ​റ്റ​റി​ന​റി ഓ​ഫി​സ​റു​ടെ നേ​തൃ​ത്വ​ത്തി​ലു​ള്ള 72 അം​ഗ സം​ഘ​മെ​ത്തി. ജ​നു​വ​രി 21ന് ​മ​യ​ക്കു​വെ​ടി വ​ച്ച് കൂ​ട്ടി​ലാ​ക്കി. ധോ​ണി എ​ന്ന പേ​രി​ട്ടു. മാ​സ​ങ്ങ​ള്‍ നീ​ണ്ട പ​രി​ശീ​ല​ന​ത്തി​നൊ​ടു​വി​ല്‍ ധോ​ണി​യെ മെ​രു​ക്കി.

വ്യാ​ജ​രേ​ഖ വാ​ർ​ത്ത​ക്കെ​തി​രെ പൊ​ലീ​സ്

അ​ന്യാ​ധീ​ന​പ്പെ​ട്ട ആ​ദി​വാ​സി ഭൂ​മി സം​ബ​ന്ധി​ച്ച കേ​സു​ക​ളി​ൽ വ്യാ​ജ​രേ​ഖ​യു​ണ്ടാ​ക്കി ഭൂ​മി ത​ട്ടി​യെ​ടു​ക്കു​ന്ന​ത് പു​റ​ത്തു​കൊ​ണ്ടു​വ​ന്ന മാ​ധ്യ​മം ഓ​ൺ​ലൈ​നി​ലെ ലേ​ഖ​ക​ൻ ആ​ർ. സു​നി​ലി​നെ​തി​രെ അ​ഗ​ളി പൊ​ലീ​സ് കേ​സെ​ടു​ത്തു. ഗാ​യി​ക​ക്കു​ള്ള ദേ​ശീ​യ അ​വാ​ർ​ഡ് ല​ഭി​ച്ച ന​ഞ്ചി​യ​മ്മ​യു​ടേ​തു​ൾ​പ്പെ​ടെ വ്യാ​പ​ക​മാ​യി വ്യാ​ജ​രേ​ഖ ഉ​ണ്ടാ​ക്കി ത​ട്ടി​യെ​ടു​ത്ത വാ​ർ​ത്ത സു​നി​ൽ പു​റ​ത്തു​കൊ​ണ്ടു​വ​ന്നി​രു​ന്നു. ജോ​സ​ഫ് കു​ര്യ​ൻ ന​ട​ത്തി​യ ആ​ദി​വാ​സി ഭൂ​മി​കൈ​യേ​റ്റം സം​ബ​ന്ധി​ച്ച് അ​ന്വേ​ഷി​ച്ച് റി​പ്പോ​ർ​ട്ട് ന​ൽ​കാ​ൻ ഡി.​ജി.​പി മ​ല​പ്പു​റം എ​സ്.​പി​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.

വാ​ള​യാ​ർ കേ​സ്: പ്ര​തി​ക​ൾ ആ​ത്മ​ഹ​ത്യ​യു​ടെ വ​ഴി​യെ

വാ​ള​യാ​ർ കേ​സി​ൽ പ്ര​തി​സ്ഥാ​ന​ത്തു​ള്ള ര​ണ്ടു​പേ​ർ ആ​ത്മ​ഹ​ത്യ ചെ​യ്തു. അ​ഡ്വ. കെ.​പി. സ​തീ​ശ​നെ സ്പെ​ഷ്യ​ൽ പ്രോ​സി​ക്യൂ​ട്ട​ർ സ്ഥാ​ന​ത്ത് നി​ന്ന് നീ​ക്ക​ണ​മെ​ന്ന് ആ​വ​ശ്യ​പ്പെ​ട്ട് പെ​ൺ​കു​ട്ടി​ക​ളു​ടെ അ​മ്മ സി.​ബി.​ഐ ഡ​യ​റ​ക്ട​ർ​ക്ക് ക​ത്ത് ന​ൽ​കി​യി​ട്ടു​മു​ണ്ട്.

യ​ശ​സ്സു​യ​ർ​ത്തി ശ്രീ ​മ​ല​യാ​ളി താ​രം മു​ര​ളി ശ്രീ​ശ​ങ്ക​റി​ന് അ​ര്‍ജു​ന ല​ഭി​ച്ച​ത് ജി​ല്ല​ക്ക് അ​ഭി​മാ​ന​മാ​യി. ​

യാ​ക്ക​ര സ്വ​ദേ​ശി​യാ​യ ഈ ​ലോ​ങ് ജ​മ്പ് താ​രം ഇ​തി​ന​കം നി​ര​വ​ധി പു​ര​സ്കാ​ര​ങ്ങ​ൾ ജി​ല്ല​യി​ലെ​ത്തി​ച്ചി​ട്ടു​ണ്ട്. ക​ഴി​ഞ്ഞ ജൂ​ണി​ലാ​യി​രു​ന്നു പാ​രി​സ് ഡ​യ​മ​ണ്ട് ലീ​ഗി​ല്‍ എം. ​ശ്രീ​ശ​ങ്ക​റി​ന് വെ​ങ്ക​ലം ല​ഭി​ച്ച​ത്. ഏ​ഷ്യ​ന്‍ ഗെ​യിം​സി​ല്‍ ലോ​ങ് ജ​മ്പി​ല്‍ വെ​ള്ളി​യും ല​ഭി​ച്ചു. ഏ​ഷ്യ​ന്‍ ഗെ​യിം​സി​ല്‍ റി​ലേ​യി​ല്‍ ചെ​ര്‍പ്പു​ള​ശ്ശേ​രി​ക്കാ​ര​ന്‍ മു​ഹ​മ്മ​ദ് അ​ജ്മ​ലി​ന്വെ ​ള്ളി​യും 800 മീ​റ്റ​റി​ല്‍ മു​ഹ​മ്മ​ദ് അ​ഫ്‍സ​ലി​ന് വെ​ങ്ക​ല​വും ല​ഭി​ച്ചു.

വി​ട പ​റ​ഞ്ഞ പ്ര​മു​ഖ​ർ

നാ​ട്യ​കു​ല​പ​തി കോ​ട്ട​ക്ക​ൽ ഗോ​പി​നാ​യ​ർ, ന​ര​വം​ശ ശാ​സ്ത്ര​ജ്ഞ​ൻ ഡോ.​ പി.​ആ​ർ.​ജി. മാ​ത്തൂ​ർ, സി.​പി.​എം ജി​ല്ല സെ​ക്ര​ട്ട​റി​യേ​റ്റ് അം​ഗം എ​ന്‍. ഉ​ണ്ണി​കൃ​ഷ്ണ​ന്‍, സി.​പി.​എം ജി​ല്ല ക​മ്മി​റ്റി അം​ഗ​വും ജി​ല്ല പ​ഞ്ചാ​യ​ത്ത് സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​നു​മാ​യ പി.​കെ. സു​ധാ​ക​ര​ന്‍ എ​ന്നി​വ​രു​ടെ വി​യോ​ഗം 2023ന്റെ ​നോ​വാ​യി.

വ്യാ​ജ​സർട്ടിഫിക്കറ്റ് കേ​സ്

2023ൽ ​അ​ട്ട​പ്പാ​ടി സാ​ക്ഷ്യം വ​ഹി​ച്ച പ്ര​മാ​ദ​മാ​യ സം​ഭ​വ​മാ​യി​രു​ന്നു കെ. ​വി​ദ്യ​യു​മാ​യി ബ​ന്ധ​പ്പെ​ട്ട​ത്. അ​ട്ട​പ്പാ​ടി ആ​ർ.​ജി.​എം ഗ​വ. കോ​ള​ജി​ൽ മ​ല​യാ​ളം ഗ​സ്റ്റ് ല​ക്ച​ർ ത​സ്തി​ക​ക്ക് അ​പേ​ക്ഷി​ക്കാ​ൻ എ​റ​ണാ​കു​ളം മ​ഹാ​രാ​ജാ​സ് കോ​ള​ജി​ന്റെ പേ​രി​ൽ വ്യാ​ജ​ സർട്ടിഫിക്കറ്റ് ച​മ​ച്ചെ​ന്ന കേ​സി​നും അ​നു​ബ​ന്ധ ന​ട​പ​ടി​ക​ൾ​ക്കും അ​ട്ട​പ്പാ​ടി സാ​ക്ഷി​യാ​യി.

ത​ല​കു​നി​പ്പി​ച്ച കൈ​ക്കൂ​ലി​ക്ക​ഥ

പാ​ല​ക്ക​യ​ത്ത് വി​ല്ലേ​ജ് ഓ​ഫി​സ​ര്‍ വി. ​സു​രേ​ഷ് കു​മാ​ര്‍ കൈ​ക്കൂ​ലി​യു​മാ​യി പി​ടി​യി​ല്‍. ഇ​യാ​ളി​ല്‍നി​ന്ന് 35 ല​ക്ഷം രൂ​പ​യും 17 കി​ലോ നാ​ണ​യ​ങ്ങ​ളും 71 ല​ക്ഷം രൂ​പ​യു​ടെ നി​ക്ഷേ​പ​വും ക​ണ്ടെ​ത്തി. ഇ​യാ​ളെ ജോ​ലി​യി​ൽ​നി​ന്ന് പി​രി​ച്ചു​വി​ട്ടു.