മു​ന്ന​ണി മൂ​ന്നി​നോ​ടും പ്രി​യം; പാ​ല​ക്കാ​ട​ൻ ത്രി​ല്ല​റി​ലെ ത്രി​കോ​ണ ചാ​യ്‍വു​ക​ൾ

തെ​ര​ഞ്ഞെ​ടു​പ്പ് ചൂ​ടി​ലാ​ണ് നാ​ടും ന​ഗ​ര​വും. 2019ലെ ലോ​ക്സ​ഭ തെ​ര​ഞ്ഞെ​ടു​പ്പ് ക​ഴി​ഞ്ഞ് ഒ​രു​പാ​ട് സാ​മൂ​ഹി​ക-​രാ​ഷ്ട്രീ​യ മാറ്റങ്ങൾ സം​ഭ​വിച്ചിരിക്കുന്നു. നി​യ​മ​സ​ഭ തെ​ര​ഞ്ഞെ​ടു​പ്പി​ലും ത​ദ്ദേ​ശ തെ​ര​ഞ്ഞെ​ടു​പ്പി​ലും രാ​ഷ്ട്രീ​യ​ചി​ത്ര​ങ്ങ​ൾ ഒ​രു​പാ​ട് മാ​റി​മ​റി​ഞ്ഞ​ത് നാം ​ക​ണ്ടു. വീ​ണ്ടും പാ​ല​ക്കാ​ട​ൻ ചൂ​ടി​ൽ, ലോ​ക്സ​ഭാ തെ​ര​ഞ്ഞെ​ടു​പ്പ് കൂ​ടി വ​രു​മ്പോ​ൾ നി​യ​മ​സ​ഭ മ​ണ്ഡ​ല ത​ല കൂ​ട്ടി​ക്കി​ഴി​ക്ക​ലും രാ​ഷ്ട്രീ​യ വി​ശ​ല​ന​വും ന​ട​ത്തു​ക​യാ​ണ് ‘മാ​ധ്യ​മം ’ ലേ​ഖ​ക​ർ...

പാ​ല​ക്കാ​ട്: മു​ഖ്യ​ധാ​രാ​പാ​ർ​ട്ടി​ക​ളോ​ട്​ എ​ക്കാ​ല​വും വി​ശ്വ​സ്​​ത​ത പു​ല​ർ​ത്തു​ന്ന വോ​ട്ടു​ബാ​ങ്കു​ക​ളും ശ​ക്ത​മാ​യ അ​ടി​യൊ​ഴു​ക്കു​ക​ളും എ​ന്നും പാ​ല​ക്കാ​ടി​ന്റെ മാ​ത്രം പ്ര​ത്യേ​ക​ത​യാ​ണ്. ഇ​ട​തി​നും യു.​ഡി.​എ​ഫി​നും ബി.​ജെ.​പി​ക്കും ഒ​രു​പോ​ലെ പ്ര​തീ​ക്ഷ​ക​ൾ ന​ൽ​കി​യി​ട്ടു​ള്ള മ​ണ്ഡ​ല​മെ​ന്ന ​വി​ശേ​ഷ​ണ​മാ​വും പാ​ല​ക്കാ​ടി​ന്​ അ​നു​യോ​ജ്യം. പാ​ല​ക്കാ​ട് ന​ഗ​ര​സ​ഭ​യും, ക​ണ്ണാ​ടി, പി​രാ​യി​രി, മാ​ത്തൂ​ർ ഗ്രാ​മ​പ​ഞ്ചാ​യ​ത്തു​ക​ളും ഉ​ൾ​ക്കൊ​ള്ളു​ന്ന​താ​ണ് പാ​ല​ക്കാ​ട് നി​യ​മ​സ​ഭ മ​ണ്ഡ​ലം.

പ്ര​ജ സോ​ഷ്യ​ലി​സ്​​റ്റ്​ പാ​ർ​ട്ടി​യി​ൽ​നി​ന്നും തു​ട​ർ​ന്ന്​ കോ​ൺ​ഗ്ര​സി​ൽ​നി​ന്നും സി.​എം. സു​ന്ദ​രം 1977 മു​ത​ല്‍ 1991 വ​രെ തു​ട​ർ​ച്ച​യാ​യി അ​ഞ്ചു ത​വ​ണ ​പാ​ല​ക്കാ​ട്​ നി​യ​മ​സ​ഭ സീ​റ്റി​ൽ വി​ജ​യി​ച്ചി​ട്ടു​ണ്ട്. ​1996ൽ ​വീ​ണ്ടും ക​ള​ത്തി​ലി​റ​ങ്ങി​യ സി.​എം. സു​ന്ദ​ര​ത്തി​ന്​ സി.​പി.​എ​മ്മി​ന്റെ ടി.​കെ. നൗ​ഷാ​ദ് ഉ​യ​ർ​ത്തി​യ പ്ര​തി​രോ​ധം മ​റി​ക​ട​ക്കാ​നാ​യി​ല്ല. 1991 ഡി​സം​ബ​ർ 15ന് ​പാ​ല​ക്കാ​ട് പു​തു​പ്പ​ള്ളി​ത്തെ​രു​വി​ൽ 11 കാ​രി​യാ​യ സി​റാ​ജു​ന്നി​സ കൊ​ല്ല​പ്പെ​ടാ​നി​ട​യാ​യ പൊ​ലീ​സ് വെ​ടി​വെ​പ്പ് അ​ട​ക്കം വി​ഷ​യ​ങ്ങ​ൾ കൊ​ണ്ടു​പി​ടി​ച്ച്​ ച​ർ​ച്ച​യാ​യ കാ​ല​ത്ത് സി.​പി.​എം ക​ള​മ​റി​ഞ്ഞ്​ ക​ളി​ച്ച​പ്പോ​ൾ​ ​കോ​ൺ​ഗ്ര​സ്​ സ്ഥാ​നാ​ർ​ഥി​യാ​യി​രു​ന്ന സി.​എം. സു​ന്ദ​രം നൗ​ഷാ​ദി​നോ​ട്​ തോ​റ്റ​ത്​ 596 വോ​ട്ടി​നാ​യി​രു​ന്നു. തു​ട​ർ​ന്ന്​ 2001ൽ ​പ്ര​മു​ഖ കോ​ൺ​ഗ്ര​സ് നേ​താ​വാ​യ കെ. ​ശ​ങ്ക​ര​നാ​രാ​യ​ണ​ൻ മ​ണ്ഡ​ലം യു.​ഡി.​എ​ഫി​നൊ​പ്പ​മെ​ത്തി​ച്ചു.

2006ൽ ​വീ​ണ്ടും സി.​പി.​എം കെ.​കെ. ദി​വാ​ക​ര​നി​ലൂ​ടെ മ​ണ്ഡ​ലം തി​രി​ച്ചു പി​ടി​ച്ച​പ്പോ​ള്‍ 2011ൽ ​കോ​ൺ​ഗ്ര​സ്സി​ലെ യു​വ​നേ​താ​വ് ഷാ​ഫി പ​റ​മ്പി​ൽ മ​ണ്ഡ​ലം വീ​ണ്ടും വ​ല​ത്തോ​ട്ട് കൊ​ണ്ടു​പോ​യി. 2016ൽ ​ര​ണ്ടാം​ത​വ​ണ ഷാ​ഫി പ​റ​മ്പി​ൽ മ​ത്സ​ര​ത്തി​നി​റ​ങ്ങി​യ​പ്പോ​ൾ മു​ൻ എം.​പി എ​ൻ.​എ​ൻ. കൃ​ഷ്ണ​ദാ​സി​നെ ഇ​റ​ക്കി​യാ​യി​രു​ന്നു സി.​പി.​എം നേ​രി​ട്ട​ത്. ബി.​ജെ.​പി​യാ​ക​​ട്ടെ ശോ​ഭ സു​രേ​ന്ദ്ര​നും സീ​റ്റ്​ ന​ൽ​കി. ജ​ന​വി​ധി അ​ത്ത​വ​ണ​യും ഷാ​ഫി​ക്കൊ​പ്പം നി​ന്ന​പ്പോ​ൾ 41.7 ശ​ത​മാ​ന​മാ​യി​രു​ന്നു യു.​ഡി.​എ​ഫി​ന്റെ വോ​ട്ടു​വി​ഹി​തം. ബി.​ജെ.​പി​യാ​ക​ട്ടെ 2011ൽ 19.86 ​ശ​ത​മാ​ന​മാ​യി​രു​ന്ന വോ​ട്ടു​വി​ഹി​തം 29.08 ആ​യി ഉ​യ​ർ​ത്തി. 32.85 ശ​ത​മാ​ന​മു​ണ്ടാ​യി​രു​ന്ന സി.​പി.​എം 28.07 ശ​ത​മാ​ന​ത്തി​ലേ​ക്ക്​ കു​റ​യു​ന്ന​തും ഈ ​തെ​ര​ഞ്ഞെ​ടു​പ്പി​ലെ പ്ര​ത്യേ​ക​ത​യാ​യി​രു​ന്നു. 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ കേ​ര​ള​ത്തി​ന്റെ ശ്ര​ദ്ധ​യൊ​ന്നാ​കെ പി​ടി​ച്ചു​പ​റ്റി​യ മ​ണ്ഡ​ല​മാ​യി​രു​ന്നു പാ​ല​ക്കാ​ട്. മെ​ട്രോ​മാ​ൻ ഇ. ​ശ്രീ​ധ​ര​ൻ ബി.​ജെ.​പി​ക്കാ​യി ക​ള​ത്തി​ലി​റ​ങ്ങി​യെ​ങ്കി​ലും ഷാ​ഫി​യു​ടെ ഹാ​ട്രി​ക് നേ​ട്ട​ത്തി​ന് ത​ട​യി​ടാ​നാ​യി​ല്ല. ഇ​ത്ത​വ​ണ യു.​ഡി.​എ​ഫ് വോ​ട്ടു​വി​ഹി​തം 38.06 ശ​ത​മാ​ന​മാ​യി കു​റ​ഞ്ഞു. തു​ട​ർ​ച്ച​യാ​യി വോ​ട്ടു​വി​ഹി​തം ഉ​യ​ർ​ത്തി​യ ബി.​ജെ.​പി ഇ​ക്കു​റി 35.34 ശ​ത​മാ​ന​ത്തി​ലെ​ത്തി​ച്ചു. സി.​പി.​എ​മ്മി​ന്റെ മ​ണ്ഡ​ല​ത്തി​ലെ വോ​ട്ടു​വി​ഹി​തം 25.64 ശ​ത​മാ​ന​മാ​യി വീ​ണ്ടും കു​റ​ഞ്ഞു.

2019 ലോ​ക്​​സ​ഭ തി​ര​ഞ്ഞെ​ടു​പ്പി​ൽ വി​ജ​യി​ച്ച യു.​ഡി.​എ​ഫ് സ്ഥാ​നാ​ർ​ഥി വി.​കെ. ശ്രീ​ക​ണ്ഠ​ന് 48425 വോ​ട്ടും (35.77 ശ​ത​മാ​നം), സി.​പി.​എം സ്ഥാ​നാ​ർ​ഥി എം.​ബി രാ​ജേ​ഷി​ന് 44086 വോ​ട്ടും (32.57 ശ​ത​മാ​നം), ബി.​ജെ.​പി സ്ഥാ​നാ​ർ​ഥി കൃ​ഷ്ണ​കു​മാ​റി​ന് 39963 വോ​ട്ടും (29.52ശ​ത​മാ​നം) ആ​ണ് പോ​ൾ ചെ​യ്യ​പ്പെ​ട്ട​ത്. അ​ഞ്ചു​വ​ർ​ഷ​ത്തെ പ്ര​വ​ർ​ത്ത​നം ത​ന്നെ​യാ​വും ഇ​ക്കു​റി മ​ണ്ഡ​ല​ത്തി​ലെ പ്ര​ധാ​ന പ്ര​ച​ര​ണ ആ​യു​ധ​മെ​ന്ന്​ സി​റ്റി​ങ് എം.​പി വി.​കെ. ശ്രീ​ക​ണ്ഠ​ൻ പ​റ​യു​ന്നു. ക​ഴി​ഞ്ഞ അ​ഞ്ചു​വ​ർ​ഷം മ​ണ്ഡ​ല​ത്തി​ൽ നേ​ടി​യ ബ​ന്ധ​ങ്ങ​ൾ വോ​ട്ടാ​കു​മെ​ന്ന പ്ര​തീ​ക്ഷ​യും ശ്രീ​ക​ണ്ഠ​ൻ പ​ങ്കു​വെ​ക്കു​ന്നു. മാ​റി​യ സാ​ഹ​ച​ര്യ​ത്തി​ൽ പാ​ല​ക്കാ​ട്​ ഇ​ട​തി​നൊ​പ്പം നി​ൽ​ക്കു​മെ​ന്ന്​ ത​ന്നെ​യാ​ണ്​ എ​ൽ.​ഡി.​എ​ഫ്​ ക്യാ​മ്പി​​ന്റെ​യും സ്ഥാ​നാ​ർ​ഥി എ. ​വി​ജ​യ​രാ​ഘ​വ​ന്റെ​യും പ്ര​തീ​ക്ഷ. തു​ട​രെ വോ​ട്ടു​ശ​ത​മാ​നം ഉ​യ​ർ​ത്താ​നാ​യ​തു​കൊ​ണ്ട് ത​ന്നെ ജി​ല്ല​യി​ൽ ബി.​ജെ.​പി കാ​ര്യ​മാ​യ പ്ര​തീ​ക്ഷ വ​ച്ചു​പു​ല​ർ​ത്തു​ന്ന മ​ണ്ഡ​ല​ങ്ങ​ളി​ൽ ഒ​ന്നാ​ണ് പാ​ല​ക്കാ​ട്. ഇ​ക്കു​റി മ​ണ്ഡ​ല​ത്തി​ൽ വോ​ട്ടു​ശ​ത​മാ​നം കാ​ര്യ​മാ​യി ഉ​യ​രു​മെ​ന്ന പ്ര​തീ​ക്ഷ​യാ​ണ് സി. ​കൃ​ഷ്ണ​കു​മാ​ർ പ​ങ്കു​വെ​ക്കു​ന്ന​ത്. ത​ദ്ദേ​ശ തെ​ര​ഞ്ഞെ​ടു​പ്പ​ട​ക്കം ക​ഴി​ഞ്ഞ തെ​ര​ഞ്ഞെ​ടു​പ്പു​ക​ളി​ൽ പാ​ല​ക്കാ​ട്ടെ ബി.​ജെ.​പി​യു​ടെ പ്ര​ക​ട​നം മെ​ച്ച​പ്പെ​ടു​ന്ന​താ​ണ് കാ​ഴ്ച​യെ​ന്ന് ബി.​ജെ.​പി ക്യാ​മ്പ് വി​ല​യി​രു​ത്തു​ന്നു.

പാ​ല​ക്കാ​ട് ന​ഗ​ര​സ​ഭ​യി​ൽ ഇ​ക്കു​റി ബി.​ജെ.​പി ഭ​ര​ണ​ത്തി​ലെ​ത്തി​യ​ത് കാ​ര്യ​മാ​യി വോ​ട്ടും സീ​റ്റു​മു​യ​ർ​ത്തി​യാ​ണ്. ഇ​തു​കൂ​ടെ ​ചേ​ർ​ത്തു​വാ​യി​ക്കു​മ്പോ​ൾ ലോ​ക്സ​ഭ തെ​ര​ഞ്ഞെ​ടു​പ്പി​ൽ മ​ണ്ഡ​ലം ഒ​പ്പം നി​ൽ​ക്കു​മെ​ന്ന് ത​ന്നെ​യാ​ണ് ബി.​ജെ.​പി ക്യാ​മ്പി​ന്റെ ക​ണ​ക്കു​കൂ​ട്ട​ൽ.