ധോണിയിൽ പുലി ഇറങ്ങി; കോഴിയെ തിന്നു

പുതുപ്പരിയാരം: ധോണിയിൽ വീണ്ടും പുലിയിറങ്ങി വീട്ടുവളപ്പിലെ കോഴിയെ പിടികൂടി കൊന്നു തിന്നു.

ധോണി മൂലപ്പാടം വെട്ടം തടത്തിൽ ടിജിയുടെ വീടിന് പിറകിലെ കോഴിക്കൂടിന് മുകളിലെ മരക്കൊമ്പിലിരുന്ന കോഴിയെയാണ് പുലി ചാടിപ്പിടിച്ച് കൊന്നു തിന്നത്. വ്യാഴാഴ്ച പുലർച്ച 2.45നാണ് സംഭവം. വനപാലകരും ജനപ്രതിനിധികളും സ്ഥലം സന്ദർശിച്ചു.

അടിക്കടിയുള്ള പുലിയുടെ ജനവാസ മേഖലയിലെ സാന്നിധ്യം ജനങ്ങളെ ഭീതിയിലാഴ്ത്തിയിട്ടുണ്ട്. സമീപ സ്ഥലത്ത് വനപാലകർ പുലിക്കൂട് സ്ഥാപിച്ചു.