ക​ള്ളി​യ​മ്പാ​റ​യി​ൽ പുലി ജനവാസ മേഖലയിൽ; വളർത്തുനായെ കൊന്നു

മു​ത​ല​മ​ട: ക​ള്ളി​യ​മ്പാ​റ​യി​ൽ ജ​ന​വാ​സ മേ​ഖ​ല​യി​ലെ​ത്തി​യ പു​ലി വ​ള​ർ​ത്തു​നാ​യെ കൊ​ന്നു. ക​ള്ളി​യ​മ്പാ​റ ജ​യേ​ഷി​ന്റെ താ​മ​സ​സ്ഥ​ല​ത്തി​ന​ടു​ത്ത് കൊ​പ്ര​ക്ക​ള​ത്തി​ലാ​ണ് ചൊ​വ്വാ​ഴ്ച പു​ല​ർ​ച്ചെ പു​ലി നാ​യെ കൊ​ന്ന​ത്. നാ​യ്ക്കളു​ടെ ശ​ബ്ദം കേ​ട്ട് ഉ​ണ​ർ​ന്ന ജ​യേ​ഷും വീ​ട്ടു​കാ​രും പു​ലി​യു​ടെ​തെ​ന്ന് തോ​ന്നി​ക്കു​ന്ന ശ​ബ്ദം കേ​ട്ട​തോ​ടെ പു​റ​ത്തി​റ​ങ്ങാ​തെ സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ച​പ്പോ​ഴാ​ണ് പു​ലി നാ​യെ പി​ടി​കൂ​ടു​ന്ന​ത് ക​ണ്ട​ത്. നാ​ല് വ​ള​ർ​ത്തു​നാ​യ്ക്ക​ളി​ൽ ഒ​ന്നി​നെ​യാ​ണ് പി​ടി​കൂ​ടി​യ​ത്. നൂ​റി​ല​ധി​കം വീ​ടു​ക​ളു​ള്ള പ്ര​ദേ​ശ​ത്ത് എ​ത്തി​യ​ത് പു​ലി​യാ​ണെ​ന്ന് സെ​ക്ഷ​ൻ ഫോ​റ​സ്റ്റ് ഓ​ഫി​സ​ർ പി.​എ​സ്. മ​ണി​യ​ന്റെ നേ​തൃ​ത്വ​ത്തി​ലു​ള്ള വ​നം​വ​കു​പ്പ് അ​ധി​കൃ​ത​ർ സ്ഥി​രീ​ക​രി​ച്ചു. ജ​യേ​ഷി​ന്റെ വീ​ടി​നു പി​റ​കു​വ​ശ​ത്ത് പു​ലി​യു​ടെ കാ​ൽ​പാ​ടു​ക​ൾ ക​ണ്ടെ​ത്തി.

ജ​ന​വാ​സ​മേ​ഖ​ല​യി​ൽ പു​ലി എ​ത്തി​യ​ത് നാ​ട്ടു​കാ​രെ ഭീ​തി​യി​ലാ​ക്കി. പു​ലി​യെ പി​ടി​കൂ​ടാ​ൻ കൂ​ട് സ്ഥാ​പി​ക്ക​ണ​മെ​ന്ന് ക​ർ​ഷ​ക സം​ര​ക്ഷ​ണ സ​മി​തി ഭാ​ര​വാ​ഹി ഹ​രി​ദാ​സ് ചു​വ​ട്ടു​പാ​ടം ആ​വ​ശ്യ​പ്പെ​ട്ടു. പു​ലി​യെ നി​രീ​ക്ഷി​ക്കു​ക​യാ​ണെ​ന്ന് സെ​ക്ഷ​ൻ ഫോ​റ​സ്റ്റ് ഓ​ഫി​സ​ർ പി.​എ​സ്. മ​ണി​യ​ൻ പ​റ​ഞ്ഞു. ബീ​റ്റ് ഫോ​റ​സ്റ്റ് ഓ​ഫി​സ​ർ​മാ​രാ​യ കെ. ​ഗോ​പി, എ. ​ഉ​മ്മ​ർ, വാ​ച്ച​ർ​മാ​ർ കെ. ​സു​നി​ൽ, എം. ​സു​ബൈ​ർ, വി. ​അ​ഖി​ൽ എ​ന്നി​വ​ര​ട​ങ്ങി​യ സം​ഘ​മാ​ണ് ക​ള്ളി​യ​മ്പാ​റ​യി​ലെ​ത്തി​യ​ത്.