തിരുവിഴാംകുന്ന് ജനവാസ കേന്ദ്രത്തിൽ പുലി; ജനങ്ങൾ ഭീതിയിൽ

അലനല്ലൂർ: തിരുവിഴാംകുന്ന് ഇരട്ടവാരി ജനവാസ കേന്ദ്രത്തിൽ പുലിയെ കണ്ടതോടെ ജനങ്ങൾ ഭീതിയിൽ. ചൊവാഴ്ച രാത്രി പത്തു മണിയോടെ അംബേദ്കർ കോളനിക്ക് സമീപമാണ് പുലിയെ കണ്ടത്. വളപ്പിൽ സിദ്ദീഖിൻ്റെ വീടിനു മുൻപിലെ മതിലിനോട് ചേർന്ന് കിടക്കുന്നതായാണ് പുലിയെ കണ്ടതെന്നും ആളുകൾ ബഹളം വെച്ചതോടെ പുലി തൊട്ടടുത്തുള്ള തെങ്ങുവളപ്പിലേക്ക് ഓടി മാറിയെന്നും നാട്ടുകാർ പറഞ്ഞു.

ആളുകൾ മൊബൈൽ ഫോണിൽ പുലിയുടെ ദൃശ്യവും പകർത്തിയിട്ടുണ്ട്. കഴിഞ്ഞ ദിവസങ്ങളിൽ തിരുവിഴാംകുന്ന് ഫാമിൽ പുലിയെ കണ്ടിരുന്നു.