കുതിരാന്‍ തുരങ്ക നിർമാണം: പുതിയ കമ്പനിയെ കണ്ടെത്തുമെന്ന്​ കലക്​ടർ

പട്ടിക്കാട്: കുതിരാനിലെ ഒരു തുരങ്കപാതയുടെ നിർമാണം നാല് മാസം കൊണ്ട് പൂര്‍ത്തീകരിക്കാൻ പുതിയ കമ്പനിയെ കണ്ടെത്തുമെന്ന്​ ജില്ല കലക്ടര്‍ എസ്​. ഷാനവാസ്.

കുതിരാന്‍ സന്ദര്‍ശിക്കാനെത്തിയതായിരുന്നു അദ്ദേഹം. അടിയന്തരമായി 6.85 ലക്ഷം രൂപ ചെലവഴിച്ച് ദേശീയപാതയുടെ അറ്റകുറ്റപ്പണികളും തകരാറുകളും പരിഹരിക്കുമെന്നും കലക്​ടർ പറഞ്ഞു.

മണ്ണുത്തി-പാലക്കാട് ആറുവരിപ്പാതയുടെ പുതിയ പ്രോജക്ട് ഡയറക്ടറായി ചുമതലയേറ്റ സഞ്ചയ്കുമാര്‍ യാദവ്​ കലക്​ടർക്കൊപ്പം ഉണ്ടായിരുന്നു.