ഓ​ർ​മ​യാ​യ​ത് പൊ​ലീ​സ് സേ​ന​യി​ലെ നി​പു​ണ​നാ​യ ഗു​രു​നാ​ഥ​ൻ

കോ​ങ്ങാ​ട്: റി​ട്ട. ഐ.​ജി രാ​ജ​ന്‍റെ നി​ര്യാ​ണ​ത്തി​ലൂ​ടെ ന​ഷ്ട​മാ​യ​ത് കു​റ്റ​വാ​ളി​ക​ളു​ടെ​യും കു​റ്റ​ങ്ങ​ളു​ടെ​യും ശാ​സ്ത്രം വി​ശ​ക​ല​നം ചെ​യ്യു​ന്ന​തി​ൽ നൈ​പു​ണ്യം നേ​ടി​യ​യാ​ളെ. കൊ​ടു​വാ​യൂ​ർ ഹൈ​സ്‌​കൂ​ളി​ലെ വി​ദ്യാ​ഭ്യാ​സ​ത്തി​നു​ശേ​ഷം മ​ദ്രാ​സ് ക്രി​സ്ത്യ​ൻ കോ​ള​ജി​ലാ​യി​രു​ന്നു ഉ​പ​രി​പ​ഠ​നം. ത​മി​ഴ്നാ​ടി​ലെ തി​രു​കൊ​യ്​​ല​റി​ൽ അ​സി. പൊ​ലീ​സ് സൂ​പ്ര​ണ്ടാ​യി ഔ​ദ്യോ​ഗി​ക ജീ​വി​തം തു​ട​ങ്ങി. സം​സ്ഥാ​ന​ത്തി​ന​ക​ത്തും ഡ​ൽ​ഹി​യി​ലും പൊ​ലീ​സ് സേ​ന​യി​ൽ ജോ​ലി ചെ​യ്തു. ന​ക്സ​ൽ പ്ര​സ്ഥാ​നം ക​രു​ത്താ​ർ​ജി​ച്ച കാ​ല​ഘ​ട്ട​ത്തി​ലും പൊ​ലീ​സ് സേ​ന​യെ ന​യി​ച്ചു. ഔ​ദ്യോ​ഗി​ക ജീ​വി​ത​ത്തി​ൽ​നി​ന്ന് വി​ര​മി​ച്ച കാ​ല​ഘ​ട്ട​ത്തി​ൽ എ​ഴു​ത്തി​ലും വാ​യ​ന​യി​ലും ശ്ര​ദ്ധ​യൂ​ന്നി.

പ്ര​മു​ഖ ഇം​ഗ്ലീ​ഷ് പ​ത്ര​ങ്ങ​ളി​ൽ ലേ​ഖ​ന​ങ്ങ​ൾ എ​ഴു​തി. പൊ​ലീ​സ് സേ​ന​ക്കും കു​റ്റ​വാ​ളി​ക​ളെ​പ്പ​റ്റി ആ​ഴ​ത്തി​ൽ പ​ഠ​നം ന​ട​ത്തു​ന്ന​വ​ർ​ക്കും വ​ഴി​കാ​ട്ടി​യാ​വു​ന്ന പു​സ്ത​ക​ങ്ങ​ളും ര​ചി​ച്ചു. കു​റ​ച്ച് കാ​ലം മ​ഹ​ർ​ഷി മ​ഹേ​ഷ് യൂ​നി​വേ​ഴ്സി​റ്റി പ്ര​ഫ​സ​റു​മാ​യി.

വി​ശ്ര​മ​ജീ​വി​തം കോ​ങ്ങാ​ട് കോ​ട്ട​പ്പ​ടി​ക​ള​ത്തി​ലെ വീ​ട്ടി​ലും ചെ​ന്നൈ​യി​ലു​മാ​യി​രു​ന്നു. ഒ​രാ​ഴ്ച മു​മ്പ്​ ചെ​ന്നൈ​യി​ൽ​നി​ന്ന്​ കോ​ങ്ങാ​ട് കു​ടും​ബ​ക്ഷേ​ത്ര ജീ​ർ​ണോ​ദ്ധാ​ര​ണ ച​ട​ങ്ങി​ൽ പ​ങ്കെ​ടു​ക്കാ​നെ​ത്തി​യ​താ​യി​രു​ന്നു. തി​ങ്ക​ളാ​ഴ്ച രാ​വി​ലെ​യാ​ണ് കാ​റി​ൽ കോ​യ​മ്പ​ത്തൂ​രി​ലെ​ത്തി അ​വി​ടെ​ന്ന്​ വി​മാ​ന മാ​ർ​ഗം ചെ​ന്നൈ​യി​ലെ​ത്തി​യ​ത്. ചൊ​വ്വാ​ഴ്ച പു​ല​ർ​ച്ച മൂ​ന്നി​ന് ദേ​ഹാ​സ്വാ​സ്ഥ്യം കാ​ര​ണം തൊ​ട്ട​ടു​ത്ത ന​ഴ്സി​ങ് ഹോ​മി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. മൃ​ത​ദേ​ഹം ചെ​ന്നൈ​യി​ൽ സം​സ്ക​രി​ച്ചു.