ചുവരുകൾ നിറച്ച് മുന്നണികൾ

കൊല്ലങ്കോട്: സ്ഥാനാർഥി ലിസ്​റ്റിനായി തിരക്കിട്ട ചർച്ചകൾ നടക്കുന്നതിനിടെ ചുവരുകൾ നിറച്ച് മുന്നണികൾ. കൊല്ലങ്കോട്, കൊടുവായൂർ, മുതലമട, പുതുനഗരം, വടവന്നൂർ പഞ്ചായത്തുകളിലാണ് ചുവരെഴുത്ത് സജീവമായത്. സ്ഥാനാർഥികളുടെ പേര് ഒഴിവാക്കിയാണ്​ ചുവരെഴുത്ത്.

ഇതിനിടെ സി.പി.എം, കോൺഗ്രസ്, മുസ്​ലിം ലീഗ്, ബി.ജെ.പി എന്നിങ്ങനെ മുഖ്യധാരാ പാർട്ടികളിലെല്ലാം സ്ഥാനാർഥിനിർണയത്തിനായി കൊണ്ടുപിടിച്ച ചർച്ചകളാണ്​ നടക്കുന്നത്​. അന്തിമ ലിസ്​റ്റ്​ ഒരാഴ്​ചക്കകം പ്രഖ്യാപിക്കാനാകുമെന്ന ആത്​മവിശ്വാസത്തിലാണ് പ്രധാന മുന്നണികൾ. പോസ്​റ്ററുകൾ, ചുവരെഴുത്ത് എന്നിവ വർധിക്കുന്നതോടൊപ്പം ബാനർ, തോരണങ്ങൾ എന്നിവ കുറയുന്നതും ഇക്കുറി തെരഞ്ഞെടുപ്പി​നെ വേറിട്ടതാക്കുന്നു.