ത​ക​ർ​ച്ച​യു​ടെ വ​ക്കി​ൽ കൊ​ല്ല​ങ്കോ​ട് മുഖ്യ പോ​സ്റ്റ് ഓ​ഫി​സ് കെ​ട്ടി​ടം

കൊ​ല്ല​ങ്കോ​ട്: ശാ​പ​മോ​ക്ഷം കാ​ത്ത് വി​ണ്ടു​കീ​റി​യ പോ​സ്റ്റ് ഓ​ഫി​സ്. നാ​ല് പ​തി​റ്റാ​ണ്ടി​ല​ധി​കം പ​ഴ​ക്ക​മു​ള്ള കൊ​ല്ല​ങ്കോ​ട് മുഖ്യ പോ​സ്റ്റ് ഓ​ഫി​സി​ന്‍റെ കെ​ട്ടി​ട​മാ​ണ് പ​കു​തി​യി​ല​ധി​ക​വും വി​ണ്ടു​കീ​റി ത​ക​ര്‍ച്ച​യു​ടെ വ​ക്കി​ലു​ള്ള​ത്.

ജി​ല്ല​യി​ലെ മു​ഖ്യ ഡാ​ക് ഘ​ര്‍ പ​ദ​വി​യി​ലു​ള്ള 16 ജി​വ​ന​ക്കാ​രു​ള്ള പോ​സ്റ്റ് ഓ​ഫി​സ് കെ​ട്ടി​ട​മാ​ണ് അ​ധു​കൃ​ത​രു​ടെ അ​നാ​സ്ഥ മൂ​ലം വീ​ഴാ​റാ​യ നി​ല​യി​ലെ​ത്തി​യ​ത്. പോ​സ്റ്റ് ഓ​ഫി​സി​ന് മു​ന്‍വ​ശം കോ​ണ്‍ക്രീ​റ്റ് അ​ട​ര്‍ന്നു​വീ​ഴു​ന്ന​ത് തു​ട​രു​ക​യാ​ണ്. സ​ന്ദ​ര്‍ശ​ക​രു​ടെ ദേ​ഹ​ത്ത് കോ​ൺ​ക്രീ​റ്റ് ചീ​ളു​ക​ൾ വീ​ഴു​ന്ന​തും പ​തി​വാ​യ​തി​നാ​ല്‍ ഏ​റെ ജാ​ഗ്ര​ത​യോ​ടെ​യാ​ണ് പോ​സ്റ്റ് ഓ​ഫി​സി​ന​ക​ത്ത് ഇ​ട​പാ​ടു​കാ​രും എ​ത്താ​റു​ള്ള​ത്.

കെ​ട്ടി​ട​ത്തി​നു മു​ക​ളി​ല്‍ വി​ള്ള​ലു​ക​ള്‍ വ​ർ​ധി​ച്ച​തി​നാ​ല്‍ കെ​ട്ടി​ട​ത്തി​ന്റെ ക്വാ​ര്‍ട്ടേ​ഴ്സു​ക​ളി​ല്‍ ഉ​ദ്യോ​ഗ​സ്ഥ​ര്‍ താ​മ​സി​ക്കാ​റി​ല്ല. ഓ​ഫി​സ് പ്ര​വ​ര്‍ത്ത​ന​ങ്ങ​ള്‍ ന​ട​ത്താ​ന്‍ സാ​ധി​ക്കാ​ത്ത അ​വ​സ്ഥ​യി​ലു​ള്ള കെ​ട്ടി​ട​ത്തി​നു പ​ക​രം പു​തി​യ​ത് നി​ര്‍മി​ക്ക​ണ​മെ​ന്ന ആ​വ​ശ്യം പോ​സ്റ്റ​ല്‍ വ​കു​പ്പി​ലെ ഉ​ദ്യോ​ഗ​സ്ഥ​ര്‍ മു​ഖ​വി​ല​ക്കെ​ടു​ക്കു​ന്നി​ല്ലെ​ന്ന് നാ​ട്ടു​കാ​ര്‍ പ​റ​യു​ന്നു. റെ​യി​ല്‍ പാ​സ​ഞ്ചേ​ഴ്സ് അ​സോ​സി​യേ​ഷ​ന്‍ പ്ര​സി​ഡ​ന്റ് ഏ​റാ​ട്ടി​ല്‍ മു​രു​ക​ന്‍ ചീ​ഫ് പോ​സ്റ്റ് മാ​സ്റ്റ​ര്‍ ജ​ന​റ​ലി​ന് ന​ല്‍കി​യ പ​രാ​തി​യെ തു​ട​ര്‍ന്ന് ഉ​ട​ന്‍ ന​ട​പ​ടി​യെ​ടു​ക്കു​മെ​ന്ന് അ​റി​യി​ച്ചെ​ങ്കി​ലും തു​ട​ര്‍ന​ട​പ​ടി​ക​ള്‍ ഇ​ഴ​യു​ന്ന​താ​യി മു​രു​ക​ൻ ഏ​റാ​ട്ടി​ല്‍ പ​റ​ഞ്ഞു. എ​ട്ട് ബ്രാ​ഞ്ച് പോ​സ്റ്റ് ഓ​ഫി​സു​ക​ളി​ലെ കേ​ന്ദ്ര​മാ​യി പ്ര​വ​ര്‍ത്തി​ക്കു​ന്ന കൊ​ല്ല​ങ്കോ​ട് പ്ര​ധാ​ന പോ​സ്റ്റ് ഓ​ഫി​സ് കെ​ട്ടി​ട​ത്തെ അ​വ​ഗ​ണി​ക്കു​ന്ന നി​ല​പാ​ട് അ​വ​സാ​നി​പ്പി​ക്ക​ണ​മെ​ന്ന് ഉ​പ​ഭോ​ക്താ​ക്ക​ള്‍ ആ​വ​ശ്യ​പ്പെ​ട്ടു.