ഓണം വിളവെടുപ്പിനൊരുങ്ങി പൊള്ളാച്ചിയിലെ ചെണ്ടുമല്ലി പാടങ്ങൾ

കൊ​ല്ല​ങ്കോ​ട്: ഓ​ണ​ത്തി​നു​ള്ള വി​ള​വെ​ടു​പ്പി​ന് ത​യാ​റാ​യി പൊ​ള്ളാ​ച്ചി​യി​ലെ ചെ​ണ്ടു​മ​ല്ലി പാ​ട​ങ്ങ​ൾ. പൊ​ള്ളാ​ച്ചി, ഉ​ടു​മ​ല, ദി​ണ്ടി​ഗ​ൽ, നെ​ഗ​മം, ക​റൂ​ർ, ഒ​ട്ട​ൻഛ​ത്രം എ​ന്നീ പ്ര​ദേ​ശ​ങ്ങ​ളി​ലാ​ണ് ഓ​ണം വി​പ​ണി ല​ക്ഷ്യ​മാ​ക്കി 400ല​ധി​കം ഹെ​ക്ട​ർ പ്ര​ദേ​ശ​ത്ത് ചെ​ണ്ടു​മ​ല്ലി, ജ​മ​ന്തി, മു​ല്ല, മ​ല്ലി, വാ​ടാ​മ​ല്ലി, പ​ട്ട് പൂ​വ്, തെ​ച്ചി തു​ട​ങ്ങി​യ പൂ​ക്ക​ളു​ടെ കൃ​ഷി വ്യാ​പ​ക​മാ​യ​ത്.

ര​ണ്ട​ര മാ​സം മു​മ്പ് ആ​രം​ഭി​ച്ച പു​ഷ്പ​കൃ​ഷി​യാ​ണ് നി​ല​വി​ൽ വി​ള​വെ​ടു​പ്പി​ന് ത​യാ​റാ​യ​തെ​ന്ന് ക​ർ​ഷ​ക​നാ​യ പെ​രു​മാ​ൾ പ​റ​ഞ്ഞു. ക​ഴി​ഞ്ഞ വ​ർ​ഷം കോ​വി​ഡ്​ രൂ​ക്ഷ​മാ​യ​തോ​ടെ കൃ​ഷി കു​റ​വാ​യി​രു​ന്നു. ഇ​ത്ത​വ​ണ ഇ​ള​വു​ക​ൾ ത​മി​ഴ്നാ​ട്ടി​ലും കേ​ര​ള​ത്തി​ലും സ​ർ​ക്കാ​ർ ന​ൽ​കി​യ​ത് ഗു​ണ​ക​ര​മാ​കു​മെ​ന്ന് പെ​രു​മാ​ൾ പ​റ​യു​ന്നു.

പൊ​ള്ളാ​ച്ചി, ദി​ണ്ടി​ഗ​ൽ, കോ​യ​മ്പ​ത്തൂ​ർ എ​ന്നി​വി​ട​ങ്ങ​ളി​ലെ പൂ​മാ​ർ​ക്ക​റ്റു​ക​ൾ വ​ഴി​യാ​ണ് പ്ര​ധാ​ന​മാ​യും പൂ​ക്ക​ൾ ക​ർ​ഷ​ക​ർ എ​ത്തി​ച്ച് വി​ൽ​ക്കു​ന്ന​ത്. അ​ത്തം തു​ട​ങ്ങു​ന്ന​തി​ന് ര​ണ്ട് ദി​വ​സം മു​മ്പ്​ വി​ള​വെ​ടു​പ്പ് ന​ട​ത്താ​നാ​ണ്​ ക​ർ​ഷ​ക​രു​ടെ നീ​ക്കം. കാ​ലാ​വ​സ്ഥ വ്യ​തി​യാ​നം മൂ​ലം മൂ​ന്നി​ല​ധി​കം കീ​ട​ബാ​ധ​ക​ൾ ജ​മ​ന്തി, ചെ​ണ്ടു​മ​ല്ലി എ​ന്നി​വ​യെ ബാ​ധി​ച്ച​ത്​ ഉ​ടു​മ​ല പ്ര​ദേ​ശ​ത്തെ ക​ർ​ഷ​ക​ർ​ക്ക് പു​ഷ്പ​കൃ​ഷി​യി​ൽ അ​ൽ​പം ചെ​ല​വ് വ​ർ​ധി​പ്പി​ച്ചി​രു​ന്നു. എ​ന്നാ​ൽ ഓ​ണം വി​പ​ണി​യി​ലൂ​ടെ ര​ക്ഷ നേ​ടാ​നാ​കു​മെ​ന്ന പ്ര​തീ​ക്ഷ​യി​ലാ​ണ് വ​നി​ത​ക​ൾ ഉ​ൾ​പ്പെ​ടെ​യു​ള്ള ക​ർ​ഷ​ക​ർ.