അം​ബേ​ദ്ക​ർ കോ​ള​നി​വാ​സി​ക​ളു​ടെ കു​ടി​ൽ​കെ​ട്ടി സ​മ​രം എ​ട്ട് ദി​വ​സം പി​ന്നി​ട്ടു

കൊ​ല്ല​ങ്കോ​ട്: ഗോ​വി​ന്ദാ​പു​രം അം​ബേ​ദ്ക​ർ കോ​ള​നി​വാ​സി​ക​ളു​ടെ സ​മ​രം എ​ട്ട് ദി​വ​സം പി​ന്നി​ട്ടി​ട്ടും അ​ന​ങ്ങാ​തെ അ​ധി​കൃ​ത​ർ. 40ല​ധി​കം കു​ടും​ബ​ങ്ങ​ൾ ഭ​വ​ന പ​ദ്ധ​തി​ക​ളി​ൽ ഉ​ൾ​പ്പെ​ടു​ത്തു​ന്ന​തി​നാ​യി അ​പേ​ക്ഷ ന​ൽ​കി​യി​ട്ടും ന​ട​പ​ടി ഉ​ണ്ടാ​വാ​ത്ത​തി​നെ​തു​ട​ർ​ന്നാ​ണ്​ കോ​ള​നി​വാ​സി​ക​ൾ മു​ത​ല​മ​ട പ​ഞ്ചാ​യ​ത്ത് ഓ​ഫി​സി​നു മു​ന്നി​ൽ കു​ടി​ൽ കെ​ട്ടി സ​മ​രം ആ​രം​ഭി​ച്ച​ത്. സ​മ​രം ആ​രം​ഭി​ച്ച് എ​ട്ട് ദി​വ​സം പി​ന്നി​ട്ടി​ട്ടും പ​ഞ്ചാ​യ​ത്തും പ​ട്ടി​ക​ജാ​തി വ​കു​പ്പ് അ​ധി​കൃ​ത​രും അ​ന​ങ്ങി​യി​ട്ടി​ല്ല.

ച​ക്ലി​യ വി​ഭാ​ഗ​ത്തി​ൽ ഉ​ൾ​പ്പെ​ട്ട കു​ടും​ബ​ങ്ങ​ൾ ഒ​ന്ന​ര പ​തി​റ്റാ​ണ്ടി​ല​ധി​ക​മാ​യി വീ​ടി​നാ​യി അ​പേ​ക്ഷ ന​ൽ​കി കാ​ത്തി​രി​ക്കു​ക​യാ​ണ്. അ​നി​ശ്ചി​ത​കാ​ല സ​മ​രം ആ​രം​ഭി​ക്കു​ന്ന​തി​നു മു​മ്പ് ജി​ല്ല ക​ല​ക്ട​ർ​ക്ക് നേ​രി​ട്ടെ​ത്തി പ​രാ​തി ന​ൽ​കി​യെ​ങ്കി​ലും പ്ര​തി​ക​ര​ണം ഉ​ണ്ടാ​യി​ല്ലെ​ന്ന്​ സ​മ​ര​സ​മി​തി പ്ര​വ​ർ​ത്ത​ക​ർ പ​റ​യു​ന്നു. 2014ൽ 14 ​കു​ടും​ബ​ങ്ങ​ളും 2017ൽ 23 ​കു​ടും​ബ​ങ്ങ​ളും അ​പേ​ക്ഷ ന​ൽ​കി. 2019ൽ 25​ഉം 2021ൽ 36​ഉം അ​പേ​ക്ഷ​ക​ൾ പ​ഞ്ചാ​യ​ത്തി​ൽ സ​മ​ർ​പ്പി​ച്ചു. എ​ന്നി​ട്ടും ച​ക്ലി​യ വി​ഭാ​ഗ​ത്തി​ലെ ആ​രും ഭ​വ​ന പ​ദ്ധ​തി​യി​ൽ ഉ​ൾ​പ്പെ​ട്ടി​ല്ലെ​ന്ന്​ കോ​ള​നി​വാ​സി​യാ​യ കെ. ​മാ​സാ​ണി പ​റ​ഞ്ഞു.

ഒ​രു വീ​ടി​ന​ക​ത്ത് 18ല​ധി​കം പേ​ർ വ​സി​ക്കു​ന്ന അ​വ​സ്ഥ അം​ബേ​ദ്ക​ർ കോ​ള​നി​യി​ൽ ഉ​ണ്ടാ​യി​ട്ടും അ​ന​ക്ക​മി​ല്ലാ​ത്ത അ​വ​സ്ഥ​യി​ലാ​ണ്​ പ​ഞ്ചാ​യ​ത്ത്, പ​ട്ടി​ക​ജാ​തി വ​കു​പ്പു​ക​ൾ. സ​മ​ര​ത്തി​ന് വി​ജ​യം കാ​ണു​ന്ന​തു​വ​രെ സ​മ​രം ശ​ക്ത​മാ​യി തു​ട​രു​മെ​ന്ന് ആ​ദി​വാ​സി​ക​ൾ പ​റ​ഞ്ഞു. വ്യാ​ഴാ​ഴ്​​ച സം​യു​ക്ത ഉ​പ​വാ​സം ന​ട​ത്തു​മെ​ന്ന് ആ​ദി​വാ​സി സം​ര​ക്ഷ​ണ സം​ഘം ക​ൺ​വീ​ന​ർ നീ​ളി​പ്പാ​റ മു​രി​യ​പ്പ​ൻ പ​റ​ഞ്ഞു.