ഉ​ത്സ​വ​ത്തി​മി​ർ​പ്പി​ൽ ക​ൽ​പ്പാ​ത്തി അ​ഗ്ര​ഹാ​രം: 14, 15, 16 തീ​യ​തി​ക​ളി​ലാ​ണ് ര​ഥോ​ത്സ​വം

പാ​ല​ക്കാ​ട്: ര​ഥോ​ത്സ​വ​ത്തെ വ​ര​വേ​ൽ​ക്കാ​ൻ ക​ൽ​പ്പാ​ത്തി ഒ​രു​ങ്ങി​യ​തോ​ടെ അ​ഗ്ര​ഹാ​രം ഉ​ത്സ​വ​ത്തി​മി​ർ​പ്പി​ൽ. തി​ങ്ക​ളാ​ഴ്ച ന​ട​ക്കു​ന്ന കൊ​ടി​യേ​റ്റ​ത്തോ​ടെ ഒ​രാ​ഴ്ച നീ​ണ്ടു നി​ൽ​ക്കു​ന്ന ഉ​ത്സ​വ​ങ്ങ​ൾ​ക്ക് തു​ട​ക്ക​മാ​കും. ന​വം​ബ​ർ 14, 15, 16 തീ​യ​തി​ക​ളി​ലാ​ണ് ക​ൽ​പ്പാ​ത്തി ര​ഥോ​ത്സ​വം. കോ​വി​ഡ് നി​യ​ന്ത്ര​ണം കാ​ര​ണം ക​ഴി​ഞ്ഞ വ​ർ​ഷം പൊ​തു​ജ​ന പ​ങ്കാ​ളി​ത്തം ഒ​ഴി​വാ​ക്കി ച​ട​ങ്ങു​ക​ൾ മാ​ത്രം ന​ട​ത്തി. ഈ ​പ്രാ​വ​ശ്യം നി​യ​ന്ത്ര​ണ​ങ്ങ​ളോ​ടെ​യാ​ണെ​ങ്കി​ലും ര​ഥോ​ത്സ​വ​ത്തെ വ​ർ​ണാ​ഭ​മാ​യി വ​ര​വേ​ൽ​ക്കാ​നാ​ണ് പൈ​തൃ​ക ഗ്രാ​മ​ത്തിെൻറ ത​യാ​റെ​ടു​പ്പ്.

തേ​രു​കാ​ലം കു​ടും​ബാം​ഗ​ങ്ങ​ളു​ടെ ഒ​ത്തു​ചേ​ര​ൽ കൂ​ടി​യാ​ണ്. കു​ട്ടി​ക​ളു​ടെ ക​ളി​ചി​രി​യും, അ​രി​പ്പൊ​ടി​കൊ​ണ്ട് വ​ര​യ്ക്കു​ന്ന കോ​ല​ങ്ങ​ളും ഗ്രാ​മ​ത്തെ ഉ​ത്സ​വാ​ന്ത​രീ​ക്ഷ​ത്തി​ലെ​ത്തി​ക്കു​ക​യാ​ണ് പ​തി​വ്.

ദി​വ​സ​ങ്ങ​ൾ​ക്കു​മു​മ്പേ തു​ട​ങ്ങി​യ ര​ഥ​ങ്ങ​ളു​ടെ അ​റ്റ​കു​റ്റ​പ്പ​ണി​ക​ളും, അ​ല​ങ്കാ​ര പ്ര​വൃ​ത്തി​ക​ളും ത​കൃ​തി​യാ​യി ന​ട​ക്കു​ന്നു​ണ്ട്. ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ അ​ഗ്ര​ഹാ​ര​വീ​ഥി​ക​ളി​ൽ ടാ​റി​ങും ന​ട​ക്കു​ന്നു​ണ്ട്. അ​തേ​സ​മ​യം ഉ​ത്സ​വ ന​ട​ത്തി​പ്പു​മാ​യി ബ​ന്ധ​പ്പെ​ട്ട് ക​ൽ​പ്പാ​ത്തി ക്ഷേ​ത്രം ഭാ​ര​വാ​ഹി​ക​ൾ സ​മ​ർ​പ്പി​ച്ച ആ​ക്ഷ​ൻ പ്ലാ​ൻ ജി​ല്ല ഭാ​ര​ണ​കൂ​ട​ത്തിെൻറ കൈ​യി​ലാ‍ണ്. തി​ങ്ക​ളാ​ഴ്ച ന​ട​ക്കു​ന്ന ദു​ര​ന്ത​നി​വാ​ര​ണ അ​തോ​റി​റ്റി​യോ​ഗം ഇ​തു​സം​ബ​ന്ധി​ച്ച് ച​ർ​ച്ച ന​ട​ത്തും. അ​തി​നു​ശേ​ഷം ന​ട​ത്തി​പ്പ് സം​ബ​ന്ധി​ച്ച തീ​രു​മാ​നം അ​റി​യി​ക്കും.