നി​ർ​മാ​ണോ​ദ്ഘാ​ട​നം ക​ഴി​ഞ്ഞി​ട്ട് അ​ഞ്ചു​വ​ർ​ഷം; ക​ൽ​പാ​ത്തി വൈ​ദ്യു​തി സെ​ക്ഷ​ൻ ഓ​ഫി​സ് യാ​ഥാ​ർ​ഥ്യ​മാ​യി​ല്ല

പാ​ല​ക്കാ​ട്: അ​ഞ്ചു​വ​ർ​ഷം മു​മ്പ് മ​ന്ത്രി നി​ർ​മാ​ണോ​ദ്ഘാ​ട​നം ന​ട​ത്തി​യ ക​ൽ​പാ​ത്തി വൈ​ദ്യു​തി സെ​ക്ഷ​ൻ ഓ​ഫി​സ് യാ​ഥാ​ർ​ഥ്യ​മാ​യി​ല്ല. ഇ​പ്പോ​ഴും ഒ​ല​വ​ക്കോ​ട്ടെ വാ​ട​ക കെ​ട്ടി​ട​ത്തി​ന്റെ ര​ണ്ടാം​നി​ല​യി​ലെ സ്ഥ​ല​പ​രി​മി​തി​യി​ൽ വ​ല​യു​ക​യാ​ണ് ക​ൽ​പാ​ത്തി സെ​ക്ഷ​ൻ ഓ​ഫി​സ്.

2014ലാ​ണ് ശേ​ഖ​രീ​പു​രം ജ​ങ്ഷ​നോ​ട് ചേ​ർ​ന്ന 30 സെ​ന്റ് ഭൂ​മി ക​ൽ​പാ​ത്തി 33 കെ.​വി സ​ബ്സ്റ്റേ​ഷ​ൻ, ക​ൽ​പാ​ത്തി വൈ​ദ്യു​തി സെ​ക്ഷ​ൻ ഓ​ഫി​സ്, സ​ബ്ഡി​വി​ഷ​ണ​ൽ ഓ​ഫി​സ് കെ​ട്ടി​ട​ത്തി​നു​മാ​യി ന​ഗ​ര​സ​ഭ​യി​ൽ​നി​ന്ന് വാ​ങ്ങി​യ​ത്.

10 സെ​ന്റ് സ്ഥ​ല​ത്ത് നി​ല​വി​ൽ ഒ​ല​വ​ക്കോ​ട് പ്ര​വ​ർ​ത്തി​ക്കു​ന്ന ക​ൽ​പാ​ത്തി സെ​ക്ഷ​ന് സ്വ​ന്തം കെ​ട്ടി​ടം എ​ന്ന സ്വ​പ്നം സാ​ക്ഷാ​ത്ക​രി​ക്കു​മെ​ന്ന പ്ര​തീ​ക്ഷ​യാ​യി​രു​ന്നു 2019 ഡി​സം​ബ​ർ 23ന് ​അ​ന്ന​ത്തെ മ​ന്ത്രി എം. ​മ​ണി ന​ട​ത്തി​യ നി​ർ​മാ​ണോ​ദ്ഘാ​ട​ന​ത്തോ​ടെ ഉ​ണ്ടാ​യി​രു​ന്ന​ത്.

ഒ​ല​വ​ക്കോ​ട്, മ​ല​മ്പു​ഴ, ക​ൽ​പാ​ത്തി സെ​ക്ഷ​നു​ക​ളു​ടെ ചു​മ​ത​ല​യി​ലെ സ​ബ്ഡി​വി​ഷ​ൻ ഓ​ഫി​സ് കെ​ട്ടി​ടം, ക​ൽ​പാ​ത്തി സെ​ക്ഷ​ൻ ഓ​ഫി​സ്, യാ​ർ​ഡ്, ചു​റ്റു​മ​തി​ൽ എ​ന്നി​വ​ക്കാ​യി 1.16 കോ​ടി രൂ​പ​യാ​ണ് ബോ​ർ​ഡ് വ​ക​യി​രു​ത്തി​യി​രു​ന്ന​ത്. സെ​ക്ഷ​ൻ-​സ​ബ്ഡി​വി​ഷ​ൻ ഓ​ഫി​സി​നു​ള്ള നി​ർ​മാ​ണ അ​നു​മ​തി​യും നേ​ടി​യി​രു​ന്നു. സാ​​ങ്കേ​തി​ക അ​നു​മ​തി നേ​ടി കാ​ലാ​വ​ധി ര​ണ്ടു​വ​ർ​ഷം പൂ​ർ​ത്തി​യാ​യ​പ്പോ​ൾ പു​തു​ക്കു​ക​യും ചെ​യ്തു. ഭൂ​മി ത​രം​മാ​റ്റി​കി​ട്ട​ൽ, ന​ഗ​ര​സ​ഭ​യി​ൽ​നി​ന്ന് കെ​ട്ടി​ട നി​ർ​മാ​ണ അ​നു​മ​തി എ​ന്നി​വ ല​ഭി​ച്ചി​രു​ന്നെ​ങ്കി​ലും ഉ​ദ്ഘാ​ട​ന ഘ​ട്ട​ത്തി​ൽ​നി​ന്ന് ഒ​രി​ഞ്ചു​പോ​ലും മു​ന്നോ​ട്ട് പോ​യി​ല്ല. കെ.​എ​സ്.​ഇ.​ബി ഡ​യ​റ​ക്ട​ർ ബോ​ർ​ഡി​ന്റെ താ​ൽ​പ​ര്യ​ക്കു​റ​വാ​ണ് പ​ദ്ധ​തി യാ​ഥാ​ർ​ഥ്യ​മാ​കാ​ൻ ത​ട​സ്സ​മാ​യ​ത്. ബോ​ർ​ഡി​ന്റെ സാ​മ്പ​ത്തി​ക സ്ഥി​തി മെ​ച്ച​പ്പെ​ട്ടി​ട്ട് പ​ദ്ധ​തി ന​ട​പ്പാ​ക്കാ​മെ​ന്ന മ​റു​പ​ടി​യാ​ണ് അ​ന്വേ​ഷ​ണ​ങ്ങ​ൾ​ക്ക് ല​ഭി​ച്ച​ത്.

അ​തേ​സ​മ​യം, അ​തേ​വ​ർ​ഷം നി​ർ​മാ​ണോ​ദ്ഘാ​ട​നം ന​ട​ത്തി​യ നെ​ന്മാ​റ ക​യ​റാ​ടി സെ​ക്ഷ​ൻ ഓ​ഫി​സ് പൂ​ർ​ത്തീ​ക​രി​ച്ചി​ട്ട് ര​ണ്ടു​വ​ർ​ഷം ക​ഴി​ഞ്ഞു. രാ​ഷ്ട്രീ​യ താ​ൽ​പ​ര്യ​ങ്ങ​ളും അ​വ​ഗ​ണ​ക്ക് പി​ന്നി​ലു​ണ്ടെ​ന്ന ആ​രോ​പ​ണ​മു​ണ്ട്. നി​ല​വി​ൽ ക​ൽ​പാ​ത്തി സെ​ക്ഷ​ൻ ഓ​ഫി​സി​ലെ സാ​ധ​ന സാ​മ​ഗ്രി​ക​ൾ കൊ​ണ്ടി​ടാ​ൻ മാ​ത്ര​മു​ള്ള സ്ഥ​ല​മാ​യി ഇ​ത് മാ​റി​ക്ക​ഴി​ഞ്ഞു.

നേ​ര​ത്തെ ക​ൽ​പാ​ത്തി അ​ഗ്ര​ഹാ​ര​ത്തി​ന് സ​മീ​പ​ത്താ​യി​രു​ന്നു സെ​ക്ഷ​ൻ ഓ​ഫി​സ്. 2003 ലാ​ണ് ഒ​ല​വ​ക്കോ​ട് ജ​ങ്ഷ​നി​ലെ അ​രി​സ്റ്റോ കോം​പ്ല​ക്സി​​ലെ ര​ണ്ടാം നി​ല​യി​ലെ വാ​ട​ക​ക്കെ​ട്ടി​ട​ത്തി​ലേ​ക്ക് മാ​റി​യ​ത്. കാ​ഷ് കൗ​ണ്ട​ർ ഉ​ൾ​പ്പെ​ടെ ഇ​വി​ടെ പ്ര​വ​ർ​ത്തി​ക്കു​ന്നു​ണ്ട്. പ്രാ​യ​മാ​യ​വ​ർ​ക്കും ഭി​ന്ന​ശേ​ഷി​യു​ള്ള​വ​ർ​ക്കും എ​ത്താ​ൻ പ്ര​യാ​സ​മാ​ണി​വി​ടെ. കെ.​എ​സ്.​ഇ.​ബി​യു​ടെ സാ​ധ​ന സാ​മ​ഗ്രി​ക​ളാ​ക​ട്ടെ റോ​ഡ​രി​കി​ലും മ​റ്റു​മാ​ണ് സം​ഭ​രി​ച്ചി​രി​ക്കു​ന്ന​ത്. ഒ​ല​വ​ക്കോ​ടു​ത​ന്നെ പ്ര​വ​ർ​ത്തി​ക്കു​ന്ന ഒ​ല​വ​ക്കോ​ട് സെ​ക്ഷ​ൻ ഓ​ഫി​സ് മ​റ്റൊ​രി​ട​ത്തു​ണ്ട്. പ​ല​ർ​ക്കും ഓ​ഫി​സ് മാ​റി ക​ൽ​പാ​ത്തി സെ​ക്ഷ​ൻ ഒാ​ഫി​സി​ലെ​ത്തു​ക പ​തി​വാ​ണ്.