തെരുവുനായ് ശല്യത്തിൽ പൊറുതിമുട്ടി കൽമണ്ഡപം

പാ​ല​ക്കാ​ട്: ക​ൽ​മ​ണ്ഡ​പം മേ​ഖ​ല​യി​ൽ തെ​രു​വു​നാ​യ് ശ​ല്യം രൂ​ക്ഷം. ക​ഴി​ഞ്ഞ ഒ​രു മാ​സ​ത്തി​നി​ടെ പ്ര​തി​ഭ ന​ഗ​ർ കോ​ള​നി​യി​ൽ മാ​ത്രം ര​ണ്ട് കു​ട്ടി​ക​ൾ തെ​രു​വു​നാ​യ ആ​ക്ര​മ​ണ​ത്തി​ന് ഇ​ര​യാ​യി. ക​ൽ​മ​ണ്ഡ​പം ക​നാ​ൽ റോ​ഡ്, നെ​ഹ്റു കോ​ള​നി, ന്യൂ​കോ​ള​നി, ചി​റ​ക്കാ​ട്, പ​ന​ങ്ക​ളം, ചെ​മ്പ​ലോ​ട് എ​ന്നി​വി​ട​ങ്ങ​ളെ​ല്ലാം തെ​രു​വു​നാ​യ് ശ​ല്യം രൂ​ക്ഷ​മാ​ണ്. ഇ​തോ​ടെ പു​റ​ത്തി​റ​ങ്ങാ​ൻ പോ​ലും നാ​ട്ടു​കാ​ർ ഭ​യ​ക്കു​ന്ന സ്ഥി​തി​യാ​ണ്. ഇ​രു​ച​ക്ര വാ​ഹ​ന​ങ്ങ​ൾ പോ​കു​മ്പോ​ൾ നാ​യ്ക്ക​ൾ കു​ര​ച്ച് പു​റ​കെ ഓ​ടു​ന്ന​തും രാ​ത്രി​ക​ളി​ൽ പെ​ട്ടെ​ന്ന് കു​റു​കെ ചാ​ടു​ന്ന​തും ഇ​വി​ടെ പ​തി​വാ​ണ്.

ഇ​ത് അ​പ​ക​ട​ങ്ങ​ൾ​ക്ക് വ​ഴി​യൊ​രു​ക്കു​ന്നു. പാ​ല​ക്കാ​ട് ന​ഗ​ര​സ​ഭ​യു​ടെ​യും മ​രു​ത​റോ​ഡ് പ​ഞ്ചാ​യ​ത്തി​ന്റെ​യും പ​രി​ധി​യി​ലാ​ണ് ഈ ​പ്ര​ദേ​ശ​ങ്ങ​ൾ ഉ​ൾ​പ്പെ​ടു​ന്ന​ത്. ആ​യ​തി​നാ​ൽ ഇ​വി​ട​ങ്ങ​ളി​ലെ തെ​രു​വു​നാ​യ് ​ശ​ല്യ​ത്തി​ന് ഇ​രു ത​ദ്ദേ​ശ​സ്ഥാ​പ​ന​ങ്ങ​ളു​മാ​ണ് പ​രി​ഹാ​രം കാ​ണേ​ണ്ട​ത്. തെ​രു​വു​നാ​യ് ശ​ല്യം വ​ർ​ധി​ച്ച​തോ​ടെ പ്ര​ഭാ​ത​സ​വാ​രി​ക്കാ​രും മ​ദ്റ​സ​യി​ൽ പോ​കു​ന്ന കു​ട്ടി​ക​ളും ഭീ​തി​യി​ലാ​ണ്.

തെ​രു​വു​നാ​യ് വ​ന്ധ്യം​ക​ര​ണം പ​ദ്ധ​തി കാ​ര്യ​ക്ഷ​മ​മ​ല്ലാ​ത്ത​തും പൊ​തു​നി​ര​ത്തു​ക​ളി​ൽ അ​ക്ര​മ​കാ​രി​ക​ളാ​യ നാ​യ്ക്ക​ളെ ത​ദ്ദേ​ശ​സ്ഥാ​പ​ന​ങ്ങ​ൾ പി​ടി​കൂ​ടാ​ത്ത​തു​മാ​ണ് പ്ര​ശ്നം രൂ​ക്ഷ​മാ​കാ​ൻ കാ​ര​ണം. ര​ണ്ട് കു​ട്ടി​ക​ൾ​ക്ക് തെ​രു​വു​നാ​യു​ടെ ക​ടി​യേ​റ്റി​ട്ടും ഇ​പ്പോ​ഴും ഈ ​മേ​ഖ​ല​യി​ൽ നാ​യ്​ക്ക​ൾ യ​ഥേ​ഷ്ടം വി​ഹ​രി​ക്കു​ക​യാ​ണ്. ഇ​വ​ക്കെ​തി​രെ പ​ഞ്ചാ​യ​ത്തോ ന​ഗ​ര​സ​ഭ​യോ ന​ട​പ​ടി​ക​ളൊ​ന്നും സ്വീ​ക​രി​ച്ചി​ട്ടി​ല്ല. ക​ൽ​മ​ണ്ഡ​പം മേ​ഖ​ല​ക​ളി​ൽ ജീ​വ​ന് ഭീ​ഷ​ണി​യാ​കു​ന്ന തെ​രു​വു​നാ​യ് ശ​ല്യ​ത്തി​ന് യു​ദ്ധ​കാ​ലാ​ടി​സ്ഥാ​ന​ത്തി​ൽ പ​രി​ഹാ​രം കാ​ണ​ണ​മെ​ന്ന​താ​ണ് നാ​ട്ടു​കാ​രു​ടെ ആ​വ​ശ്യം.