കാ​ടു​ക​യ​റ്റി​യ കൊ​മ്പ​ൻ വീ​ട്ടു​മു​റ്റ​ത്ത്; മ​ല​യോ​ര ഗ്രാ​മ​ങ്ങ​ൾ പേ​ടി​യി​ൽ

ക​ല്ല​ടി​ക്കോ​ട്: മ​ല​മ്പ്ര​ദേ​ശ മേ​ഖ​ല​യി​ൽ ക​റ​ങ്ങി​യ കാ​ട്ടാ​ന​യെ വ​ന​പാ​ല​ക​ർ കാ​ട്ടി​ലേ​ക്ക് തു​ര​ത്തി​യി​ട്ടും ഞാ​യ​റാ​ഴ്ച പു​ല​ർ​ച്ചെ വീ​ണ്ടും ജ​ന​വാ​സ മേ​ഖ​ല​യി​ൽ എ​ത്തി. ക​രി​മ്പ മൂ​ന്നേ​ക്ക​ർ മ​ണ​ലി​ൽ പ്ര​ദേ​ശ​ത്താ​ണ് വീ​ണ്ടും കാ​ട്ടു​കൊ​മ്പ​ൻ ഇ​റ​ങ്ങി പ​രാ​ക്ര​മം കാ​ട്ടി​യ​ത്. പ്ലാ​വി​ന്റെ ചി​ല്ല​ക​ൾ പ​റി​ച്ചി​ട്ടും വാ​ഴ​പി​ഴു​തി​ട്ടും തി​ന്നും ദീ​ർ​ഘ​നേ​രം ജ​ന​ങ്ങ​ളെ പ​രി​ഭ്രാ​ന്ത​രാ​ക്കി. ക​ഴി​ഞ്ഞ​ദി​വ​സം പ​ക​ൽ സ​മ​യ​ത്ത് പ്ര​ദേ​ശ​ത്ത് ഭീ​തി പ​ര​ത്തി​യ ഒ​റ്റ​യാ​നെ നാ​ട്ടു​കാ​രും വ​നം​വ​കു​പ്പ് ദ്രു​ത​ക​ർ​മ സേ​ന​യും ചേ​ർ​ന്ന് ഏ​റെ​നേ​ര​ത്തെ പ​രി​ശ്ര​മ​ത്തെ തു​ട​ർ​ന്നാ​ണ് കാ​ടു​ക​യ​റ്റി​യ​ത്.

ഞാ​യ​റാ​ഴ്ച​ പു​ല​ർ​ച്ചെ മൂ​ന്ന് മ​ണി​യോ​ടെ ഒ​റ്റ​യാ​ൻ വൈ​ദ്യു​തി വേ​ലി​ക​ൾ ത​ക​ർ​ത്ത് ജ​ന​വാ​സ പ്ര​ദേ​ശ​ങ്ങ​ളി​ലെ​ത്തു​ക​യാ​യി​രു​ന്നു. പു​ളി​മൂ​ട്ടി​ൽ സെ​ബാ​സ്റ്റ്യ​ന്റെ വീ​ട്ടു​മു​റ്റ​ത്തെ​ത്തി​യ ആ​ന വീ​ട്ടു​കാ​ർ ഉ​ണ​ർ​ന്ന് ബ​ഹ​ളം വെ​ച്ച​തോ​ടെ സ​മീ​പ​ത്തു​ള്ള തൊ​ഴു​ത്തി​ന്റെ ഷീ​റ്റ് ത​ക​ർ​ത്തു​കൊ​ണ്ട് തൊ​ട്ട​ടു​ത്ത കൃ​ഷി​യി​ട​ത്തി​ലേ​ക്ക് ക​ട​ന്നു. രാ​പ​ക​ൽ വ്യ​ത്യാ​സ​മി​ല്ലാ​തെ വി​ഹ​രി​ക്കു​ന്ന കാ​ട്ടു​കൊ​മ്പ​ൻ പ്ര​ദേ​ശ​വാ​സി​ക​ളി​ലാ​കെ ആ​ശ​ങ്ക പ​ര​ത്തു​ന്ന സ്ഥി​തി​വി​ശേ​ഷ​മാ​ണി​പ്പോ​ൾ. സ്ഥി​ര​മാ​യി ക്യ​ഷി​യി​ട​ങ്ങ​ളി​ലെ​ത്തി വി​ള​ക​ൾ ന​ശി​പ്പി​ക്കു​ക​യും ജ​ന​ങ്ങ​ളു​ടെ സ്വൈ​ര്യ ജീ​വി​ത​ത്തി​ന് ഭീ​ഷ​ണി​യാ​യി​മാ​റു​ക​യും ചെ​യ്യു​ന്ന കാ​ട്ടാ​ന​യെ തു​ര​ത്തു​ന്ന​തി​ന് വ​നം വ​കു​പ്പ് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ അ​പേ​ക്ഷ.

അ​തേ​സ​മ​യം, ക​രി​മ്പ ഗ്രാ​മ​പ​ഞ്ചാ​യ​ത്തി​ലെ മ​ല​യോ​ര ഗ്രാ​മ​ങ്ങ​ൾ മ​ണ്ണാ​ർ​ക്കാ​ട്, പാ​ല​ക്കാ​ട് വ​നം ഡി​വി​ഷ​നു​ക​ളി​ലാ​ണ് ഉ​ൾ​പ്പെ​ടു​ന്ന​ത്. ക​ഴി​ഞ്ഞ​ദി​വ​സം കാ​ട്ടാ​ന പ​തി​വാ​യി ഇ​റ​ങ്ങി​വ​ന്നി​രു​ന്ന മീ​ൻ​വ​ല്ലം, കൂ​മം​കു​ണ്ട്, തു​ടി​ക്കോ​ട് എ​ന്നി സ്ഥ​ല​ങ്ങ​ളി​ൽ സൗ​ര വേ​ലി സ്ഥാ​പി​ക്കാ​ൻ പ​ദ്ധ​തി ആ​വി​ഷ്ക​രി​ച്ചെ​ങ്കി​ലും ഇ​നി​യും പ്രാ​രം​ഭ പ്ര​വ​ർ​ത്ത​ന​ങ്ങ​ൾ പോ​ലും തു​ട​ങ്ങി​യി​ട്ടി​ല്ല. കൂ​ടാ​തെ ക​ല്ല​ടി​ക്കോ​ട് വ​ന​ത്തി​ലെ ആ​ന​ത്താ​ര​ക​ളു​ടെ സം​രം​ക്ഷ​ണ​ത്തി​നും പ്ര​ള​യാ​ന​ന്ത​രം വ​നം പോ​ഷ​ണ പ​ദ്ധ​തി​ക​ളും ആ​വി​ഷ്ക്ക​രി​ച്ചി​ട്ടി​ല്ല. ര​ണ്ട് ഘ​ട്ട​ങ്ങ​ളി​ലാ​യി പൂ​ർ​ത്തി​ക​രി​ച്ച സൗ​രോ​ർ​ജ തൂ​ക്കു​വേ​ലി ഒ​രു വ​ർ​ഷ​ക്കാ​ലം ന​ല്ല രീ​തി​യി​ൽ പ്ര​തി​രോ​ധം സൃ​ഷ്ടി​ച്ചി​രു​ന്നു. പി​ന്നീ​ട് ഇ​വ​യി​ൽ കാ​ട്ടു​വ​ള്ളി​ക​ൾ പ​ട​ർ​ന്ന് പ്ര​വ​ർ​ത്ത​ന​ക്ഷ​മ​ത കു​റ​ഞ്ഞു.

ഇ​ത്തരം സ്ഥ​ല​ങ്ങ​ളി​ൽ മ​ര​ക്കൊ​മ്പ് ഇ​ട്ട് ത​ക​ർ​ത്താ​ണ് പ​ല​പ്പോ​ഴും കാ​ട്ടാ​ന​ക​ൾ നാ​ട്ടി​ലെ​ത്തി​യി​രു​ന്ന​ത്. നി​ല​വി​ലു​ള്ള പ്ര​തി​രോ​ധ സം​വി​ധാ​ന​ങ്ങ​ളു​ടെ പ​രി​പാ​ല​ന​ത്തി​ന് സ്ഥി​രം സം​വി​ധാ​ന​മി​ല്ലാ​ത്ത​തും വി​ന​യാ​യി. കാ​ട്ടാ​ന​ക​ളെ പേ​ടി​ച്ച് ച​ക്ക പോ​ലും പാ​ക​മാ​വും മു​മ്പ് പ​ല​രും പ​റി​ച്ച് മാ​റ്റു​ക​യാ​ണ്. ഒ​രാ​ഴ്ച​ക്കാ​ലം ശാ​ന്ത​നാ​യി ക​ണ്ട കാ​ട്ട് കൊ​മ്പ​ൻ കാ​ടി​റ​ങ്ങി​യ​ത് ഇ​ക്കു​റി ക​ലി തു​ള്ളി​യാ​ണ്. കൃ​ഷി​യും ന​ശി​പ്പി​ക്കു​ന്ന​ത് തു​ട​രു​ന്നു.​ഇ​ത്ത​ര​മൊ​രു സാ​ഹ​ച​ര്യം ജ​ന​ങ്ങ​ളു​ടെ കാ​ട്ടാ​ന ഭീ​തി ഇ​ര​ട്ടി​പ്പി​ച്ചു.