പിക്കപ്പ് വാൻ മതിലിലിടിച്ച് അപകടം

മുണ്ടൂർ: പിക്കപ്പ് വാൻ വീട്ടുമതിലിൽ ഇടിച്ച് അപകടം. പാലക്കാട് - കോഴിക്കോട് ദേശീയപാതയിൽ വേലിക്കാടിനു സമീപം മൈലം പുള്ളിയിൽ ബുധനാഴ്ച വൈകീട്ട് നാലു മണിയോടെയാണ് സംഭവം. അപകടത്തിൽ രണ്ട് വീടുകളുടെ മതിൽ തകർന്നു. സംഭവത്തിൽ ആർക്കും പരിക്കില്ല.

കല്ലടിക്കോട് ഭാഗത്ത് നിന്ന് മരം കയറ്റി വന്ന വാനാണ് അപകടത്തിൽ പെട്ടത്. ആദ്യം പിക്കപ്പ് വാൻ മൈലം പുള്ളി സുന്ദരൻ്റെ വീടിൻ്റെ മതിലിടിച്ചു തകർത്തു. തുടർന്ന് ഇടിയുടെ ആഘാതത്തിൽ തൊട്ടടുത്ത തങ്കച്ചൻ എന്ന വർഗീസിൻ്റെ മതിലിൽ ഇടിച്ചു തകർത്തു നിൽക്കുകയായിരുന്നു.