നിരപരാധിയെ പ്രതിയാക്കി; പൊലീസുകാർക്ക് എതിരെ നടപടിയെടുക്കണമെന്ന് മനുഷ്യാവകാശ കമീഷൻ

പാ​ല​ക്കാ​ട്: ജാ​മ്യ​ത്തി​ലി​റ​ങ്ങി മു​ങ്ങി​യ പ്ര​തി​യെ​ന്ന് തെ​റ്റി​ദ്ധ​രി​ച്ച് നി​ര​പ​രാ​ധി​യാ​യ വ​യോ​ധി​ക​യെഅ​റ​സ്റ്റ് ചെ​യ്ത പൊ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ ചെ​യ​ർ​പേ​ഴ്സ​ൻ ജ​സ്റ്റി​സ് അ​ല​ക്സാ​ണ്ട​ർ തോ​മ​സ് അ​ഡീ​ഷ​ന​ൽ ചീ​ഫ് സെ​ക്ര​ട്ട​റി​ക്ക് നി​ർ​ദേ​ശം ന​ൽ​കി. ‘കു​റ്റം എ​ന്താ​ണെ​ന്ന​റി​യാ​തെ 80കാ​രി കോ​ട​തി ക​യ​റി​യി​റ​ങ്ങി​യ​ത് നാ​ലു വ​ർ​ഷം’ എ​ന്ന ത​ല​ക്കെ​ട്ടി​ൽ വ​ന്ന വാ​ർ​ത്ത​യു​ടെ അ​ടി​സ്ഥാ​ന​ത്തി​ൽ ര​ജി​സ്റ്റ​ർ ചെ​യ്ത കേ​സി​ലാ​ണ് ഉ​ത്ത​ര​വ്. പാ​ല​ക്കാ​ട് ജി​ല്ല പൊ​ലീ​സ് മേ​ധാ​വി​യി​ൽ​നി​ന്ന് ക​മീ​ഷ​ൻ റി​പ്പോ​ർ​ട്ട് വാ​ങ്ങി.

1998 ആ​ഗ​സ്റ്റ് 16ന് ​ന​ട​ന്ന സം​ഭ​വ​മാ​ണ് 80കാ​രി​യെ കോ​ട​തി ക​യ​റ്റി​യ​ത്. തി​രു​നെ​ല്ലാ​യി വി​ജ​ല​പു​രം കോ​ള​നി സ്വ​ദേ​ശി രാ​ജ​ഗോ​പാ​ലി​ന്റെ പി​താ​വി​ന്റെ വീ​ട്ടി​ൽ ജോ​ലി​ക്കു നി​ന്ന ഭാ​ര​തി എ​ന്ന സ്ത്രീ​യെ ജോ​ലി​യി​ൽ​നി​ന്ന് പി​രി​ച്ചു​വി​ട്ട​തി​നെ​തു​ട​ർ​ന്ന് ഇ​വ​ർ അ​സ​ഭ്യം​പ​റ​യു​ക​യും വീ​ട്ടി​ലെ സാ​ധ​ന​ങ്ങ​ൾ കേ​ടു​വ​രു​ത്തു​ക​യും ചെ​യ്തി​രു​ന്നു. പാ​ല​ക്കാ​ട് ടൗ​ൺ സൗ​ത്ത് പൊ​ലീ​സ് കേ​സെ​ടു​ത്ത് 1998 ആ​ഗ​സ്റ്റ് 17ന് ​പ്ര​തി​യെ അ​റ​സ്റ്റ് ചെ​യ്ത് കോ​ട​തി​യി​ൽ ഹാ​ജ​രാ​ക്കി. ജാ​മ്യം അ​നു​വ​ദി​ച്ച​ശേ​ഷം പ്ര​തി മു​ങ്ങി​യ​തോ​ടെ വാ​റ​ന്റി​റ​ക്കി. തു​ട​ർ​ന്ന് പാ​ല​ക്കാ​ട് ടൗ​ൺ സൗ​ത്ത് സ്റ്റേ​ഷ​നി​ലെ സി.​പി.​ഒ മേ​ലു​ദ്യോ​ഗ​സ്ഥ​രു​ടെ നി​ർ​ദേ​ശ​പ്ര​കാ​രം 2019 സെ​പ്റ്റം​ബ​ർ 24ന് ​ആ​ല​ത്തൂ​ർ വ​ട​ക്കേ​ത്ത​റ സ്വ​ദേ​ശി​നി പാ​ർ​വ​തി എ​ന്ന എം. ​ഭാ​ര​തി​യെ യ​ഥാ​ർ​ഥ പ്ര​തി​യെ​ന്ന് തെ​റ്റി​ദ്ധ​രി​ച്ച് അ​റ​സ്റ്റ് ചെ​യ്യാ​ൻ ശ്ര​മി​ച്ചു. താ​ൻ പ്ര​തി​യാ​യി​ട്ടി​ല്ലെ​ന്നും വീ​ട്ടു​ജോ​ലി​ക്ക് നി​ന്നി​ട്ടി​ല്ലെ​ന്നും പ​റ​ഞ്ഞി​ട്ടും പൊ​ലീ​സു​കാ​ർ വി​ശ്വ​സി​ച്ചി​ല്ല.

2019 സെ​പ്റ്റം​ബ​ർ 25ന് ​പാ​ല​ക്കാ​ട് ജെ.​എം.​സി.​എം കോ​ട​തി​യി​ൽ ഹാ​ജ​രാ​ക്കി​യെ​ങ്കി​ലും കോ​ട​തി ജാ​മ്യം അ​നു​വ​ദി​ച്ചു. നി​ര​പ​രാ​ധി​ത്വം ബോ​ധ്യ​പ്പെ​ടു​ത്താ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല. വീ​ട്ടു​ട​മ​യാ​യ രാ​ജ​ഗോ​പാ​ലി​നെ ക​ണ്ട് പ​രാ​തി പി​ൻ​വ​ലി​പ്പി​ച്ച​തോ​ടെ കോ​ട​തി വെ​റു​തെ​വി​ട്ടു. നാ​ലു വ​ർ​ഷം എ​ട്ടു ത​വ​ണ​യാ​ണ് ഇ​വ​ർ കോ​ട​തി ക​യ​റി​യി​റ​ങ്ങി​യ​ത്. ഉ​ദ്യോ​ഗ​സ്ഥ​ർ യ​ഥാ​ർ​ഥ പ്ര​തി​യു​ടെ വി​ലാ​സം ശ​രി​യാ​യ രീ​തി​യി​ൽ പ​രി​ശോ​ധി​ച്ചി​രു​ന്നെ​ങ്കി​ൽ അ​ബ​ദ്ധം സം​ഭ​വി​ക്കു​ക​യി​ല്ലാ​യി​രു​ന്നെ​ന്നും അ​ന്വേ​ഷ​ണ​ത്തി​ന് ഉ​ത്ത​ര​വാ​യി​ട്ടു​ണ്ടെ​ന്നും ര​ണ്ട് ഉ​ദ്യോ​ഗ​സ്ഥ​ർ വി​ര​മി​ച്ച​തി​നാ​ൽ ന​ട​പ​ടി സ്വീ​ക​രി​ക്കാ​ൻ സ​ർ​ക്കാ​റി​ന് റി​പ്പോ​ർ​ട്ട് സ​മ​ർ​പ്പി​ച്ചി​ട്ടു​ണ്ടെ​ന്നും ജി​ല്ല പൊ​ലീ​സ് മേ​ധാ​വി ക​മീ​ഷ​നെ അ​റി​യി​ച്ചു. പ്രാ​യാ​ധി​ക്യ​വും രോ​ഗ​വും കാ​ര​ണം യാ​ത്ര​ചെ​യ്യാ​നാ​കാ​ത്ത അ​വ​സ്ഥ​യി​ലാ​ണെ​ന്നും അ​തി​നാ​ൽ ന​ഷ്ട​പ​രി​ഹാ​രം ആ​ഗ്ര​ഹി​ക്കു​ന്നി​ല്ലെ​ന്നും പാ​ർ​വ​തി എ​ന്ന എം. ​ഭാ​ര​തി​യും സ​ഹോ​ദ​ര​ൻ കൊ​ച്ചു​കൃ​ഷ്ണ​നും ക​മീ​ഷ​നെ അ​റി​യി​ച്ചു.