ദേശീയപാത അധികൃതർ പിരിവിനായി മാത്രമാവരുത് -രമ്യ ഹരിദാസ് എം.പി

ആലത്തൂർ: പാലക്കാട്-തൃശൂർ ദേശീയപാതയിലെ വടക്കഞ്ചേരി മേൽപാലം പണി പൂർത്തിയാക്കാതെ ദേശീയപാത അധികൃതർ പണം പിരിവ് നടത്താനുള്ള ഏജൻസി മാത്രമായി മാറരുതെന്ന് രമ്യ ഹരിദാസ് എം.പി ആവശ്യപ്പെട്ടു.

മേൽപാലത്തിൽ ഇന്നും റോഡ് പൊളിച്ച് നിർമാണ പ്രവൃത്തികൾ നടക്കുന്നുവെന്ന് അറിഞ്ഞാണ് എം.പി സ്ഥലം സന്ദർശിച്ചത്. ഇവിടത്തെ പ്രശ്നത്തിന് ശാശ്വത പരിഹാരം അടിയന്തമായി ഉണ്ടാകണമെന്ന് ദേശീയപാത അധികൃതർക്കും കേന്ദ്ര ഗതാഗത വകുപ്പ് മന്ത്രിക്കും അയച്ച കത്തിൽ എം.പി ആവശ്യപ്പെട്ടു.