ഹെ​ല്‍മ​റ്റ് വി​പ​ണി സ​ജീ​വം

പാ​ല​ക്കാ​ട്: എ.​ഐ കാ​മ​റ പി​ഴ ഈ​ടാ​ക്ക​ന്‍ തു​ട​ങ്ങി​യ​തോ​ടെ ജി​ല്ല​യി​ല്‍ ഹെ​ല്‍മ​റ്റ് വി​പ​ണി സ​ജീ​വം. ഗ്രാ​മ- ന​ഗ​ര​വ്യ​ത്യാ​സ​മി​ല്ലാ​തെ ഹെ​ല്‍മ​റ്റ് ക​ട​ക​ളി​ല്‍ വ​ന്‍തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. ഹെ​ല്‍മ​റ്റി​ല്ലാ​തെ യാ​ത്ര ചെ​യ്താ​ൽ 500 രൂ​പ​യാ​ണ് പി​ഴ. ഓ​ടി​ക്കു​ന്ന ആ​ള്‍ മാ​ത്ര​മ​ല്ല പി​ന്‍സീ​റ്റി​ല്‍ യാ​ത്ര ചെ​യ്യു​ന്ന​വ​രും ഹെ​ല്‍മ​റ്റ് ധ​രി​ക്ക​ണ​മെ​ന്ന നി​ര്‍ബ​ന്ധ​ന വ​ന്ന​തോ​ടെ​യാ​ണ് വി​ല്‍പ​ന കു​തി​ച്ച ഉ​യ​രാ​നി​ട​യാ​ക്കി​യ​തെ​ന്ന് വ്യാ​പാ​രി​ക​ള്‍ പ​റ​ഞ്ഞു.

450 മു​ത​ല്‍ 3000 രൂ​പ വ​രെ​യു​ള്ള ഹെ​ല്‍മ​റ്റു​ക​ളാ​ണ് വി​പ​ണി​യി​ലു​ള്ള​ത്. ഇ​ട​ത്ത​രം ന​ല്ല ഹെ​ല്‍മ​റ്റി​ന് ശ​രാ​ശ​രി 850 മു​ത​ല്‍ 1000 രൂ​പ വി​ല വ​രും. ഇ​തി​നാ​ണ് ആ​വ​ശ്യ​ക്കാ​രേ​റെ. കു​ട്ടി​ക​ളു​ടെ ഹെ​ല്‍മ​റ്റി​നും ആ​വ​ശ്യ​ക്കാ​ര്‍ ഏ​റെ​യാ​ണ്. വി​വി​ധ നി​റ​ങ്ങ​ളി​ല്‍ ല​ഭ്യ​മാ​കു​ന്ന ഇ​വ​ക്ക് 700 മു​ത​ല്‍ 1000 രൂ​പ വ​രെ​യാ​ണ് വി​ല. സ്ത്രീ​ക​ളു​ടെ ഹെ​ല്‍മ​റ്റും വി​വി​ധ രൂ​പ​ത്തി​ലു​ണ്ട്. ഹെ​ല്‍മ​റ്റി​ന്റെ ചി​ല്ല്, ബെ​ല്‍റ്റ് എ​ന്നി​വ​യ​ട​ക്കം മാ​റ്റി ന​ല്‍കു​ന്ന റി​പ്പ​യ​ര്‍ ക​ട​ക​ളും ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ല്‍ സ​ജീ​വ​മാ​യി.

ഗു​ണ​നി​ല​വാ​ര​മി​ല്ലാ​ത്ത ഹെ​ല്‍മ​റ്റു​ക​ളും വി​പ​ണി​യി​ല്‍ അ​ര​ങ്ങ് ത​ക​ര്‍ക്കു​ക​യാ​ണ്. ഇ​വ ചൂ​ട​പ്പം പോ​ലെ വി​റ്റു​പോ​കു​ന്നു​ണ്ട്. സം​സ്ഥാ​ന പാ​ത​യു​ടെ വ​ശ​ങ്ങ​ളി​ൽ വ്യാ​ജ ഐ.​എ​സ്.​ഐ മു​ദ്ര പ​തി​പ്പി​ച്ച ഹെ​ല്‍മ​റ്റു​ക​ളു​ടെ വി​ല്‍പ​ന ത​കൃ​തി​യാ​യി ന​ട​ക്കു​ന്നു​ണ്ട്. 400 മു​ത​ല്‍ 650 രൂ​പ വ​രെ​യാ​ണ് ഇ​വ​യു​ടെ വി​ല. ബ്യൂ​റോ ഓ​ഫ് ഇ​ന്ത്യ​ന്‍ സ്റ്റാ​ന്‍ഡേ​ര്‍ഡ് (ബി.​ഐ.​എ​സ്) മാ​ന​ദ​ണ്ഡ​ങ്ങ​ള്‍ ഉ​റ​പ്പ് വ​രു​ത്തു​ന്ന സാ​ക്ഷ്യ​പ്പെ​ടു​ത്ത​ലാ​ണ് ഐ.​എ​സ്.​ഐ മു​ദ്ര. പൊ​ലീ​സി​നെ ഭ​യ​ന്ന് മാ​ത്രം ഹെ​ല്‍മ​റ്റ് ധ​രി​ക്കു​ന്ന​വ​ര്‍ ഇ​ത്ത​ര​ത്തി​ലു​ള്ള​വ ധ​രി​ച്ചാ​ണ് ത​ടി​യൂ​രു​ന്ന​ത്. എ​ന്നാ​ല്‍, ഇ​വ യാ​തൊ​രു​വി​ധ സു​ര​ക്ഷ​യും ന​ല്‍കു​ന്നി​ല്ല. ഇ​ത്ത​രം ഹെ​ല്‍മ​റ്റു​ക​ള്‍ ധ​രി​ക്കു​ന്ന​ത് ഒ​ഴി​വാ​ക്ക​ണ​മെ​ന്ന് മോ​ട്ടോ​ര്‍വാ​ഹ​ന വ​കു​പ്പ് മു​ന്ന​റി​യി​പ്പ് ന​ല്‍കു​ന്നു.