കനത്ത മഴ​: നെ​ൽ ക​ർ​ഷ​ക​ർ ദു​രി​ത​ത്തി​ൽ

ആ​ല​ത്തൂ​ർ: ശ​ക്ത​മാ​യ മ​ഴ ല​ഭി​ച്ച​തോ​ടെ ഒ​ന്നാം വി​ള​യി​റ​ക്ക​ലി​ലെ പൊ​ടി​വി​ത മു​ട​ങ്ങി​യ​തോ​ടെ ദു​രി​ത​ത്തി​ലാ​യി നെ​ൽ​ക​ർ​ഷ​ക​ർ. ഇ​നി ഞാ​റ്റ​ടി ത​യാ​റാ​ക്കി ന​ടു​ക മാ​ത്ര​മാ​ണ് പോം​വ​ഴി. സാ​ധാ​ര​ണ ര​ണ്ടാം വി​ള​യ്ക്കാ​ണ് ഞാ​റ്റ​ടി ത​യാ​റാ​ക്ക​ലും ന​ടീ​ലു​മൊ​ക്കെ ന​ട​ത്തു​ന്ന​ത്. മേ​ട​ത്തി​ൽ വി​ഷു ക​ഴി​ഞ്ഞാ​ൽ കാ​ലാ​വ​സ്ഥ അ​നു​കൂ​ല​മാ​യി വ​രു​മ്പോ​ൾ പൊ​ടി​വി​ത ന​ട​ത്തി​യാ​ണ് ഒ​ന്നാം വി​ള​യി​റ​ക്കു​ന്ന​ത്. എ​ന്നാ​ൽ, ഇ​ത്ത​വ​ണ വി​ത ന​ട​ത്തേ​ണ്ട സ​മ​യ​മാ​യ​പ്പോ​ഴേ​ക്കും ഇ​ട​ക്കി​ടെ മ​ഴ തു​ട​ങ്ങി.

കാ​ലാ​വ​സ്ഥ അ​നു​കൂ​ല​മാ​കു​മെ​ന്ന പ്ര​തീ​ക്ഷ​യി​ൽ കാ​ത്തി​രു​ന്നെ​ങ്കി​ലും തു​ട​രെ പെ​യ്ത മ​ഴ ക​ർ​ഷ​ക​രു​ടെ എ​ല്ലാ പ്ര​തീ​ക്ഷ​ക​ളും തെ​റ്റി​ച്ചു. ഇ​പ്പോ​ൾ ദി​വ​സ​ങ്ങ​ളാ​യി പെ​യ്യു​ന്ന മ​ഴ​യി​ൽ നെ​ൽ​കൃ​ഷി​യി​ട​മെ​ല്ലാം വെ​ള്ളം നി​റ​ഞ്ഞു ക​വി​ഞ്ഞു. സാ​ധാ​ര​ണ മേ​യ് മാ​സ​ത്തി​ൽ ഒ​റ്റ​പ്പെ​ട്ട വേ​ന​ൽ മ​ഴ​യു​ണ്ടാ​കു​മെ​ന്ന​ല്ലാ​തെ ഇ​ത്ര ശ​ക്ത​മാ​യി പെ​യ്യാ​റി​ല്ല.

മൂ​ന്നു ദി​വ​സ​മാ​യി പെ​യ്യു​ന്ന മ​ഴ ഇ​പ്പോ​ഴും വി​ട്ടു​പോ​യി​ട്ടി​ല്ല. സാ​ധാ​ര​ണ മേ​ടം അ​വ​സാ​ന​ത്തോ​ടെ വി​ത ന​ട​ത്തി​യാ​ൽ ഇ​ട​വ​പ്പാ​തി​യി​ൽ കാ​ല​വ​ർ​ഷം തു​ട​ങ്ങി വെ​ള്ളം കൂ​ടു​മ്പോ​ഴേ​ക്കും നെ​ൽ​ചെ​ടി​ക​ൾ വ​ള​ർ​ന്നി​രി​ക്കും. തു​ട​ർ​ന്ന് ക​ള​പ​റി​യും വ​ള​പ്ര​യോ​ഗ​വു​മെ​ല്ലാം ന​ട​ത്തു​ക​യാ​ണ് പ​തി​വ്. ഇ​പ്പോ​ൾ ഇ​ട​വം ആ​ദ്യ​മാ​ണ് ഞാ​റ്റ​ടി ത​യാ​റാ​ക്കു​ന്ന​ത്. ഇ​നി 21 ദി​വ​സം ക​ഴി​ഞ്ഞ് വേ​ണം പ​റി​ച്ചു ന​ടാ​ൻ. അ​ങ്ങ​നെ ന​ടു​ന്ന കൃ​ഷി​യി​ട​ത്തി​ൽ ക​ന്നി​മാ​സ​ത്തി​ലേ വി​ള​വെ​ടു​ക്കാ​നാ​വൂ എ​ന്ന്​ ക​ർ​ഷ​ക​ർ പ​റ​യു​ന്നു.