ചുവപ്പഴക് വിരിഞ്ഞ് മെഹന്തി മത്സരം

അലനല്ലൂർ: ബലിപെരുന്നാളിനോടനുബന്ധിച്ച് അലനല്ലൂർ ഗ്രാമ പഞ്ചായത്ത് കുടുംബശ്രീ സി.ഡി.എസ്സിന്റെ നേതൃത്വത്തിൽ മെഹന്തി മത്സരം സംഘടിപ്പിച്ചു. 24 വാർഡുകളിൽ നിന്ന് 40 ടീമുകൾ മത്സരിച്ചു. ഷബാന ജാസ്മിൻ, ജഹാന ഷെറിൻ ടീം ഒന്നും മുശ്‌രിഫ, റിൻസിയ ടീം രണ്ടും ഫാത്തിമ ലബീബ, ഷറീന ടീം മൂന്നും സ്ഥാനങ്ങൾ നേടി. അലനല്ലൂർ ഗ്രാമപഞ്ചായത്ത് പ്രസിഡന്റ് കെ. ഹബീബുല്ല അൻസാരി ഉദ്ഘാടനം ചെയ്തു. വൈസ് പ്രസിഡന്റ് മറിയ ആമ്പുക്കാട് അധ്യക്ഷത വഹിച്ചു. ജില്ല പഞ്ചായത്തംഗം റഷീദ് ആലായൻ, വികസന കാര്യ സ്റ്റാൻഡിങ് കമ്മറ്റി ചെയർപേഴ്സൻ കളഭം രാധാകൃഷ്ണൻ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൻ ബഷീർ പടുകുണ്ടിൽ, ക്ഷേമകാര്യ സ്റ്റാൻഡിങ് കമ്മറ്റി ചെയർപേഴ്സൻ നസീറ ജാസ്മിൻ ചതുരാല, ബ്ലോക്ക് പഞ്ചായത്തംഗം അസീസ് ഭീമനാട്, ഗ്രാമ പഞ്ചായത്ത് അംഗങ്ങളായ ജമീല നാസർ, റുബീന അക്കര, ജംഷീല, ആർ.സജിത, കെ. ഷിനു, ഷൈലജ മഠത്തൊടി, ഇ . ജംഷീല, കെ. അബ്ദുൽ ഖാദർ, ഫൈസൽ കീടത്ത്, കെ. അൻഷാദ്, എൻ.ഉമ്മർ ഖത്താബ്, രാജീവ് മണികണ്ഠൻ, കുടുബശ്രീ സി.ഡി.എസ് ചെയർപേഴ്സൻ ബിന്ദു ഏലിയാസ്, വൈസ് ചെയർ പേയ്സൺ റസിയ, ഷംന, ഹഫ്‌സ, കാസിം ആലായൻ എന്നിവർ സംസാരിച്ചു.

കാരാകുർശ്ശി: ഗ്രാമപഞ്ചായത്ത് മൈലാഞ്ചി ഫെസ്റ്റ് പ്രസിഡന്റ് റിയാസ് നാലകത്ത് ഉദ്ഘാടനം ചെയ്തു. വൈസ് പ്രസിഡന്റ് ഹഫ്സത്ത് അധ്യക്ഷത വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷിഫാന, വികസനകാര്യ സ്റ്റാൻഡിങ് കമ്മിറ്റി ചെയർമാൻ കാസിം കോലാനി, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ അലി അക്ബർ എന്നിവർ സംസാരിച്ചു. ഗ്രാമപഞ്ചായത്ത് മെംബർമാരായ ഷബാന, ഷെഫീക്ക്, സുഹൈല, ഐശ്വര്യ, ബിന്ദു, രാധിക, ഷാഹിന എന്നിവർ നേതൃത്വം നൽകി. 100 ഓളം പേർ പങ്കെടുത്തു. വിജയികൾക്ക് സമ്മാനങ്ങൾ വിതരണം ചെയ്തു.