ഗ്രീ​ൻ​ഫീ​ൽ​ഡ് പാ​ത; സ്ഥ​ലം കൈ​മാ​റ്റം ര​ണ്ട് മാ​സ​ത്തി​ന​കം പൂ​ർ​ത്തി​യാ​ക്കും

ക​ല്ല​ടി​ക്കോ​ട്: പാ​ല​ക്കാ​ട്-​കോ​ഴി​ക്കോ​ട് ഗ്രീ​ൻ​ഫീ​ൽ​ഡ് പാ​ത​ക്ക് ഭൂ​വു​ട​മ​ക​ൾ ദേ​ശീ​യ​പാ​ത അ​തോ​റി​റ്റി​ക്ക് സ്ഥ​ലം കൈ​മാ​റു​ന്ന പ്ര​ക്രി​യ അ​ടു​ത്ത മാ​സം അ​വ​സാ​നം ആ​രം​ഭി​ക്കും. പ്രാ​രം​ഭ​ഘ​ട്ട​മെ​ന്ന നി​ല​യി​ൽ സ​ർ​വേ മു​ത​ൽ മൂ​ല്യ​നി​ർ​ണ​യം വ​രെ അ​ഞ്ച് ഘ​ട്ട പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​യ വി​ല്ലേ​ജു​ക​ളി​ലാ​ണ് ആ​ദ്യ​മാ​യി ന​ഷ്ട​പ​രി​ഹാ​രം ഉ​ട​മ​ക​ളു​ടെ ബാ​ങ്ക് അ​ക്കൗ​ണ്ടു​ക​ളി​ലേ​ക്ക് കൈ​മാ​റു​ക. ഈ ​പ്ര​ക്രി​യ​ക്ക് മു​ന്നോ​ടി​യാ​യി വി​ശ​ദ​മൂ​ല്യ​നി​ർ​ണ​യ സ​ർ​വേ ഓ​രോ ഉ​ട​മ​ക​ൾ​ക്കും വ​രും ദി​വ​സ​ങ്ങ​ളി​ൽ ന​ൽ​കും.

ര​ണ്ട് മാ​സ​ത്തി​ന​കം സ്ഥ​ലം ഉ​ട​മ ദേ​ശീ​യ​പാ​ത അ​തോ​റി​റ്റി​ക്ക് (എ​ൻ.​എ​ച്ച്.​എ.​ഐ) കൈ​മാ​റ​ണം. ഇ​തോ​ടെ​യാ​വും ന​ഷ്ട​പ​രി​ഹാ​രം ഉ​ട​മ​യു​ടെ ബാ​ങ്ക് അ​ക്കൗ​ണ്ടി​ലേ​ക്ക് എ​ത്തു​ക.

ഭൂ​മി സ്ഥി​തി ചെ​യ്യു​ന്ന ഭൂ​മി ശാ​സ്ത്ര​പ​ര​മാ​യ പ്ര​ത്യേ​ക​ത​ക​ൾ പ​രി​ഗ​ണി​ച്ചാ​ണ് വി​ല നി​ർ​ണ​യം പൂ​ർ​ത്തി​യാ​ക്കി​യ​ത്. നി​ർ​മി​തി​ക​ളു​ടെ കാ​ല​പ്പ​ഴ​ക്കം പ​രി​ഗ​ണി​ക്കു​ന്ന​ത് ഒ​ഴി​വാ​ക്ക​ണ​മെ​ന്ന ആ​വ​ശ്യം പ​രി​ഗ​ണി​ച്ച് തേ​യ്മാ​ന ചെ​ല​വ് ക​ണ​ക്കാ​ക്കാ​തെ​യാ​ണ് മൂ​ല്യ​നി​ർ​ണ​യം ന​ട​ത്തി​യ​ത്. ഭൂ​മി​യു​ടെ വി​ല നി​ർ​ണ​യം പൊ​തു​നി​ര​ത്തു​ക​ളു​ടെ സാ​ന്നി​ധ്യം പ​രി​ഗ​ണി​ച്ചാ​ണ് നി​ജ​പ്പെ​ടു​ത്തി​യ​ത്. കൃ​ഷി​യോ​ഗ്യ​മാ​യ ഭൂ​മി​ക്കും പു​ര​യി​ട​ത്തി​നും പ്ര​ത്യേ​കം പ്ര​ത്യേ​കം വി​ല​നി​ർ​ണ​യി​ച്ചി​ട്ടു​ണ്ട്.

പ്രാ​രം​ഭ ഘ​ട്ട​മെ​ന്ന നി​ല​യി​ൽ പാ​ല​ക്കാ​ട്, മ​ണ്ണാ​ർ​ക്കാ​ട് താ​ലൂ​ക്കു​ക​ളി​ലെ വി​ല്ലേ​ജു​ക​ളി​ലാ​ണ് കൈ​മാ​റ്റം. ഇ​വ​യി​ൽ ക​രി​മ്പ ഒ​ന്ന്, ര​ണ്ട്, ത​ച്ച​മ്പാ​റ, മ​രു​ത റോ​ഡ് വി​ല്ലേ​ജു​ക​ളി​ലെ ഏ​ക​ദേ​ശം ആ​യി​ര​ത്തി​ൽ​പ​രം ഗു​ണ​ഭോ​ക്താ​ക്ക​ളാ​യ ഭൂ​വു​ട​മ​ക​ൾ ഉ​ൾ​പ്പെ​ടു​മെ​ന്ന് ദേ​ശീ​യ പാ​ത സ്ഥ​ല​മെ​ടു​പ്പ് ഉ​ന്ന​ത ഉ​ദ്യോ​ഗ​സ്ഥ​ൻ മാ​ധ്യ​മ​ത്തോ​ട് പ​റ​ഞ്ഞു.

ഗ്രീ​ൻ​ഫീ​ൽ​ഡ് ഹൈ​വേ​ക്ക് സ്ഥ​ല​മെ​ടു​പ്പി​ന് പ്രാ​രം​ഭ പ്ര​വ​ർ​ത്ത​ന​മെ​ന്ന നി​ല​യി​ൽ സ​ർ​വേ ന​ട​പ​ടി​ക​ൾ വൈ​കി​യ​ത് ആ​വ​ശ്യ​ത്തി​ന് ജീ​വ​ന​ക്കാ​രു​ടെ അ​ഭാ​വ​മാ​ണ്. ഇ​തി​ന​കം ന​ഷ്ട​പ​രി​ഹാ​രം തീ​രെ കി​ട്ടി​ല്ലെ​ന്ന ആ​ധി മൂ​ലം ര​ണ്ട് ഭൂ​വു​ട​മ​ക​ൾ ആ​ത്മ​ഹ​ത്യ ചെ​യ്തു. ജോ​ലി​യു​ടെ പി​രി​മു​റു​ക്ക​ത്തി​നി​ട​യി​ൽ ഒ​രു റ​വ​ന്യൂ ഉ​ദ്യോ​ഗ​സ്ഥ​ൻ കു​ഴ​ഞ്ഞു​വീ​ണ് മ​രി​ച്ചു.

പാ​ല​ക്കാ​ട്, മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ലെ ഉ​ൾ​നാ​ട​ൻ ഹ​രി​ത മേ​ഖ​ല വ​ഴി​യാ​ണ് പ​ര​മാ​വ​ധി 100 കി​ലോ​മീ​റ്റ​ർ വേ​ഗ​ത​യി​ൽ ഭീ​മ​ൻ ച​ര​ക്കു വാ​ഹ​ന​ങ്ങ​ൾ​ക്ക് സ​ഞ്ച​രി​ക്കാ​വു​ന്ന ഗ്രീ​ൻ ഫീ​ൽ​ഡ് പാ​ത ഒ​രു​ങ്ങു​ക.

പ​ട്ട​ണ​പ്ര​ദേ​ശ​ങ്ങ​ളെ ഒ​ഴി​വാ​ക്കി കു​രു​ക്കും വ​ള​വു​മി​ല്ലാ​ത്ത ഹ​രി​ത​പാ​ത വ​ട​ക്ക​ൻ മ​ല​ബാ​റി​ന്റെ വ്യ​വ​സാ​യി​ക ച​രി​ത്ര​ത്തി​ൽ സു​പ്ര​ധാ​ന നാ​ഴി​ക​ക്ക​ല്ലാ​വും. പാ​ല​ക്കാ​ട് ജി​ല്ല​യി​ലെ മ​രു​ത​റോ​ഡ് മു​ത​ൽ എ​ട​ത്ത​നാ​ട്ടു​ക​ര വ​രെ​യു​ള്ള 22 വി​ല്ലേ​ജു​ക​ളി​ലെ ഗ്രാ​മീ​ണ മേ​ഖ​ല സ്പ​ർ​ശി​ച്ചാ​ണ് പാ​ത ക​ട​ന്ന് പോ​വു​ക.121.006 കി​ലോ​മീ​റ്റ​റാ​ണ് പാ​ത​യു​ടെ ആ​കെ ദൈ​ർ​ഘ്യം. 61.44 കി​ലോ​മീ​റ്റ​ർ ദൈ​ർ​ഘ്യ​മാ​ണ് പാ​ല​ക്കാ​ട് ജി​ല്ല​യി​ലു​ണ്ടാ​വു​ക.

ദേ​ശീ​യ​പാ​ത​യി​ലെ മ​രു​ത​റോ​ഡ് മു​ത​ൽ കോ​ഴി​ക്കോ​ട് ദേ​ശീ​യ​പാ​ത 66 ലെ ​പ​ന്തീ​ര​ങ്കാ​വി​ലാ​ണ് റോ​ഡ് ചെ​ന്നെ​ത്തു​ക. ഒ​രു വ​ർ​ഷം മു​മ്പാ​ണ് പാ​ല​ക്കാ​ട് ജി​ല്ല​യി​ൽ സം​യു​ക്ത സ​ർ​വെ ന​ട​പ​ടി തു​ട​ങ്ങി​യ​ത്.​

തു​ട​ക്ക​ത്തി​ൽ ഒ​രു ഡെപ്യൂ​ട്ടി ത​ഹ​സി​ൽ​ദാ​രു​ൾ​പ്പെ​ടെ നാ​ല് റ​വ​ന്യു ഉ​ദ്യാ​ഗ​സ്ഥ​രാ​ണ് 2022 ആ​ഗ​സ്റ്റ് ആ​ദ്യം പ്രാ​രം​ഭം കു​റി​ച്ച ഗ്രീ​ൻ​ഫീ​ൽ​ഡ് ഹൈ​വേ പാ​ല​ക്കാ​ട് ജി​ല്ല ത​ല ഓ​ഫി​സി​ലു​ണ്ടാ​യി​രു​ന്ന​ത്. ഉ​ന്ന​ത ഉ​ദ്യോ​ഗ​സ്ഥ​രെ നി​യ​മി​ച്ച് ഏ​ഴാം മാ​സ​ത്തി​ലാ​ണ് സ​ർ​വേക്ക് ആ​വ​ശ്യ​മാ​യ ആ​റ് അം​ഗ ടീ​മി​നെ ഡെ​പ്യൂ​ട്ടേ​ഷ​ൻ വ​ഴി നി​യ​മി​ക്കു​ന്ന​ത്.