വ​നം​വ​കു​പ്പി​ന്റെ പ​ച്ച​ക്കൊ​ടി; ചൂ​ളി മു​ണ്ട​ക്കു​ളം റോ​ഡി​ന് 21.5 ല​ക്ഷം രൂപ അ​നു​വ​ദി​ച്ചു

അ​ല​ന​ല്ലൂ​ർ: വ​നം​വ​കു​പ്പി​ന്റെ പ​ച്ച​കൊ​ടി ലഭിച്ചതോടെ ചൂ​ളി മു​ണ്ട​കു​ളം റോ​ഡി​നാ​യി അ​ല​ന​ല്ലൂ​ർ ഗ്രാ​മ​പ​ഞ്ചാ​യ​ത്ത് ത​ന​ത് ഫ​ണ്ടി​ൽ​നി​ന്ന് 21.5 ല​ക്ഷം രൂ​പ വ​ക​യി​രു​ത്തി. ടെ​ൻ​ഡ​ർ ന​ട​പ​ടി​ക​ൾ​ക്ക് മു​ന്നോ​ടി​യാ​യി എ​സ്റ്റി​മേ​റ്റ് ത​യാ​റാ​ക്കാ​നാ​യി അ​ല​ന​ല്ലൂ​ർ ഗ്രാ​മ​പ​ഞ്ചാ​യ​ത്ത് ജ​ന​പ്ര​തി​നി​ധി​ക​ൾ, പ​ഞ്ചാ​യ​ത്ത്, വ​നം​വ​കു​പ്പ് ജീ​വ​ന​ക്കാ​ർ എ​ന്നി​വ​ർ റോ​ഡ് സ​ന്ദ​ർ​ശി​ച്ചു. 60 വ​ർ​ഷ​മാ​യി റോ​ഡ് ഗ​താ​ഗ​ത​യോ​ഗ്യ​മാ​ക്കാ​നു​ള്ള നാ​ട്ടു​കാ​രു​ടെ ആ​വ​ശ്യ​ത്തി​ന് ഇ​തോ​ടെ വി​രാ​മ​മാ​യി.

വ​നം​വ​കു​പ്പ് അ​നു​മ​തി ന​ൽ​കാ​ത്ത​തി​നെ തു​ട​ർ​ന്നാ​ണ് റോ​ഡ് ന​വീ​ക​ര​ണം മു​ട​ങ്ങി​യ​ത്. അ​നു​വ​ദി​ച്ച തു​ക​ക്ക് 370 മീ​റ്റ​ർ ദൂ​ര​ത്തി​ൽ കോ​ൺ​ഗ്രീ​റ്റ് പ്ര​വ​ർ​ത്ത​ന​മാ​ണ് ന​ട​ക്കു​ക. വ​നം അ​തി​ർ​ത്തി​ക്കു​ള്ളി​ൽ 800 മീ​റ്റ​റാ​ണ് വ​ഴി ദൂ​രം. റോ​ഡ് ഗ​താ​ഗ​ത​യോ​ഗ്യ​മാ​യാ​ൽ സ​ഞ്ചാ​രി​ക​ളെ കാ​ത്തി​രി​ക്കു​ന്ന ആ​ന​പാ​റ​യി​ലും, മു​ണ്ട​കു​ള​ത്ത് താ​മ​സി​ക്കു​ന്ന കു​ടും​ബ​ങ്ങ​ൾ​ക്കും നി​ര​വ​ധി ക​ർ​ഷ​ക​രു​ടെ സ്ഥ​ല​ത്ത് എ​ത്താ​നും എ​ളു​പ്പ​മാ​കും. അ​ല​ന​ല്ലൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് സ​ജ്ന സ​ത്താ​ർ, ആ​രോ​ഗ്യ വി​ദ്യാ​ഭ്യാ​സ ചെ​യ​ർ പേ​ഴ്സ​ൺ എം. ​ജീ​ഷ, ഗ്രാ​മ​പ​ഞ്ചാ​യ​ത്ത് അം​ഗം പ​ടു​കു​ണ്ടി​ൽ ബ​ഷീ​ർ, അ​സി. എ​ൻ​ജീ​നി​യ​ർ സി.​എ​ൻ. ത​ൻ​സി​ലെ, ഒ. ​ശ​ബാ​ബ് എ​ന്നി​വ​രാ​ണ് സ്ഥ​ലം സ​ന്ദ​ർ​ശി​ച്ച​ത്.