കാഞ്ഞിരപ്പുഴ ഡാമിൽ നീരാടി കാട്ടാനക്കൂട്ടം വഴി തിരിച്ച് വിടാൻ വനപാലകർ

കാ​ഞ്ഞി​ര​പ്പു​ഴ: ഡാ​മി​ൽ നീ​രാ​ടു​ന്ന കാ​ട്ടാ​ന​ക്കൂ​ട്ടം ജ​ന​വാ​സ മേ​ഖ​ല​യി​ലേ​ക്ക് പോ​കാ​തി​രി​ക്കാ​ൻ വ​ന​പാ​ല​ക​രു​ടെ​യും ദ്രു​ത​പ്ര​തി​ക​ര​ണ സേ​ന​യു​ടേ​യും കാ​വ​ൽ തു​ട​രു​ന്നു.

മൂ​ന്ന് ദി​വ​സ​ങ്ങ​ളാ​യി ത​ച്ച​മ്പാ​റ, കാ​ഞ്ഞി​ര​പ്പു​ഴ പ​ഞ്ചാ​യ​ത്തു​ക​ൾ അ​തി​ർ​ത്തി പ​ങ്കി​ടു​ന്ന പി​ച്ച​ള മു​ണ്ട​ക്കും പാ​ല​ക്ക​യ​ത്തി​നും ഇ​ട​യി​ലു​ള്ള കാ​ഞ്ഞി​ര​പ്പു​ഴ ഡാം ​തീ​ര​പ്ര​ദേ​ശ​ങ്ങ​ളി​ലാ​ണ് ഒ​റ്റ​ക്കും കൂ​ട്ടാ​യും കാ​ട്ടാ​ന​ക​ൾ എ​ത്തി വെ​ള്ളം കു​ടി​ച്ചും നീ​രാ​ടി​യും മ​ട​ങ്ങു​ന്ന​ത്. ഇ​ട​തു ഭാ​ഗ​ത്ത് ഡാ​മി​നോ​ട് ചേ​ർ​ന്ന വ​ന​മാ​ണ്.

പു​ഴ​യു​ടെ അ​ക്ക​രെ പി​ച്ച​ള​മു​ണ്ട വ​ഴി​ക​ര വ​ഴി കാ​ഞ്ഞി​ര​പ്പു​ഴ പ​ഞ്ചാ​യ​ത്ത് അ​തി​ർ​ത്തി ക​ട​ന്ന് പാ​ല​ക്ക​യം ജ​ന​വാ​സ മേ​ഖ​ല​യി​ൽ ആ​ന​ക​ൾ എ​ത്താം. നി​ല​വി​ൽ പാ​യ​പ്പു​ല്ല് ഭാ​ഗ​ത്ത് ദി​വ​സേ​ന ഒ​ന്നി​ല​ധി​കം കാ​ട്ടാ​ന​ക​ളെ കാ​ണു​ന്ന​താ​യി ത​ദ്ദേ​ശ​വാ​സി​ക​ൾ പ​റ​ഞ്ഞു. ദ്രു​ത​ക​ർ​മ സേ​ന കാ​ട്ടാ​ന​ക​ളെ പ​ട​ക്കം പൊ​ട്ടി​ച്ചാ​ണ് ജ​ന​വാ​സ മേ​ഖ​ല​യി​ൽ​നി​ന്ന് അ​ക​റ്റു​ന്ന​ത്.