ഫാ​ക്ട​റി​യി​ലെ പൊ​ട്ടി​ത്തെ​റി; ഞെ​ട്ട​ൽ മാ​റാ​തെ നാ​ട്

പാ​ല​ക്കാ​ട്: കെ.​എം. പു​തൂ​രും പ​രി​സ​ര പ്ര​ദേ​ശ​ങ്ങ​ളും ചൊ​വ്വാ​ഴ്ച ഉ​റ​ക്ക​മു​ണ​ർ​ന്ന​ത് ഉ​ഗ്ര​ശ​ബ്ദം കേ​ട്ടാ​ണ്. എ​ന്തോ ഒ​ന്ന് വീ​ടി​ന് സ​മീ​പം വ​ന്ന് ഇ​ടി​ച്ചു​വീ​ഴു​ന്ന​താ​യി തോ​ന്നി ഞെ​ട്ടി എ​ഴു​ന്നേ​ൽ​ക്കു​ക​യാ​യി​രു​ന്നെ​ന്ന് സ​മീ​പ​വാ​സി അ​രു​ൺ ‘മാ​ധ്യ​മ’​ത്തോ​ട് പ​റ​ഞ്ഞു. പൊ​ട്ടി​ത്തെ​റി​യു​ടെ ആ​ഘാ​ത​ത്തി​ൽ സ​മീ​പ​ത്തെ വീ​ടു​ക​ൾ​ക്ക് പ​ല​തി​നും കേ​ടു​പാ​ട് പ​റ്റി. സ്റ്റീ​ൽ ഫാ​ക്ട​റി​യു​ടെ മൂ​ന്നു​കി​ലോ​മീ​റ്റ​ർ ദൂ​രെ ചു​ള്ളി​മ​ട​യി​ൽ വ​രെ ശ​ബ്ദം കേ​ട്ട​താ​യി വാ​ർ​ഡ് മെം​ബ​ർ മി​ൻ​മി​നി പ​റ​യു​ന്നു. ഇ​തി​ന് പി​ന്നാ​ലെ ആ​റു​മ​ണി​യോ​ടെ മി​ൻ​മി​നി​യും നാ​ട്ടു​കാ​രും സം​ഭ​വ​സ്ഥ​ല​ത്തെ​ത്തി​യി​രു​ന്നു. ഫാ​ക്ട​റി​ക്ക് അ​ടു​ത്താ​യി ജ​ന​വാ​സ​മേ​ഖ​ല​യും എ​ൽ.​പി.​ജി ബോ​ട്ട്ലി​ങ് പ്ലാ​ന്റു​മു​ണ്ട്. തീ ​പ​ട​രു​ക​യോ മ​റ്റെ​വി​ടെ​ക്കെ​ങ്കി​ലും വ്യാ​പി​ക്കു​ക​യോ ചെ​യ്തി​രു​ന്നെ​ങ്കി​ൽ സ​മാ​ന​ത​ക​ളി​ല്ലാ​ത്ത ദു​ര​ന്ത​ത്തി​നാ​യി​രി​ക്കും നാ​ട് സാ​ക്ഷ്യം വ​ഹി​ക്കേ​ണ്ടി വ​ന്നി​രി​ക്കു​ക എ​ന്ന് മി​ൻ​മി​നി പ​റ​യു​ന്നു. ഫാ​ക്ട​റി​യി​ൽ സു​ര​ക്ഷാ​സം​വി​ധാ​ന​ങ്ങ​ളൊ​ന്നും ത​ന്നെ ഇ​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി. മ​ലി​നീ​ക​ര​ണ​മ​ട​ക്കം പ്ര​ശ്ന​ങ്ങ​ൾ നി​ല​നി​ൽ​ക്കു​​ന്നു​ണ്ടെ​ന്നും ഇ​വ​ർ പ​റ​യു​ന്നു. ​രാ​വി​ലെ ക​മ്പ​നി​യി​ൽ അ​പ​ക​ട​മു​ണ്ടാ​യ സ്ഥ​ല​ത്തെ​ത്തി​യ ക​ല​ക്ട​ർ​ക്ക് മി​ൻ​മി​നി​യു​ടെ നേ​തൃ​ത്വ​ത്തി​ൽ നാ​ട്ടു​കാ​ർ പ​രാ​തി ന​ൽ​കി.

വി​ല്ല​ൻ ശീ​തീ​ക​ര​ണ സം​വി​ധാ​ന​ത്തി​ലെ ചോ​ർ​ച്ച

പാ​ല​ക്കാ​ട്: ക​ഞ്ചി​ക്കോ​ട് കൈ​ര​ളി സ്റ്റീ​ൽ ഫാ​ക്ട​റി​യി​ൽ ഫ​ർ​ണ​സ് പൊ​ട്ടി​ത്തെ​റി​ച്ച​തി​ന് കാ​ര​ണം ഫ​ർ​ണ​സി​ലെ ശീ​തീ​ക​ര​ണ സം​വി​ധാ​ന​ത്തി​ലു​ണ്ടാ​യ ചോ​ർ​ച്ച​യെ​ന്ന് സം​യു​ക്ത പ​രി​ശോ​ധ​ന സം​ഘം. അ​ഗ്നി​ര​ക്ഷ​സേ​ന, ഫാ​ക്ട​റീ​സ് ആ​ൻ​ഡ് ബോ​യി​ലേ​ഴ്സ്, മ​ലി​നീ​ക​ര​ണ നി​യ​ന്ത്ര​ണ​ബോ​ർ​ഡ്, വ്യ​വ​സാ​യ വ​കു​പ്പ് ഉ​ദ്യോ​ഗ​സ്ഥ​ർ എ​ന്നി​വ​ര​ട​ങ്ങി​യ സം​ഘം ചൊ​വ്വാ​ഴ്ച രാ​വി​ലെ സം​ഭ​വ​സ്ഥ​ലം സ​ന്ദ​ർ​ശി​ച്ച് ത​യാ​റാ​ക്കി​യ റി​പ്പോ​ർ​ട്ടി​ലാ​ണ് ക​ണ്ടെ​ത്ത​ലു​ള്ള​ത്. റി​പ്പോ​ർ​ട്ട് ക്രോ​ഡീ​ക​രി​ച്ച് വ്യ​വ​സാ​യ വ​കു​പ്പ് അ​ധി​കൃ​ത​ർ ക​ല​ക്ട​ർ​ക്ക് കൈ​മാ​റി. റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ ജി​ല്ല ഭ​ര​ണ​കൂ​ടം വ​രും​ദി​വ​സ​ങ്ങ​ളി​ൽ ന​ട​പ​ടി​ക​ൾ ഏ​കോ​പി​പ്പി​ക്കും.

കേ​സെ​ടു​ത്ത് പൊ​ലീ​സ്

പാ​ല​ക്കാ​ട്: ഫാ​ക്ട​റി​യി​ലു​ണ്ടാ​യ സ്ഫോ​ട​ന​ത്തി​ൽ ഒ​രാ​ൾ മ​രി​ച്ച സം​ഭ​വ​ത്തി​ൽ അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത​താ​യി എ​സ്.​പി ആ​ർ. ആ​ന​ന്ദ് ‘മാ​ധ്യ​മ’​ത്തോ​ട് പ​റ​ഞ്ഞു. പ്ര​ത്യേ​ക പൊ​ലീ​സ് സം​ഘം കേ​സ​ന്വേ​ഷി​ക്കു​മെ​ന്നും എ​സ്.​പി പ​റ​ഞ്ഞു.