'ഹൈ ​ടെ​ൻ​ഷ​ൻ ആ​ശ​ങ്ക'; കാട്ടാനപ്പേടിയിൽ വൈദ്യുത വേലികളിൽ ഉയർന്ന വോൾട്ടേജിൽ വൈദ്യുതി കടത്തി വിടുന്നു

മു​ത​ല​മ​ട: കാ​ട്ടാ​ന​പ്പേ​ടി​യി​ൽ സ്വ​കാ​ര്യ വൈ​ദ്യു​ത വേ​ലി​ക​ളി​ൽ ഉ​യ​ർ​ന്ന വോ​ൾ​ട്ടേ​ജി​ൽ വൈ​ദ്യു​തി ക​ട​ത്തി​വി​ടു​ന്നത് ആ​ശ​ങ്ക​യാ​കു​ന്നു. കൊ​ല്ല​ങ്കോ​ട്, എ​ല​വ​ഞ്ചേ​രി, മു​ത​ല​മ​ട പ​ഞ്ചാ​യ​ത്തു​ക​ളി​ലാ​ണ് കാ​ട്ടാ​ന​ക​ളു​ടെ ശ​ല്യം വ​ർ​ധി​ച്ച​തി​നെ തു​ട​ർ​ന്ന് തോ​ട്ട​ങ്ങ​ളി​ലെ വൈ​ദ്യു​ത വേ​ലി​ക​ളി​ൽ ഉ​യ​ർ​ന്ന വേ​ൾ​ട്ടേ​ജി​ൽ വൈ​ദ്യു​തി ക​ട​ത്തി വി​ടു​ന്ന​ത്. ഏ​താ​നും മാ​സ​ങ്ങ​ളാ​യി കാ​ട്ടാ​ന ശ​ല്യം കു​റ​ഞ്ഞി​രു​ന്നു.

എ​ന്നാ​ൽ തെ​ന്മ​ല​യോ​ര പ്ര​ദേ​ശ​ത്ത് ക​ഴി​ഞ്ഞ ര​ണ്ടാ​ഴ്ച​യാ​യി പ​ത്തി​ല​ധി​കം കാ​ട്ടാ​ന​ക്കൂ​ട്ടം വ്യാ​പ​ക നാ​ശം വ​രു​ത്തി​യി​രു​ന്നു. ആ​ന വ​നാ​ന്ത​ര​ത്തി​ൽ ക​ട​ക്കാ​താ​യ​തോ​ടെ​യാ​ണ് സൗ​രോ ർ​ജ വേ​ലി​ക​ളി​ൽ വൈ​ദ്യു​തി ക​ട​ത്തി വി​ടു​ന്ന​ത്.

വ​നം വ​കു​പ്പി​ന്റെ വൈ​ദ്യു​ത വേ​ലി ത​ക​ർ​ന്ന​തും കൊ​ല്ല​ങ്കോ​ട് മു​ത​ൽ വെ​ള്ളാ​ര​ൻ ക​ട​വ് വ​രെ കാ​ര്യ​ക്ഷ​മ​മ​ല്ലാ​ത്ത​തു​മാ​ണ് സ്വ​കാ​ര്യ വൈ​ദ്യു​ത വേ​ലി​ക​ൾ തോ​ന്നി​യ​പോ​ലെ പ്ര​വ​ർ​ത്തി​പ്പി​ക്കാ​ൻ ഇ​ട​യാ​ക്കു​ന്ന​ത്.കൊ​ളു​മ്പ്, വ​ള​വ​ടി, പ​ന്നി​ക്കോ​ൽ, അ​ടി​വാ​രം, അ​യ്യ​പ്പ​ൻ തി​ട്ട്, ചാ​ത്ത​ൻ​പാ​റ, സീ​താ​ർ കു​ണ്ട്, മാ​ത്തൂ​ർ, ചു​ക്രി​യാ​ൽ, പാ​ത്തി​പ്പാ​റ, കെ​ട്ട​പ്പ​ള്ളം, വെ​ള്ളാ​ര​ൻ​ക​ട​വ്, ച​പ്പ​ക്കാ​ട്, മെ​ണ്ടി​പ​തി എ​ന്നീ പ്ര​ദേ​ശ​ങ്ങ​ളി​ലാ​ണ് നി​ല​വി​ൽ കാ​ട്ടാ​ന ശ​ല്യം വ്യാ​പ​ക​മാ​യ​ത്.

സോ​ളാ​ർ വൈ​ദ്യു​ത​വേ​ലി എ​ന്ന പേ​രി​ൽ നി​ർ​മാ​ണം ആ​രം​ഭി​ച്ച് പി​ന്നീ​ട് ഉ​യ​ർ​ന്ന തോ​തി​ൽ വൈ​ദ്യു​തി ക​ട​ത്തി​വി​ടു​ന്ന​ത് മി​ക്ക​പ്പോ​ഴും മാ​നു​ക​ളും കാ​ട്ടു​പ​ന്നി​ക​ളും കു​ടു​ങ്ങാ​ൻ ഇ​ട​യാ​ക്കി​യി​ട്ടു​ണ്ട്. അ​ന​ധി​കൃത വൈ​ദ്യു​ത വേ​ലി​ക​ൾ മ​നു​ഷ്യ​ജീ​വ​നു​വ​രെ ഭീ​ഷ​ണി​യാ​യി​ട്ടു​ണ്ട്. വ​നം വ​കു​പ്പും വൈ​ദ്യു​ത വ​കു​പ്പും ക​ർ​ശ​ന​മാ​യ പ​രി​ശോ​ധ​ന​ക​ൾ ന​ട​ത്ത​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.