പെ​രി​ങ്ങോ​ട്ടെ ക​ച്ച​വ​ട​ക്കാ​ർ ചോ​ദി​ക്കു​ന്നു, ‘ഞ​ങ്ങ​ള്‍ക്കും ജീ​വി​ക്ക​ണ്ടേ...’

കൂ​റ്റ​നാ​ട്: ഓ​വു​പാ​ല​ത്തി​ന്റെ പു​ന​ർ നി​ർ​മാ​ണ പ്ര​വൃ​ത്തി​യി​ൽ ത​ർ​ക്ക​മു​ണ്ടാ​യ​തോ​ടെ ദു​രി​ത​ത്തി​ലാ​യി വ്യാ​പാ​രി​ക​ള്‍. എ​ട്ട​ര കി.​മീ​റ്റ​ർ ദൂ​ര​മു​ള്ള അ​ക്കി​ക്കാ​വ്-​ക​റു​ക​പു​ത്തൂ​ർ പാ​ത​യു​ടെ ന​വീ​ക​ര​ണം ന​ട​ക്കു​ന്ന​താ​ണ് ദു​രി​ത​മാ​യ​ത്. ഓ​വു​പാ​ല​ത്തി​ന്റെ പേ​രി​ൽ ത​ർ​ക്കം ഉ​ട​ലെ​ടു​ത്ത​തോ​ടെ റോ​ഡി​ന്റെ പ​ണി അ​നി​ശ്ചി​ത​ത്തി​ലാ​വു​മോ എ​ന്ന​താ​ണ് ആ​ശ​ങ്ക. ബി.​എം ആ​ൻ​ഡ് ബി.​സി മാ​തൃ​ക​യി​ൽ പു​തു​ക്കി​പ്പ​ണി​യു​ന്ന പാ​ത​യി​ൽ 22 ഓ​വു​പാ​ല​ങ്ങ​ളാ​ണു​ള്ള​ത്.Due to the dispute over the reconstruction of

ഇ​തി​ലേ​റ്റ​വും പ്ര​ധാ​ന​പ്പെ​ട്ട പെ​രി​ങ്ങോ​ട് താ​ഴം സെ​ന്റ​റി​ലു​ള്ള ഓ​വു​പാ​ലം ചാ​ലു​കീ​റി പ​ണി തു​ട​ങ്ങി​യ ശേ​ഷ​മാ​ണ് ത​ർ​ക്കം ഉ​ട​ലെ​ടു​ത്ത​ത്. ഓ​വു​പാ​ലം സ്ഥാ​പി​ച്ചാ​ൽ പെ​രി​ങ്ങോ​ട് പാ​ട​ശേ​ഖ​ര​ത്തി​നോ​ട് ചേ​ർ​ന്ന് പു​തു​താ​യി വ​ന്നി​ട്ടു​ള്ള ഏ​താ​നും വീ​ടു​ക​ൾ​ക്ക് അ​പ​ക​ടം വ​രു​മെ​ന്ന​തി​നാ​ൽ പാ​ലം വേ​ണ്ടെ​ന്ന് ഒ​രു വി​ഭാ​ഗം ആ​വ​ശ്യ​പ്പെ​ട്ടു. എ​ന്നാ​ൽ, വ​ർ​ഷ​ങ്ങ​ളാ​യി ഉ​പ​യോ​ഗ​ത്തി​ലു​ള്ള ഓ​വു​പാ​ലം രാ​ഷ്ട്രീ​യ പ്രേ​ര​ണ​യാ​ൽ ഇ​ല്ലാ​താ​ക്കാ​നു​ള്ള ശ്ര​മം അ​നു​വ​ദി​ക്കി​ല്ല​ന്ന് മ​റു​വി​ഭാ​ഗ​വും ശ​ഠി​ക്കു​ന്നു. കോ​ൺ​ഗ്ര​സ് പ്ര​വ​ർ​ത്ത​ക​ർ പാ​ലം വേ​ണ​മെ​ന്ന ആ​വ​ശ്യ​വു​മാ​യി ബോ​ർ​ഡു​ക​ളും സ്ഥാ​പി​ച്ചു.

വി​ഷ​യ​ത്തി​ന് രാ​ഷ്ട്രീ​യ​നി​റം വ​ന്ന​തോ​ടെ നി​ർ​മാ​ണം ത​ട​സ്സ​പ്പെ​ടു​ക​യാ​ണു​ണ്ടാ​യ​ത്. അ​തോ​ടെ​യാ​ണ് ഓ​വു​പാ​ല​ത്തി​ന് സ​മീ​പം ക​ച്ച​വ​ടം ന​ട​ത്തു​ന്ന സ്ഥാ​പ​ന​ങ്ങ​ൾ ദു​രി​ത​ത്തി​ലാ​യ​ത്. പെ​രി​ങ്ങോ​ട് സെ​ന്റ​റി​ൽ പൊ​തു​മ​രാ​മ​ത്ത് വ​കു​പ്പ് പാ​ലം നി​ർ​മി​ക്കാ​ൻ സ്ഥാ​പി​ച്ച ക​മ്പി​ക​ളും ഇ​രു​മ്പ് പ​ല​ക​ക​ളും അ​ഴി​ച്ചു മാ​റ്റി​യ​തോ​ടെ റോ​ഡി​ന് കു​റു​കെ കീ​റി​യ 10 അ​ടി താ​ഴ്ച​യു​ള്ള വ​ലി​യ കി​ട​ങ്ങ് ക​ച്ച​വ​ട​ക്കാ​ർ​ക്കും വ​ഴി​യാ​ത്ര​ക്കാ​ർ​ക്കും അ​പ​ക​ടം വ​രു​ത്തു​ന്ന സ്ഥി​തി​യി​ലാ​യി.

സ്ഥാ​പ​ന​ത്തി​ന്റെ മു​ന്നി​ൽ കി​ട​ങ്ങ് വ​ന്ന​തോ​ടെ പെ​രി​ങ്ങോ​ട് മ​തു​പ്പു​ള്ളി റോ​ഡി​ലെ ക​ച്ച​വ​ട​ക്കാ​രാ​ണ് പ്ര​യാ​സ​ത്തി​ലാ​യ​ത്. കി​ട​ങ്ങി​ൽ വെ​ള്ളം നി​റ​ഞ്ഞ് ക​ഴി​ഞ്ഞാ​ൽ ക​ട​ക​ൾ ത​ന്നെ പൊ​ളി​ഞ്ഞു​വീ​ഴു​മെ​ന്ന​താ​ണ് സ്ഥി​തി. കി​ട​ങ്ങി​നോ​ട് ചേ​ർ​ന്ന വൈ​ദ്യ​ശാ​ല​യി​ൽ മ​രു​ന്ന് വാ​ങ്ങാ​നെ​ത്തു​ന്ന​വ​ർ ഏ​റെ സൂ​ക്ഷി​ച്ചി​ല്ല​ങ്കി​ല്‍ കി​ട​ങ്ങി​ലേ​ക്ക് വീ​ഴും. മ​റ്റ് ക​ട​ക​ളി​ലും സ്ഥി​തി മ​റി​ച്ച​ല്ല.

ത​ര്‍ക്കം തീ​രു​ന്ന​തു​വ​രെ ഉ​പ​ഭോ​ക്താ​ക്ക​ൾ​ക്ക് ക​ട​ക​ളി​ൽ ക​യ​റി​യി​റ​ങ്ങാ​നു​ള്ള സൗ​ക​ര്യ​മെ​ങ്കി​ലും ചെ​യ്തു​ന​ൽ​ക​ണ​മെ​ന്ന് ഇ​വ​ർ ആ​വ​ശ്യ​പ്പെ​ടു​ന്നു. ജ​ന​പ്ര​തി​നി​ധി​ക​ൾ നി​ത്യ​വും ഈ ​വ​ഴി പോ​കു​ന്നു​ണ്ടെ​ങ്കി​ലും പ്ര​ശ്ന​ത്തി​ൽ ഇ​ട​പെ​ടു​ന്നി​ല്ലെ​ന്ന പ​രാ​തി​യും നാ​ട്ടു​കാ​ർ​ക്കു​ണ്ട്.