സി​ഗ്ന​ൽ സം​വി​ധാ​ന​മി​ല്ലാ​തെ വലഞ്ഞ് പു​തു​പ്പ​ള്ളി​ത്തെ​രു​വ്

പാ​ല​ക്കാ​ട്: നൂ​റ​ണി-​വെ​ണ്ണ​ക്ക​ര റോ​ഡി​നെ​യും ഡി.​പി.​ഒ ജ​ങ്ഷ​ൻ-​തി​രു​നെ​ല്ലാ​യി റോ​ഡി​നെ​യും ത​മ്മി​ൽ ബ​ന്ധി​പ്പി​ക്കു​ന്ന പ്ര​ധാ​ന ക​വ​ല​യാ​യ പു​തു​പ്പ​ള്ളി​ത്തെ​രു​വി​ൽ സി​ഗ്ന​ൽ സം​വി​ധാ​ന​മി​ല്ലാ​ത്ത​ത് യാ​ത്ര​ക്കാ​ർ​ക്ക് പ്ര​യാ​സം സൃ​ഷ്ടി​ക്കു​ന്നു.

തി​ര​ക്കേ​റി​യ ജ​ങ്ഷ​നി​ൽ സി​ഗ്ന​ൽ സം​വി​ധാ​നം ഇ​ല്ലാ​ത്ത​തി​നാ​ൽ വാ​ഹ​ന​ങ്ങ​ൾ ത​ല​ങ്ങും വി​ല​ങ്ങും പോ​കു​ന്ന​ത് അ​പ​ക​ട സാ​ധ്യ​ത വ​ർ​ധി​പ്പി​ക്കു​ന്നു. നൂ​റ​ണി ഭാ​ഗ​ത്തു​നി​ന്നും വെ​ണ്ണ​ക്ക​ര ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ളും വെ​ണ്ണ​ക്ക​ര​യി​ൽ​നി​ന്നും നൂ​റ​ണി കെ.​എ​സ്.​ആ​ർ.​ടി.​സി ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ളും ഒ​രേ​സ​മ​യം പ്ര​ധാ​ന റോ​ഡു​ക​ളി​ലേ​ക്ക് പ്ര​വേ​ശി​ക്കു​ന്ന​ത് അ​പ​ക​ട സാ​ധ്യ​ത​യു​ണ്ടാ​ക്കു​ന്നു. ഇ​തി​നു​പു​റ​മേ കെ.​എ​സ്.​ആ​ർ.​ടി.​സി ഭാ​ഗ​ത്തു​നി​ന്നും വ​രു​ന്ന വാ​ഹ​ന​ങ്ങ​ൾ ജ​ങ്ഷ​നി​ൽ​നി​ന്നും നൂ​റ​ണി റോ​ഡി​ലേ​ക്ക് അ​ല​ക്ഷ്യ​മാ​യി തി​രി​യു​ന്ന​തും അ​പ​ക​ട​ങ്ങ​ൾ ക്ഷ​ണി​ച്ചു​വ​രു​ത്തു​ന്നു. തി​ര​ക്കേ​റി​യ ജ​ങ്ഷ​നാ​യി​ട്ട് പോ​ലും കാ​ൽ​ന​ട​യാ​ത്ര​ക്കാ​ർ​ക്ക് സു​ര​ക്ഷി​ത​മാ​യി റോ​ഡ് മു​റി​ച്ച് ക​ട​ക്കു​ന്ന​തി​നാ​യി സീ​ബ്രാ​ലൈ​ൻ പോ​ലും ഇ​വി​ടെ വ​ര​ച്ചി​ട്ടി​ല്ല.

പാ​ല​ക്കാ​ടു​നി​ന്നും വെ​ണ്ണ​ക്ക​ര വ​ഴി തി​രു​നെ​ല്ലാ​യി ഗ്രാ​മ​ത്തി​ലേ​ക്കു​ള്ള ബ​സ് സ​ർ​വി​സ് ന​ട​ത്തു​ന്ന​തും പു​തു​പ്പ​ള്ളി​ത്തെ​രു​വ് ജ​ങ്ഷ​ൻ വ​ഴി​യാ​ണ്. ആ​രാ​ധ​നാ​ല​യ​ങ്ങ​ൾ, ക​ല്യാ​ണ​മ​ണ്ഡ​പം, നി​ര​വ​ധി വ്യാ​പാ​ര​സ്ഥാ​പ​ന​ങ്ങ​ൾ എ​ന്നി​വ​യു​ള്ള​തി​നാ​ൽ ജ​ങ്ഷ​നി​ൽ എ​പ്പോ​ഴും തി​ര​ക്കാ​ണ്. ശാ​ദി​മ​ഹ​ൽ ഭാ​ഗ​ത്തു​നി​ന്നും യാ​ക്ക​ര റെ​യി​ൽ​വേ ഗേ​റ്റ് ഭാ​ഗ​ത്ത് നി​ന്നും വെ​ണ്ണ​ക്ക​ര​യി​ലേ​ക്ക് ഡി.​പി.​ഒ റോ​ഡി​ലൂ​ടെ വാ​ഹ​ന​ങ്ങ​ൾ വ​രു​ന്ന​തും തൃ​ശൂ​ർ ദേ​ശീ​യ​പാ​ത​യി​ൽ​നി​ന്നും വാ​ഹ​ന​ങ്ങ​ൾ ന​ഗ​ര​ത്തി​ലേ​ക്ക് എ​ത്തു​ന്ന​തും വെ​ണ്ണ​ക്ക​ര-​പു​തു​പ്പ​ള്ളി​ത്തെ​രു​വ് ജ​ങ്ഷ​നി​ലൂ​ടെ​യാ​ണ്. ആ​യ​തി​നാ​ൽ ജ​ങ്ഷ​നി​ൽ അ​പ​ക​ട​ങ്ങ​ൾ ഒ​ഴി​വാ​ക്കു​ന്ന​തി​നാ​യി സി​ഗ്ന​ൽ സം​വി​ധാ​നം സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.