പാ​ലം ക​ട​ന്ന് അ​ക്ഷ​ര​വെ​ളി​ച്ച​ത്തി​ലേ​ക്ക്

പാ​ല​ക്കാ​ട്: അ​ട്ട​പ്പാ​ടി​യി​ൽ സ്കൂ​ളു​ക​ളി​ൽ​നി​ന്നു​ള്ള വി​ദ്യാ​ർ​ഥി​ക​ളു​ടെ കൊ​ഴി​ഞ്ഞു​പോ​ക്കി​നെ ത​ട​ഞ്ഞു നി​ർ​ത്തി കു​ടും​ബ​ശ്രീ​യു​ടെ ‘ബ്രി​ഡ്ജ് കോ​ഴ്സ്’ പ​ദ്ധ​തി. പ​ല കാ​ര​ണ​ങ്ങ​ൾ കൊ​ണ്ട് പ​ഠ​നം പാ​തി​വ​ഴി​യി​ൽ ഉ​പേ​ക്ഷി​ച്ച് സ്കൂ​ൾ വി​ട്ട കു​ട്ടി​ക​ളെ​യാ​ണ് പ​ദ്ധ​തി​യി​ലൂ​ടെ തി​രി​കെ​യെ​ത്തി​ച്ച​ത്. കു​ട്ടി​ക​ളു​ടെ പ​ഠ​ന​ത്തി​ൽ നി​ന്നു​ള്ള കൊ​ഴി​ഞ്ഞു​പോ​ക്ക് അ​ട്ട​പ്പാ​ടി​യു​ടെ വി​ദ്യാ​ഭ്യാ​സ മേ​ഖ​ല​യു​ടെ വ​ലി​യ​തോ​തി​ലു​ള്ള ത​ള​ർ​ച്ച​ക്ക് കാ​ര​ണ​മാ​യ​പ്പോ​ഴാ​ണ് ബ്രി​ഡ്ജ് കോ​ഴ്സ് ആ​രം​ഭി​ച്ച​ത്.

അ​ട്ട​പ്പാ​ടി​യി​ൽ എ​ൽ.​പി, യു.​പി, ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി ത​ല​ത്തി​ൽ 35 സ്കൂ​ളു​ക​ളാ​ണ് നി​ല​വി​ൽ പ്ര​വ​ർ​ത്തി​ക്കു​ന്ന​ത്. പാ​ഠ്യ-​പാ​ഠ്യേ​ത​ര വി​ഷ‍യ​ങ്ങ​ളി​ൽ സ്കൂ​ളു​ക​ൾ കാ​ണി​ക്കു​ന്ന അ​ജ്ഞ​ത, അ​ന്യ​ഭാ​ഷ​യാ​യ മ​ല​യാ​ള​ത്തി​ലു​ള്ള ക്ലാ​സു​ക​ൾ, അ​ധ്യാ​പ​ക​രു​ടെ​യും മ​റ്റ് സൗ​ക​ര്യ​ങ്ങ​ളു​ടെ​യും അ​പ​ര്യാ​പ്ത​ത തു​ട​ങ്ങി​യ​വ​മൂ​ലം പ​ല​പ്പോ​ഴും ആ​ദി​വാ​സി വി​ഭാ​ഗ​ത്തി​ൽ പെ​ട്ട കു​ട്ടി​ക​ളെ സ്കൂ​ളു​ക​ളി​ൽ​നി​ന്ന് അ​ക​റ്റി. പൊ​തു​സ്ഥ​ല​ങ്ങ​ളി​ൽ കു​ട്ടി​ക​ൾ നേ​രി​ടു​ന്ന ആ​ദി​വാ​സി വി​വേ​ച​ന സ​മീ​പ​ന​ങ്ങ​ളും ചു​റ്റു​പാ​ടു​ക​ളും കൊ​ഴി​ഞ്ഞു​പോ​ക്കി​ന് ആ​ക്കം കൂ​ട്ടി.

2011 മു​ത​ൽ 2016 വ​രെ​യു​ള്ള കാ​ല​ഘ​ട്ട​ത്തി​ൽ ഏ​ക​ദേ​ശം 1671 കു​ട്ടി​ക​ളാ​ണ് പ​ഠി​ത്തം നി​ർ​ത്തി​യ​ത്. സ​മ​ഗ്ര ആ​ദി​വാ​സി വി​ക​സ​ന പ​ദ്ധ​തി കു​ടും​ബ​ശ്രീ മി​ഷ​ൻ അ​ട്ട​പ്പാ​ടി ബാ​ല​വി​ഭ​വ കേ​ന്ദ്രം 192 ഉ​ന്ന​തി​ക​ളി​ൽ ന​ട​ത്തി​യ സ​ർ​വേ​യി​ൽ കു​റ​ഞ്ഞ​ത് അ​ഞ്ച് മു​ത​ൽ 20 കു​ട്ടി​ക​ൾ വ​രെ ഓ​രോ ഉ​ന്ന​തി​ക​ളി​ലും പ​ഠ​നം നി​ർ​ത്തി​യ​താ​യി ക​ണ്ടെ​ത്തി. ഈ ​കു​ട്ടി​ക​ളെ തി​രി​കെ എ​ത്തി​ക്കാ​ൻ 2016 ലാ​ണ് കു​ടും​ബ​ശ്രീ​യു​ടെ നേ​തൃ​ത്വ​ത്തി​ൽ ബ്രി​ഡ്ജ് കോ​ഴ്സ് ആ​രം​ഭി​ച്ച​ത്. പ​ദ്ധ​തി​യു​ടെ പ്ര​വ​ർ​ത്ത​ന​ഫ​ല​മാ​യി പ​ഠ​നം നി​ർ​ത്തി​യ കു​ട്ടി​ക​ൾ സ്കൂ​ളു​ക​ളി​ലേ​ക്ക് തി​രി​ച്ചെ​ത്തി.

കോ​വി​ഡ് കാ​ല​ത്ത് ബ്രി​ഡ്ജ് പ​ദ്ധ​തി മു​ഖേ​ന മി​ക​ച്ച പ്ര​വ​ർ​ത്ത​ന​മാ​ണ് കാ​ഴ്ച​വെ​ച്ച​ത്. ഓ​ൺ​ലൈ​നാ​യി കു​ട്ടി​ക​ൾ​ക്ക് പ​ഠ​ന​സൗ​ക​ര്യ​മൊ​രു​ക്കി. ഇ​ക്കാ​ല​യ​ള​വി​ൽ 2446 കു​ട്ടി​ക​ൾ​ക്ക് പ​ഠ​ന​സ​ഹാ​യം ന​ൽ​കി. നെ​റ്റ് വ​ർ​ക്ക് ഇ​ല്ലാ​ത്ത പ്ര​ദേ​ശ​ങ്ങ​ളി​ൽ പി.​ഡി.​എ​ഫ്, പെ​ൻ​ഡ്രൈ​വ് വ​ഴി പ​ഠ​ന സൗ​ക​ര്യ​ങ്ങ​ൾ എ​ത്തി​ച്ചു. പ​ദ്ധ​തി​യു​ടെ മോ​ഡ​ൽ പ​ട്ടി​ക​വ​ർ​ഗ വ​കു​പ്പ് ഏ​റ്റെ​ടു​ത്ത് സാ​മൂ​ഹ്യ പ​ഠ​ന​മു​റി​യാ​ക്കി​യ​തും കു​ടും​ബ​ശ്രീ സം​സ്ഥാ​ന മി​ഷ​ൻ മ​റ്റു​ള്ള പ്ര​ദേ​ശ​ങ്ങ​ളി​ൽ ബ്രി​ഡ്ജ് കോ​ഴ്സ്​ എ​ന്ന ആ​ശ​യം ന​ട​പ്പി​ലാ​ക്കി​യ​തും വ​ലി​യ അം​ഗീ​കാ​ര​മാ​യാ​ണ് അ​ധി​കൃ​ത​ർ കാ​ണു​ന്ന​ത്.

എ​ന്താ​ണ് ബ്രി​ഡ്ജ് കോ​ഴ്സ്​

ത​ദ്ദേ​ശീ​യ മേ​ഖ​ല​യി​ൽ വീ​ടു​ക​ളി​ൽ​നി​ന്ന് സ്​​കൂ​ളി​ൽ പോ​യി വ​ന്നു പ​ഠി​ക്കു​ന്ന വി​ദ്യാ​ർ​ഥി​ക​ൾ​ക്ക് പാ​ഠ്യ പാ​ഠ്യേ​ത​ര വി​ഷ​യ​ങ്ങ​ളി​ൽ പി​ന്തു​ണ സം​വി​ധാ​ന​മൊ​രു​ക്കി സ​മ​ഗ്ര വി​ക​സ​നം ഉ​റ​പ്പു വ​രു​ത്തു​ന്ന​തി​ന് ഉ​ന്ന​തി​ക​ൾ കേ​ന്ദ്രീ​ക​രി​ച്ച് കു​ടും​ബ​ശ്രീ മു​ഖേ​ന ന​ട​പ്പി​ലാ​ക്കു​ന്ന സാ​മൂ​ഹ്യ പ​ഠ​ന സം​വി​ധാ​ന​മാ​ണ് ബ്രി​ഡ്ജ് കോ​ഴ്സ്.

വൈ​കു​ന്നേ​ര​ങ്ങ​ളി​ൽ ര​ണ്ടു മ​ണി​ക്കൂ​റും ശ​നി, ഞാ​യ​ർ ദി​വ​സ​ങ്ങ​ളി​ൽ ഉ​ച്ച​വ​രെ​യു​ള്ള സ​മ​യ​ങ്ങ​ളി​ലും കു​ട്ടി​ക​ളെ വി​വി​ധ കാ​ര്യ​ങ്ങ​ൾ വി​വി​ധ രീ​തി​ക​ളി​ലൂ​ടെ പ​ഠി​പ്പി​ക്കു​ന്നു. ഭ​ക്ഷ​ണം, ആ​രോ​ഗ്യം, ശു​ചി​ത്വം, വി​ദ്യാ​ഭ്യാ​സം എ​ന്നീ പ്ര​ക്രി​യ​യി​ലൂ​ടെ​യാ​ണ് ബ്രി​ഡ്ജ് കോ​ഴ്സ്​ ക​ട​ന്നു പോ​കു​ന്ന​ത്.

വി​ദ്യാ​ർ​ഥി​ക​ളു​ടെ സ്​​കൂ​ളു​ക​ളി​ൽ നി​ന്നു​ള്ള കൊ​ഴി​ഞ്ഞു പോ​ക്ക് ഇ​ല്ലാ​താ​ക്കു​ക, ത​ദ്ദേ​ശീ​യ മേ​ഖ​ല​യി​ലെ ത​ന​തു ഭാ​ഷ, സം​സ്​​കാ​രം, അ​റി​വു​ക​ൾ എ​ന്നി​വ പു​തു​ത​ല​മു​റ​യി​ലേ​ക്ക് പ​ക​ർ​ന്നു ന​ൽ​കു​ന്ന​തി​നു​ള്ള ഇ​ട​പെ​ട​ലു​ക​ൾ ന​ട​ത്തു​ക, ഓ​രോ കു​ട്ടി​ക​ളി​ലും അ​ന്ത​ർ​ലീ​ന​മാ​യി കി​ട​ക്കു​ന്ന ക​ഴി​വു​ക​ളെ ക​ണ്ടെ​ത്തി പ​രി​പോ​ഷി​ക്കു​ക, കു​ട്ടി​ക​ളി​ൽ ആ​ത്മ​വി​ശ്വാ​സം, മ​ത്സ​ര ബു​ദ്ധി, കാ​യി​ക​ശേ​ഷി എ​ന്നി​വ വ​ള​ർ​ത്തി​യെ​ടു​ക്കു​ക തു​ട​ങ്ങി​യ​വ​യാ​ണ് ല​ക്ഷ്യ​ങ്ങ​ൾ.

സ്കൂ​ളു​ക​ളി​ൽ​നി​ന്നും കൊ​ഴി​ഞ്ഞു​പോ​യ വി​ദ്യാ​ർ​ഥി​ക​ളു​ടെ ക​ണ​ക്ക് (പ​ഞ്ചാ​യ​ത്ത് അ​ടി​സ്ഥാ​ന​ത്തി​ൽ)

വ​ർ​ഷം, അ​ഗ​ളി, പു​തൂ​ർ, ഷോ​ള​യൂ​ർ, ആ​കെ എ​ന്ന ക്ര​മ​ത്തി​ൽ:

2011-12 : 122 : 144 : 128 : 394

2012-13 : 111 : 138 : 121 : 370

2013-14: 105 : 120 : 116 : 341

2014-15 : 98 : 99 : 104 : 301

2015-16 : 89 : 77 : 99 : 265