മങ്കര-കാളികാവ് റെയിൽവേ മേൽപാലം നിർമാണത്തിന് ഒച്ചിന്റെ വേഗത

മ​ങ്ക​ര: മ​ങ്ക​ര, കോ​ട്ടാ​യി പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന മ​ങ്ക​ര-​കാ​ളി​കാ​വ് റെ​യി​ൽ​വേ മേ​ൽ​പാ​ലം നി​ർ​മാ​ണ​ത്തി​ന് ഒ​ച്ചി​ന്റെ വേ​ഗ​ത. നാ​ലു​വ​ർ​ഷം മു​മ്പ് അ​നു​മ​തി ല​ഭി​ച്ചി​ട്ടും കാ​ര്യ​മാ​യ ന​ട​പ​ടി​ക​ളൊ​ന്നും തു​ട​ങ്ങാ​നാ​യി​ട്ടി​ല്ല. മ​ണ്ണ് പ​രി​ശോ​ധ​ന ര​ണ്ടു​വ​ർ​ഷം മു​മ്പ് പൂ​ർ​ത്തി​യാ​യി​രു​ന്നു. ഒ​ന്ന​ര വ​ർ​ഷം മു​മ്പ് സ്ഥ​ലം അ​ള​ന്ന് തി​ട്ട​പ്പെ​ടു​ത്തി.

ക​ർ​ഷ​ക​രു​ടെ​യും സ്ഥ​ലം ഉ​ട​മ​ക​ളു​ടെ​യും യോ​ഗം വി​ളി​ക്കു​ക​യും ചെ​യ്തു. വി​ട്ടു​ന​ൽ​കു​ന്ന സ്ഥ​ല​ത്തി​ന് മ​തി​യാ​യ വി​ല ന​ൽ​ക​ണ​മെ​ന്ന ആ​വ​ശ്യം ക​ർ​ഷ​ക​ർ ഉ​ന്ന​യി​ച്ചി​രു​ന്നു. ര​ണ്ടു വ​ർ​ഷം മു​മ്പ് രാ​ജ​ഗി​രി കോ​ള​ജി​ലെ എ​ൻ​ജി​നീ​യ​ർ വി​ഭാ​ഗം വി​ദ്യാ​ർ​ഥി​ക​ൾ ഇ​വി​ടെ പ​രി​ശോ​ധ​ന ന​ട​ത്തി ഡി.​പി.​ആ​ർ ത​യാ​റാ​ക്കി സ​ർ​ക്കാ​റി​ന് ന​ൽ​കി​യി​ട്ടു​ണ്ട്. എ​ന്നാ​ൽ, ഭൂ​മി അ​ള​ന്ന് ഏ​റ്റെ​ടു​ക്കാ​നോ വി​ല ന​ൽ​കാ​നോ ന​ട​പ​ടി​യാ​യി​ട്ടി​ല്ല.

ഇ​വി​ടെ മേ​ൽ​പാ​ലം വേ​ണ​മെ​ന്ന​ത് യാ​ത്ര​ക്കാ​രു​ടെ ഏ​റെ നാ​ള​ത്തെ ആ​വ​ശ്യ​മാ​യി​രു​ന്നു. റെ​യി​ൽ​വേ ഗേ​റ്റ് അ​ട​ച്ചാ​ൽ ചി​ല സ​മ​യ​ങ്ങ​ളി​ൽ 10 മു​ത​ൽ 15 മി​നി​റ്റ് വ​രെ വാ​ഹ​ന​ങ്ങ​ൾ കാ​ത്തി​രി​ക്കേ​ണ്ട അ​വ​സ്ഥ​യാ​ണ്. ഇ​തു​വ​ഴി അ​ഞ്ചു മി​നി​റ്റി​നി​ടെ ഒ​രു ട്രെ​യി​ൻ ക​ട​ന്ന് പോ​കു​ന്നു​ണ്ട്.

രോ​ഗി​ക​ളു​മാ​യി വ​രു​ന്ന ആം​ബു​ല​ൻ​സ് വ​രെ കു​രു​ക്കി​ൽ​പെ​ടാ​റു​ണ്ട്. സ്വ​കാ​ര്യ ബ​സു​ക​ൾ കു​രു​ക്കി​ൽ​പെ​ട്ട് സ​മ​യ​ത്തി​ന് എ​ത്താ​ത്ത​തി​നാ​ൽ യാ​ത്ര​ക്കാ​രു​മാ​യും മ​റ്റ് ബ​സ് ജീ​വ​ന​ക്കാ​രു​മാ​യും ത​ർ​ക്കം ഉ​ണ്ടാ​കാ​റു​ണ്ടെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. കേ​ന്ദ്ര-​സം​സ്ഥാ​ന ഫ​ണ്ട് ഉ​പ​യോ​ഗി​ച്ചാ​ണ് പാ​ലം നി​ർ​മി​ക്കു​ന്ന​ത്. നി​ര​വ​ധി യാ​ത്ര​ക്കാ​ർ​ക്ക് ഉ​പ​കാ​ര​പ്ര​ദ​മാ​കു​ന്ന മേ​ൽ​പാ​ലം ഉ​ട​ൻ യാ​ഥാ​ർ​ഥ്യ​മാ​ക്കാ​ൻ എം.​പി​യും എം.​എ​ൽ.​എ​യും സ​ർ​ക്കാ​റി​ൽ സ​മ്മ​ർ​ദം ചെ​ലു​ത്ത​ണ​മെ​ന്ന് മ​ങ്ക​ര പ​ഞ്ചാ​യ​ത്ത് പ്ര​സി​ഡ​ന്റ് എം.​എ​ൻ. ഗോ​കു​ൽ​ദാ​സ് ആ​വ​ശ്യ​പ്പെ​ട്ടു.